Leonardo DiCaprio

Leonardo DiCaprio
Leonardo DiCaprio by die primière van Body of Lies in Londen.
Geboortenaam	Leonardo Wilhelm DiCaprio
Geboorte	11 November 1974 Los Angeles, CA (VSA)
Nasionaliteit	Amerikaans
Beroep(e)	Akteur, rolprentvervaardiger
Rolprente	Titanic, Blood Diamond
Webwerf	leonardodicaprio.com
Toekennings	Golden Globe vir The Aviator
Internet-rolprentdatabasis-profiel

Leonardo Wilhelm DiCaprio (* 11 November 1974) is 'n Amerikaanse akteur en rolprentvervaardiger wie se loopbaan afgeskop het met sy rol in die televisiesitkom Growing Pains en vinnig na rolprente oorgeslaan het. Sy kritiese deurbraak rolprentvertoning het in This Boy's Life gekom en is gou deur What's Eating Gilbert Grape gevolg. Sy vertolking van die rol van die verstandelik vertraagde broer van Johnny Depp (in die titelrol) het hom nominasies vir die Golden Globe en Academy-toekenning vir Best Supporting Actor (Afrikaans: Beste Ondersteunende Akteur) besorg. Hy het roem verwerf vir sy vertolking van Jack Dawson in Titanic en het in verskeie ander suksesvolle rolprente verskyn, insluitende Romeo + Juliet, Catch Me If You Can, en Blood Diamond, lg. waarvoor hy vir die Academy-toekenning vir Best Actor (Afrikaans: Beste Akteur) genomineer is.

'n Verdere Academy-nominasie het gekom vir sy rol as Howard Hughes in The Aviator, deur Martin Scorsese geregisseer. Hy het voortgegaan om met Scorsese in rolprente soos Gangs of New York en The Departed te werk. Hierdie samewerkingsvennootskap het vergelyking gebring met die vroeëre werksverhouding tussen Scorsese en akteur Robert de Niro, wat ook rolle in Scorsese se rolprente tydens sy vroeë loopbaan vertolk het. DiCaprio het daarbenewens nog ook twee BAFTA-nominasies, drie Screen Actors Guild-nominasies, en 'n Silver Bear-toekenning ontvang.