Jaco du Plessis

Jay
Geboortenaam	Jan Jacobus Johannes du Plessis
Ook bekend as	Jay
Gebore	11 September 1977 (1977-09-11) Sasolburg, Suid-Afrika
Beroep(e)	Sanger
Jare aktief	1999 - nou
Etikette	Coleske Artists
Assosiasies	Eden
Webwerf	www.coproductions.co.za

Lêer:Jay (Jaco du Plessis).jpg

Jay, alias Jaco du Plessis.

Jaco du Plessis of Jay soos hy bekend staan, is 'n Afrikaanse sanger. Hy is op 11 September 1977 gebore in Sasolburg en het gematrikuleer aan Hoërskool Aliwal-Noord. Na skool het hy by die lugmag aangesluit en was ook deel van die Kannaries-sanggroep. Hierna het hy musiekteater betree en was in verskeie verhoogproduksies betrokke. Hy en sy vrou het vier seuns, Aiden, Samuel, Luka en Jamie.

In 2001 wen hy die ATKV Crescendo-kompetisie saam met Joe Niemand. Die album wat hieruit volg is vir twee GMT-toekennings benoem, waarvan hulle die toekenning vir Beste Pop Album ontvang het. Hy was ook deel van die seun-sanggroep Eden gewees, waarna hy 'n solo sangloopbaan begin het. Sy debuut soloalbum, SOLO, het reeds platinumstatus verbygesteek en is bekroon met twee Huisgenoot Tempo-toekennings: Beste Pop Album en Liedjie van die Jaar vir Melanie asook twee SAMA-nominasies.

Diskografie

• Point of No Return (2003) (met Eden)
• Eden (2006) (met Eden)
• Knieë Lam (2008) (met Eden)
• Dekade (2009) (met Eden)
• Solo (2010)
• Bonnie en Clyde (2012) (met Lianie May)
• #Dis Hoe Ons Rol (2013)
• Nooit Oud Raak Nie (2014) (met Eden)
• Vir Liefde (2016) (met Lianie May)
• So Lank Sal Ek Jou Liefhê (2017)

Filmografie

• Platteland (2011)

Televisie

Jay en sy gesin was deel van realiteitsreeks, Jay & die Boys, waarin sy vrou, Mia, hom en sy vier seuns uitgedaag het om doen-dit-self-take in en om die huis aan te pak.

Sien ook

• Suid-Afrikaanse musici
• Afrikaanse musiek

Eksterne skakels

• https://www.instagram.com/jay_du_plessis/?hl=en
• https://www.facebook.com/pg/Jay.Band.Official/about/?ref=page_internal