Peter I-Eiland

Peter I-Eiland Inheemse naam: Peter I Øy
Ligging van Peter I-Eiland
Geografie
Ligging	Suidelike Oseaan, Antarktika
Koördinate	68°53′S 90°34′W
Oppervlakte	156 vk km
Hoogste punt	Lars Christensentoppen 1 755 m
Administrasie
Noorweë
Oorsese gebied	Peter I-Eiland

Kus van die Peter I-Eiland

Kaart van die Peter I-Eiland

Fabian von Bellingshausen het Peter I-Eiland (Noors: Peter I Øy) op 21 Januarie 1821 naby die kus van Wes-Antarktika ontdek. Dit is vernoem na die Russiese keiser Peter I. Ola Olstad voer die eerste suksesvolle landing op 2 Februarie 1929 uit en eis die eiland vir Noorweë. Die aanspraak is, soos alle aansprake van gebiede suid van 60°S, opgeskort in terme van die Antarktiese Verdrag. Die ander Antarktiese gebied waarop Noorweë aanspraak maak is Koningin Maudland. Peter I-Eiland is die enigste Antarktiese aanspraak onder die Antarktiese Verdrag wat nie 'n sektor is nie.

Die eiland het 'n oppervlak van 243 km² en bereik 'n hoogte van 1755 meter op Lars Christensenpiek, wat 'n vulkaan is. Dit is nie bekend of dit geblus is of nie aangesien die boonste gedeelte oënskynlik onveranderd deur gletserwerking is. Dit lê by 68° 50' Suid, 90° 35' Wes, ongeveer 450 km van die kus van Wes-Antarktika. Dit word deur pakys omring behalwe vir 'n kort tydperk in die laat somer. Dit is 95% vergletser.

Amateurradio

Die amateurradio voorvoegsel vir die eiland is 3Y, en die eiland tree af en toe op as gasheer vir DX-pedition. As een van die moeilikste entiteite om te kontak vir die gewilde DX Century Club toekenning, veroorsaak die geleenthede intense verkeersvlakke.

Eksterne skakels

• 2006 Peter I-Eiland amateurradio ekspedisie (3YØX)
• 1994 Peter I-Eiland amateurradio ekspedisie (3YØPI)
• 1987 Peter I-Eiland amateurradio ekspedisie (3Y1EE, 3Y2GV)