Leonardus Terwoldt

Leonardus Terwoldt
Naam	Leonardus Terwoldt
Geboorte	1664 Longenhouw, Friesland
Sterfte	Onbekend Nederland (waarskynlik)
Kerkverband	Nederduits Gereformeerd
Gemeente(s)	Kaapstad
Jare aktief	1689–1693 (in Suid-Afrika; daarna onbekend)
Kweekskool	Groningen

Ds. Leonardus Terwoldt (ook Terwolt, Terwold of Terwalt) (Longenhouw, Friesland, 1664 – Nederland, datum onbekend) was die tiende predikante wat in diens van die Nederduitse Gereformeerde Kerk in Suid-Afrika bevestig is.

Terwoldt is in Friesland gebore waar sy vader predikant was. ’n Broer van hom was predikant in Ytens. Hy is op 25 Augustus 1682 as student in Groningen ingeskryf en van 1689 tot 1693 was hy predikant aan die Kaap. Veel is nie van hom bekend nie. Hy het die Kaap verlaat en op 9 November 1693 in Batavia aangekom en daar verslag gedoe van die toestand van die Kerk aan die Kaap. In Desember van dieselfde jaar is hy na Holland terug en daarna is, wat die beskikbare bronne betref, nie weer van hom gehoor nie.

Kaapstad se predikante tydens die 17de eeu

1. Joan van Arckel (ook Johannes), 1665 - 1666
2. Johannes de Vooght, 26 Februarie tot 23 November 1666
3. Petrus Wachtendorp, November 1666 - Februarie 1667
4. Adriaan de Vooght, 1667 - 1674
5. Rudolphus Meerlandt, 1674 - 1675
6. Petrus Hulsenaar, 1675 - 1677
7. Johan Frederick Stumphius, Mei 1678
8. Johannes Overney, 1678 - 1687
9. Johannes van Andel, 1687 - 1689
10. Leonardus Terwoldt, 1689 - 1695
11. Hercules van Loon, 1695 - 1697
12. Petrus Kalden, 1697 - 1707

Bronne

• (af) Engelbrecht, prof. dr. S.P. 1952. Die Kaapse predikante van die sewentiende en agtiende eeu. Kaapstad en Pretoria: H.A.U.M.-De Bussy.
• (nl) Maeder, ds. G.A. en Zinn, Christian. 1917. Ons Kerk Album. Kaapstad: Ons Kerk Album Maatschappij Bpkt.