Trigonometriese baken

'n Stapper by 'n trigonometriese baken op die Tsitsikammaberge

'n Trigonometriese baken is 'n landmerk wat vir geodetiese opmeting gebruik word. Hierdie bakens word gewoonlik deur regerings opgerig, en die koördinate en hoogte van die baken word dan gepubliseer. Die vorm van hierdie bakens verskil van land tot land.

Daar is ongeveer 28 000 trigonometriese bakens in Suid-Afrika, gewoonlik 'n wit betonbasis met swart metaalplate bo-op. Die bakens in Suid-Afrika word deur die Departement van Landelike Ontwikkeling en Grondhervorming bestuur. Hierdie bakens word meestal op berge, heuwels en prominente mensgemaakte strukture aangetref.

Trigonometriese bakens vorm deel van 'n ou opnamestelsel, wat ook 24 000 stadspeilmerke in 122 dorpe en stede insluit, asook duisende peilmerke wat oorspronklik langs spoorlyne in 'n betonbasis geplaas is, maar ook later langs paaie en snelweë. Hierdie bakens en peilmerke is 'n passiewe stelsel aangesien die baken slegs die koördinate wat aan hom toegewys is verteenwoordig, en geen rol speel in die opdatering of monitering van sy posisie nie. Hierdie opnamestelsel word geleidelik vervang deur aktiewe GPS-stasies, wat in Suid-Afrika bekend staan as TrigNet. Die voordeel van die nuwe GPS gebaseerde stelsel is dat dit lewendige data voorsien, en die data kan elektronies gestoor word om later verwerk te word.

Fotogalery

• 
  'n Trigonometriese baken op Leeukop in Kaapstad.
• 
  'n Trigonometriese baken in Australië.
• 
  'n Trigonometriese baken in Kazakhstan.
• 
  'n Trigonometriese baken in Nieu-Seeland.
• 
  'n Trigonometriese baken in Portugal.
• 
  'n Trigonometriese baken in die Verenigde Koninkryk.
• 
  'n Trigonometriese baken in die Spanje.

Eksterne skakels

• Lys van Suid-Afrika se Trigonometriese bakens in 'n formaat wat in Google Earth gelees kan word.