Kaukasus

Satellietbeeld van die Kaukasus

Die Kaukasus (Armeens: Կովկաս; Aserbeidjans: Qafqaz; Georgies: კავკასიონი, Kawkasioni; Persies:رشته‌کوه قفقاز; Russies: Кавказ, Kawkas; Turks: Kafkas Dağları) is 'n bergreeks in Eurasië, wat die natuurlike grens tussen Asië en Europa vorm. Die Kaukasus skei Rusland van die lande Georgië en Azerbeidjan en strek oor 'n afstand van sowat 1100 kilometer van die Kaspiese See aan die Swartsee. Die Kaukasus bestaan uit die Groter Kaukasus in die noorde en die Kleiner Kaukasus in die Suide.

Die hoogste bergrug vorm grotendeels ook die grenslyn tussen Rusland en Georgië en Azerbeidjan, terwyl die kleiner bergrug Georgië van Turkye en Armenië skei. Die hoogste bergtop is die Elbrus met 5642 meter.

In die Kaukasusgebergte lê die konflikgebiede Abchasië, Dagestan, Ingoesjetië, Nagorno-Karabach, Suid-Ossetië en Tsjetsjnië.