Andy Murray

Andy Murray tydens die 2011-Australiese Ope.

Andy Murray rus tussen stelle.

Andrew (Andy) Murray (gebore 15 Mei 1987) is 'n professionele Skotse tennisspeler en tans Brittanje se nommer 1 speler.

Hy beklee die nommer 4 posisie op die wêreldranglys. Vanaf 17 Augustus 2009 tot 31 Augustus 2009 het hy die nommer 2 posisie beklee, die hoogste posisie wat 'n Brit sedert Fred Perry beklee het.

Loopbaan

Andy Murray begin in 2005 om professioneel tennis te speel. Hy het tot hede tot drie Grand Slam-eindstryde deurdring, maar het nog nooit 'n titel ingepalm nie. Sy eerste was tydens die 2008-VSA Ope. Die tweede en derde was in die Australiese Opes van 2010 en 2011.

2010

Andy verloor in drie stelle teen Roger Federer in die Australiese Ope. Die eindtelling was 6–3, 6–4, 7–6(11).

2011

Andy verloor in drie stelle teen Novak Đoković in die Australiese Ope. Die eindtelling was 6–4, 6–2, 6–3.

Grand Slam-rekord

Die tabel toon Murray se prestasie tydens elk van die Grand Slam-toernooie in mansenkels waaraan hy deelgeneem het:

Jaar	Australiese Ope	Franse Ope	Wimbledon	VSA Ope
2005	Nie gespeel nie	Nie gespeel nie	Rondte 3	Rondte 2
2006	Rondte 1	Rondte 1	Rondte 4	Rondte 4
2007	Rondte 4	Nie gespeel nie	Nie gespeel nie	Rondte 3
2008	Rondte 1	Rondte 3	Kwarteindstryd	Eindstryd
2009	Rondte 4	Kwarteindstryd	Halfeindstryd	Rondte 4
2010	Eindstryd	Rondte 4	Halfeindstryd	Rondte 3
2011	Eindstryd

Eksterne skakels

• (en) Andy se amptelike webwerf
• (en) Webwerf vir bewonderaars