Roger Federer

in Wikipedia, die vrye ensiklopedie
Jump to navigation Jump to search
Roger Federer
Roger Federer (18953614769).jpg
Roger Federer in 2015
Bynaam Swiss Maestro[1]
Federer Express
Fed Express
FedEx[2]
Land Vlag van Switserland Switserland
Woonplek Bottmingen, Switserland[3]
Geboortedatum 8 Augustus 1981 (1981-08-08) (38 jaar oud) [4]
Geboorteplek Basel, Switserland[4]
Lengte 1,85 m[4]
Gewig 85 kg[4]
Begin professioneel 1998[4]
Spelstyl Regshandig (eenhandig handrughou)[4]
Loopbaan-wengeld $124 293 122[4] (2de van alle tye)
Amptelike webblad rogerfederer.com
Enkelspel
Loopbaanrekord 1208–264 (82,1%)[4]
Loopbaantitels 101[4] (2de van die Ope-era)
Hoogste rang No. 1 (2 Februarie 2004)[4]
Huidige rang No. 3 (10 Junie 2019)[4]
Grand Slam-uitslae
Australiese Ope W (2004, 2006, 2007, 2010, 2017, 2018)
Franse Ope W (2009)
Wimbledon W (2003, 2004, 2005, 2006, 2007, 2009, 2012, 2017)
VSA-Ope W (2004, 2005, 2006, 2007, 2008)
Toereindronde W (2003, 2004, 2006, 2007, 2010, 2011)
Olimpiese Spele Silver medal.svg Silwermedalje (2012)
Dubbelspel
Loopbaan-rekord 130–89 (59,4%)[4]
Loopbaantitels 8[4]
Hoogste rang No. 24 (9 Junie 2003)[4]
Australiese Ope 3R (2003)
Franse Ope 1R (2000)
Wimbledon KE (2000)
VSA-Ope 3R (2002)
Olimpiese Spele Gold medal.svg Goue medalje (2008)
Laaste opgedateer op: 14 Julie 2019.

Roger Federer (Duits: [ˈrɔdʒər ˈfeːdərər]; gebore 8 Augustus 1981 in Basel, Switserland) is ’n Switserse professionele tennisspeler en tans no. 3 op die wêreldranglys van mansenkelspelspelers volgens die ATP.[5] Baie kenners en tennisspelers glo Federer is moontlik die beste speler in die geskiedenis van tennis. Sy ma, Lynette Federer (née Durand), is ’n Suid-Afrikaner en hy het self ook Suid-Afrikaanse burgerskap.

Roger Federer tydens die Australiese Ope in 2014.
Roger Federer tydens die Australiese Ope in 2010.
Roger Federer tydens die Wimbledon-kampioenskap in 2009.

Federer het al 20 Grand Slam-titels gewen tydens mansenkelspeltoernooie (hy het al aan 74 deelgeneem), die meeste in die geskiedenis vir ’n manstennisspeler. Hy het die Wimbledon-kampioenskapstoernooi agt keer gewen (’n rekord), die Australiese Ope ses keer, die VSA-Ope vyf keer (almal agtereenvolgens; ’n rekord) en die Franse Ope een keer. Hy is een van net agt mans met ’n loopbaan-Grand Slam agter sy naam. In 2004 het hy die eerste speler sedert Mats Wilander geword wat drie van die vier Grand Slam-enkelspeltoernooie in dieselfde jaar wen: die Australiese Ope, Wimbledon en die VSA-Ope. Hy het ook al ses Tennismeestersbekertoernooie en 27 ATP-meestersreekstitels gewen.

Federer het die ATP se no. 1-posisie vir ’n rekord van 310 weke beklee. Hy het ook van 2 Februarie 2004 tot 17 Augustus 2008 die no. 1-wêreldposisie vir ’n rekord van 237 agtereenvolgende weke beklee. Op 8 Julie 2007 het hy Björn Borg se rekord van vyf agtereenvolgende seges op Wimbledon geëwenaar.

Sy spel is veelsydig,[6] en sy oënskynlik maklike en doeltreffende bewegings het hom gewild onder tennisaanhangers gemaak.

Persoonlike lewe[wysig | wysig bron]

Vroeë lewe[wysig | wysig bron]

Federer is in Basel, Switserland, gebore.[7] Sy pa, Robert Federer, is ’n Duitssprekende Switser en sy ma, Lynette Federer (née Durand), is van Kempton Park in Gauteng, Suid-Afrika. Hy het ’n ouer suster, Diana,[8] die ma van ’n tweeling.[9]

Federer het Switserse en Suid-Afrikaanse burgerskap.[10] Hy het in Birsfelden, Riehen en Münchenstein grootgeword en praat vlot Duits, Switserse Duits, Engels en Frans, asook Italiaans en Sweeds; sy huistaal is Switserse Duits.[7][11][12][13]

Federer se handtekening.

Soos alle Switserse burgers was Federer onderworpe aan diensplig in die Switserse weermag. Hy is egter in 2003 "ongeskik" verklaar en het nie sy diensplig gedoen nie.[14] In die plek daarvan het hy in die burgerlike beskermingsmag gedien.[15]

Gesin[wysig | wysig bron]

Federer is getroud met ’n voormalige speler van die Vrouetennisvereniging, Mirka Federer (née Vavrinec). Hulle het mekaar in Sydney ontmoet terwyl albei Switserland verteenwoordig het op die Olimpiese Somerspele 2000. Sy het in 2002 uit die APT-toer getree weens ’n voetbesering.[16] Hulle is op 11 April 2009 naby Basel getroud.[17] In 2009 het Mirka die lewe aan identiese tweelingdogters geskenk.[18] In 2014 het die Federers nog ’n identiese tweeling gehad, dié keer seuns.[19][20]

Federer se byname is die Federer Express (verkort tot Fed Express of FedEx)[21] en Maestro.[21][22][23][24]

Filantropiese werk[wysig | wysig bron]

Federer doen baie filantropiese werk, onder meer in Suid-Afrika (sy ma se vaderland). In 2003 het hy die Roger Federer-stigting begin om agtergeblewe kinders in dié land te help en toegang tot opvoeding en sport te gee.[25][26][27]

Hy steun sedert Mei 2004 die Suid-Afrikaans-Switserse welsynorganisasie IMBEWU, wat kinderss op sport-, sosiale en gesondheidsgebied help. Hy het Suid-Afrika in 2005 besoek om die kinders te ontmoet wat by sy steun baat gevind het.[28][29][30]

Hy het al geld ingesamel vir onder meer slagoffers van die tsoenami in 2004 in die Indiese Oseaan,[31], die aardbewing van 2010 in Haïti[32][33] en die oorstromings in 2010-'11 in Queensland.[34][35] Hy is in April 2006 as welwillendheidsambassadeur van Unicef aangestel en het al in openbare boodskappe van dié organisasie verskyn om mense bewus te maak van vigs.[36][37]

Op 24 November 2017 het Federer ’n eredoktorsgraad van die Universiteit van Basel ontvang uit erkenning vir sy rol in die verbetering van Basel en Switserland se internasionale reputasie en sy stigting se werk onder kinders van Afrika.[38]

Loopbaan[wysig | wysig bron]

Voor 1998[wysig | wysig bron]

Federer se grootste oorwinnings as ’n junior speler was in 1998 op Wimbledon, waar hy beide die seunsenkelspeleinstryd teen Irakli Labadze[39] en die dubbelspeleindstryd saam met Olivier Rochus teen Michaël Llodra en Andy Ram gewen het.[40] Hy het in dié jaar ook die junior eindstryd van die Amerikaanse Ope gehaal, maar teen David Nalbandian verloor.

Hy het tydens sy junior loopbaan vier ITF-enkelspeltoernooie gewen, insluitende die prestigeryke Orange Bowl, waar hy Guillermo Coria in die eindstryd geklop het.[41] Aan die einde van die jaar was hy no. 1 op die wêreldjuniorranglys en die ITF-juniorwêreldkampioen.

1999-2002[wysig | wysig bron]

Federer het op 20 September 1999 die eerste keer die top-100-ranglys gehaal. Hy het die jaar in die Marseille-Ope begin deur die heersende kampioen van die Franse Ope van 1998, die Spanjaard Carlos Moyá, te verslaan. Sy eerste eindstryd was in 2000 in die Marseille-Ope, waar hy teen die mede-Switser Marc Rosset verloor het.[42] Hy het in 2001 die Hopmanbeker saam met Martina Hingis vir Switserland gewen.[43][44] Hulle het die Amerikaners Monica Seles en Jan-Michael Gambill in die eindstryd geklop.

Sy eerste oorwinning as enkelspeler was in die Milanese Binnenshuise Toernooi van 2001, waar hy Julien Boutter in die eindstryd verslaan het.[42] In dié jaar het hy sy eerste Grand Slam-kwarteindstryd in die Franse Ope gehaal, waar hy teen die wêreld se no. 2-speler, Alex Corretja, verloor het. Dit het hom vir die eerste keer onder die top-15 geplaas.[45]

Op dié jaar se Wimbledon-kampioenskap het die 19-jarige Federer te staan gekom teen die verdedigende kampioen en Grand Slam-voorloper, Pete Sampras. Federer het die no. 1-gekeurde Sampras in vyf stelle geklop en deurgedring tot die kwarteindronde.[46] Hier het hy teen Tim Henman verloor.

Sy eerste eindronde in die ATP 1 000-meestersreeks was in 2002 op ’n harde baan teen die voormalige en toekomstige no. 1 Andre Agassi.[47] Hy het sy eerste meestersreekseindstryd in 2002 se Hamburg-meesterstoernooi op klei gewen deur Marat Safin te klop; dit het hom vir die eerste keer onder die top-10 geplaas.[47]

Federer het tussen 1998 en 2002 tot 10 eindrondes deurgedring, waarvan hy vier gewen het.[42][47][48][49][45] Hy het ook ses dubbelspeleindrondes gehaal. Aan die einde van 2001 was hy no. 13 op die ATP-ranglys en aan die einde van 2002 no. 6.

2003[wysig | wysig bron]

Federer het sy eerste Grand Slam-enkelspeltitel op Wimbledon gewen deur Andy Roddick in die halfeindstryd en Mark Philippoussis in die eindstryd te klop.[50] In Augustus het hy die kans gehad om die no. 1-spelersposisie van Agassi af te neem as hy tot die Montreal-eindstryd kon deurdring. Hy het egter in die halfeindronde teen Roddick verloor en was daarna 120 punte agter Agassi.[51]

Hy het sy eerste en tot dusver enigste ATP 1 000-dubbelspel in Miami verloor saam met Max Mirnyi[52] en deurgedring tot een ATP 1 000-enkelspelwedstryd in Rome op klei, wat hy verloor het.[50] Federer het nege eindstryde op die ATP-toer gehaal en sewe gewen, insluitende die 500-reekseindstryde in Doebai en Wene.[50] Hy het ook die jaareindkampioenskap teen Agassi gewen. Hy het die jaar geëindig as no. 2-speler, met Roddick wat met 160 punte voorgeloop het.[50]

2004[wysig | wysig bron]

In dié jaar het Federer drie Grand Slam-enkelspeltitels gewen, die eerste persoon sedert Wilander in 1988. Ná sy oorwinning oor Safin in die Australiese Ope het hy vir die eerste keer die wêreld se no. 1-speler geword. Hy het Roddick op Wimbledon geklop vir sy tweede oorwinning in dié kampioenskapstoernooi.[53] In die VSA-Ope het hy die kampioen, Lleyton Hewitt, geklop en sy eerste oorwinning daar behaal.[53]

Federer het drie ATP 1 000-meestersreekswedstryde gewen, die een op klei in Hamburg en die ander twee op harde bane in Indian Wells en Kanada.[53] Hy het ook die ATP 500-reeks in Doebai gewen, asook sy eerste toernooi op eie bodem in die Switserse Ope in Gstaad. Sy 11 ekelspeltitels was die meeste deur enige speler in twee dekades, en sy rekord van 74-6 was die beste sedert Ivan Lendl s'n in 1986.

2005[wysig | wysig bron]

In 2005 kon Federer nie die eindstryd van die eerste twee Grand Slam-toernooie haal nie; hy het in die Australiese Ope teen die eindelike wenner, Safin, verloor en in die Franse Ope teen die eindelike wenner, Rafael Nadal.[54] Hy het egter weer sy meersterskap op gras getoon deur Roddick op Wimbledon te klop. In die VSA-Ope het hy Agassi geklop in dié se laaste groot eindstryd.[54]

Federer het ook vier ATP 1 000-toernooie gewen: in Indian Wells, Miami en Cincinnati op harde bane en Hamburg op klei.[54] Die een in Miami was die eerste eindstryd tussen hom en Nadal. Hy het ook twee ATP 500-toernooie, in Rotterdam en Doebai, gewen.[54] Van September af was hy vir feitlik die hele jaar buite aksie weens ’n voetbesering.[55] Hy was die hele seisoen no. 1.[54]

Federer het 11 enkelspeltitels gewen, nes in 2004. Sy 81 wedstrydoorwinnings was die meeste sedert Sampras s'n in 1993, en sy rekord van 81-4 (95,2%) is steeds die derde beste wenpersentasie in die Ope-era, naas dié van John McEnroe in 1984 en van Jimmy Connors in 1974.

2006[wysig | wysig bron]

Die 2006-seisoen was statisties gesproke een van die bestes van Federer se loopbaan. Hy het 12 enkelspeltitels gewen (die meeste deur enige speler sedert Thomas Muster in 1995 en McEnroe in 1984) en het ’n wedstrydrekord van 92-5 gehad (die meeste wenslae sedert Lendl in 1982). Hy het in 16 van die 17 toernooie waarin hy gespeel het die eindstryd gehaal.

In dié jaar het Federer drie Grand Slam-enkelspeltitels gewen en die eindstryd van die vierde een gehaal – sy enigste nederlaag was teen Nadal in die Franse Ope. Dit was sy en Nadal se eerste botsing in ’n Grand Slam-eindstryd.[56] Hy was die eerste man wat die eindstryd van al vier Grand Slams gehaal het sedert Rod Laver in 1969. Federer het Nadal op Wimbledon geklop, Marcos Baghdatis in die Australiese Ope[56] en Roddick in die VSA-Ope.[56] Daarbenewens het hy ses ATP 1 000-eindstryde gehaal; hy het vier op harde bane gewen en twee op klei teen Nadal verloor.

Federer het in 2006 teen net twee spelers verloor: vier keer teen Nadal in eindstryde en een keer teen die 19-jarige Andy Murray in die tweede ronde van die Cincinnati-meesterstoernooi – dit was sy enigste nederlaag in dié jaar voordat hy die eindstryd gehaal het.

Na aan die einde van die seisoen het hy sy tuisstadtoernooi, die Switserse Binnenshuise Toernooi in Basel, Switserland, vir die eerste keer gewen nadat hy in 2000 en 2001 die naaswenner was en die toernooi in 2004 en 2005 misgeloop het weens beserings. Hy het die seisoen met 29 wedstrydoorwinnings afgesluit, en met oorwinnings in 48 van sy laaste 49 wedstryde sedert die Franse Ope.

2007[wysig | wysig bron]

In 2007 het Federer die eindstryd van al vier Grand Slams gehaal en weer drie daarvan gewen. Hy het Fernando González in die Australiese Ope geklop sonder om ’n stel af te staan – hy was die eerste man wat dit in die 21ste eeu reggekry het nadat Borg dit in 1980 in die Franse Ope laas gedoen het.[57] Nadat Federer sy vierde Doebai-kroon gewen het, het hy al 41 wedstryde agtermekaar gewen, die meeste in sy loopbaan en net vyf minder as die rekord.

Aanhangers en kommentators het Federer "Darth Federer" gedoop by 2007 se VSA-Ope.

Hy het daarna in Indian Wells deelgeneem as die verdedigende kampioen, maar sy geluk het omstrede geëindig toe hy verslaan is deur die Argentiniër Guillermo Cañas, wat nie ’n dwelmtoets kon slaag nie.[58] Tydens die kleiseisoen was Federer se oorwinning in Hamburg veral indrukwekkend, want dit het Nadal se 81 agtereenvolgende oorwinnings op klei beëindig. By die Franse Ope is verwag Federer sal die eerste man in byna 40 jaar word wat al vier Grand Slams in ’n jaar wen, maar hy het teen Nadal verloor.[59]

Op Wimbledon was hy die vierde keer die verdedigende kampioen nadat hy 48 keer agtermekaar op gras gewen het. Hy het Nadal weer geklop, nes die vorige jaar. Dit was sy vyfde agtereenvolgende Wimbledon-oorwinning, die eerste persoon sedert Borg wat dit reggekry het.

Federer het die eindstryd in Montreal gehaal, waar hy teen ’n jong en relatief onbekende Serwiër met die naam Novak Djokovic te staan gekom het. Djokovic het die wêreld se no. 1-speler geklop. Federer het daarna in Cincinnati sy vyfde titel van die jaar gewen. In die Franse Ope het hy weer teen Djokovic te staan gekom in die eindstryd, maar dié keer geseëvier. Tydens die VSA-Ope het die pers hom "Darth Federer" gedoop vanweë sy swart uitrustings, en elke keer wanneer hy vir ’n wedstryd aangekondig is, is "The Imperial March" uit Star Wars gespeel.[60] Hy het dié jaar ook in Basel en Shanghai gewen.

Aan die einde van die seisoen was hy die vierde keer agtereenvolgens die wêreld se no. 1-speler nadat hy in dié vier jaar 11 Grand Slam-enkelspeltitels gewen het. Hy was die enigste speler in die geskiedenis wat drie keer drie Grand Slams in ’n jaar kon wen (2004, 2006 en 2007).[61][62][63][64] Dit was die derde agtereenvolgende jaar dat hy 52 weke van die jaar no. 1 was.

2008[wysig | wysig bron]

Federer se sukses in 2008 is in die wiele gery deur aanhoudende klierkoors, waaraan hy in die eerste helfte van die jaar gely het.[65] Aan die einde van die jaar het hy ’n rugbesering opgedoen.

Hy het in dié jaar een Grand Slam gewen: ’n enkelspeltitel teen Murray in die VSA-Ope.[66] Nadal het Federer in twee Grand Slam-eindstryde geklop: die Franse Ope en Wimbledon.[66] In die Australiese Ope het hy in die halfeindstryd teen die eindelike wenner, Djokovic, verloor. Dit het die einde beteken van sy rekord van 10 agtereenvolgende eindstryde.[66] Hy het in twee ATP 1 000-eindstryde teen Nadal verloor: in Monte Carlo en Hamburg.[66]

Op die Olimpiese Spele het Federer en Stan Wawrinka die dubbelspel- goue medalje gewen deur die Sweedse paar Simon Aspelin en Thomas Johansson in die eindstryd te klop.[67] As enkelspelspeler kon hy net die kwarteindstryd haal.[68] Aan die einde van die jaar was hy die wêreld se no. 2-speler. Hy het die topposisie aan Nadal afgestaan nadat hy dit vir 'n rekord van 237 agtereenvolgende weke gehou het.[69]

2009[wysig | wysig bron]

Federer wen die Franse Ope en voltooi sy loopbaan-Grand Slam.

Federer het die 2009-seisoen binnegegaan met 13 Grand Slam-titels agter sy naam, net een minder as Sampras se rekordgetal. Die seisoen het begin met ’n nederlaag teen Nadal in die eindstryd van die Australiese Ope.[70]

Federer het in die finale meesterstoernooi van die kleiseisoen weer geluk behaal deur Nadal slegs die tweede keer op klei te wen in die Madrid-meesterstoernooi.[71] In die Franse Ope het hy teen Robin Söderling te staan gekom. Hy het hom geklop en sy loopbaan-Grand Slam voltooi.[72] Hy het hiermee ook Sampras se rekord van die meeste Grand Slam-enkelspeltitels geëwenaar.

Op Wimbledon het hy teen sy ou teenstander Roddick te staan gekom in hul agtste en laaste stryd in ’n Grand Slam. Federer het sy 15de Grand Slam-enkelspeltitel gewen en daarmee Sampras se rekord verbeter. Daarna het hy Djokovic in die Cincinnati-meesterstoernooi geklop,[71] maar hy is in die VSA-Ope deur ’n jong Juan Martín del Potro verslaan.[71]

Die 2009-seisoen was histories vir Federer omdat hy sy loopbaan-Grand Slam behaal het deur vir die eerste keer die Franse Ope te wen. Hy het ook Sampras se rekord van 14 Grand Slam-mansenkelspeltitels by Wimbledon verbeter deur sy 15de titel daar te wen.[71] Die Wimbledoneindstryd was ook histories omdat dit die langste Grand Slam-eindstryd was in terme van potte gespeel, met Federer wat met 16-14 in die vyfde stel gewen het. Hy het die jaar vir die vyfde keer as die wêreld se no. 1-speler geëindig.

2010[wysig | wysig bron]

Federer wen sy 16de Grand Slam in die Australiese Ope.

Federer het die jaar begin met ’n oorwinning in die Australiese Ope[73] deur Murray in die eindstryd in drie stelle te klop. Hiermee het hy sy 16de Grand Slam-titel gewen en Agassi se rekord van vier Australiese Ope-titels geëwenaar.[66] Sedert Wimbledon 2005 het Federer 18 van die 19 Grand Slam-eindstryde gehaal.

In die Franse Ope het hy vir die eerste keer sedert die Franse Ope van 2004 nie ’n Grand Slam-halfeindstryd gehaal nie deur in die laaste 8 teen Söderling te verloor. Hy het daarmee sy rang as no. 1 verloor,[73] net een week voordat hy Sampras se rekord van 286 weke as no. 1 sou ewenaar. Op Wimbledon het hy weer in die laaste 8 verloor, dié keer teen Tomáš Berdych, en vir die eerste keer in ses jaar en agt maande tot no. 3 gedaal.[74]

Teen middel Julie het Federer Sampras se ou afrigter, Paul Annacone, by wyse van proefneming in diens geneem om sy loopbaan weer op dreef te kry.[75] In die VSA-Ope het hy die halfeindstryd gehaal, waar hy teen Djokovic verloor het.[73] Federer het vier ATP 1 000-eindstryde gehaal en in die Cincinnati-meesterstoernooi teen Mardy Fish gewen.[76]

Hy het ook in die binnenshuise toernooie in Stockholm en Switserland en die ATP-eindtoernooi in Londen gewen, en dit het sy loopbaantitels op 66 te staan gebring. Hy het in Londen geseëvier deur Nadal vir sy 15de titel op die byeenkoms te klop. Hy het in skoon stelle teen al sy teenstanders buiten Nadal gewen. Dit is die enigste toernooi in sy loopbaan waar Federer al die ander lede van die Groot Vier geklop het. Sedert Wimbledon 2010 was sy wenrekord 34-4. Aan die einde van die jaar was hy vir die agtste agtereenvolgender jaar een van die toptwee.

2011[wysig | wysig bron]

2011 was nie ’n uitstekende jaar vir Federer nie, maar goed volgens die meeste spelers se standaarde. Hy is in die Australiese Ope deur die eindelike wenner, Djokovic, geklop.[77] In die halfeindstryd van die Franse Ope het hy Djokovic se reeks van 43 agtereenvolgende oorwinnings beëindig deur hom te klop, maar hy het in die eindstryd teen Nadal verloor.

Op Wimbledon het Federer tot sy 29ste agtereenvolgende Grand Slam-kwarteindstryd gevorder, maar teen Jo-Wilfried Tsonga verloor. In die VSA-Ope het hy in die halfeindstryd teen Djokovic verloor. Dié nederlaag het beteken Federer het vir die eerste keer sedert 2002 nie een van die Grand Slam-titels gewen nie.[78]

In September 2011 is Federer in ’n Suid-Afrikaanse meningspeiling gekies as die betroubaarste en mees gerespekteerde mens in die wêreld naas Nelson Mandela.[79][80]

Federer het goed gevaar in die binnenshuise toernooie en die laaste drie gewen: in Switserland en Parys en die ATP-eindtoernooi. Hy het die jaar as die no. 3-speler geëindig.[81]

2012[wysig | wysig bron]

In die 2012-seisoen het Federer die meeste wedstryde sedert 2006 gewen. Hy het die eindronde van die Australiese Ope gehaal, waar hy teen Nadal verloor het. Hy het die Rotterdamse Ope vir die eerste keer sedert 2005 gewen deur Del Potro te klop. In die Doebai-tenniskampioenskapsbyeenkoms het hy Murray in die eindstryd geklop en die titel vir die vyfde keer in sy loopbaan gewen. In Indian Wells het hy Nadal in die halfeindstryd geklop en John Isner in die eindstryd.

Federer wen sy 17de Grand Slam-titel, sy sewende op Wimbledon, en keer terug na no. 1.

In die Madrid-meesterstoernooi het hy Berdych in die eindstryd geklop en die no. 2-posisie by Nadal afgeneem. In die Franse Ope het hy in die halfeindstryd teen Djokovic verloor.[82][83]

Op Wimbledon het Federer in die eindstryd ’n oorwinning oor Murray behaal[84] en sy no. 1-posisie teruggewen.[85] Dit was sy sewende Wimbledon-titel en daarmee het hy Sampras se Ope-era-rekord geëwenaar.[86] Hy het ook Sampras se rekord van 286 weke boaan die ranglys verbeter.[87]

Op die Olimpiese Spele het Federer in die halfeindstryd van 4 uur 26 minute teen Del Potro gewen.[88] In die eindstryd het hy teen Murray verloor en ’n silwermedalje vir sy land gewen.[89]

In die Cincinnati-Ope het hy Djokovic in die eindstryd geklop.[90] In die VSA-Ope het hy in die kwarteindsryd teen Berdych verloor.[91]

Ná sy oorwinning oor Wawrinka in die Shanghai-meesterstoernooi was hy 300 weke lank no. 1. Federer het die eindstryd van die ATP-eindtoernooi gehaal, waar hy teen Djokovic verloor het.[92][93]

2013[wysig | wysig bron]

Federer het in Maart en Julie met rugbeserings gesukkel en sy posisie het tot no. 6 gedaal. Dit was die eerste jaar sedert 1999 dat hy in die eerste vier maande van die jaar nie ’n enkele eindstryd gehaal het nie.

Sy eerste en enigste titel in 2013 was toe hy die Gerry Weber-Ope gewen het deur Mikhail Youzhny te klop. Op Wimbledon het hy sy grootste Grand Slam-nederlaag sedert 2003 gely toe hy in die tweede ronde deur Sergiy Stakhovsky geklop is. Nie net het dit sy rekord van 36 agtereenvolgende Grand Slam-kwarteindstryde kortgeknip nie;[94] dit het ook meegebring dat hy vir die eerste keer sedert Julie 2003 nie onder die topvier-manstennisspelers getel het nie.[95]

Hierna het hy sleg gevaar in Hamburg en Gstaad weens ’n ernstige rugbesering. In Oktober het hy aangekondig sy weë met sy afrigter van drie jaar, Paul Annacone, gaan skei.[96] Federer het die eindstryd in Basel gehaal en teen Del Potro verloor. Hy het daarna erken dit was ’n fout om in sekere toernooie te speel terwyl hy aan ’n rugbesering ly.[97]

Op 27 Desember 2013 het hy aangekondig dat Stefan Edberg by sy span sal aansluit as medeafrigter saam met Severin Lüthi.[98]

2014[wysig | wysig bron]

Federer het die seisoen begin deur vir die eerste keer in sy loopbaan van rakette te verander, van 90 tot 97 vierkante duim. Sy grootste mededingers soos Nadal en Djokovic het reeds kragtiger rame van tussen 95 en 100 vierkante duim gebruik.[99][100]

In die Australiese Ope het Federer Jo-Wilfried Tsonga en Murray geklop en deurgedring tot sy 11de agtereenvolgende halfeindstryd in Melbourne voordat hy teen Nadal verloor het. In Doebai het hy Djokovic in die halfeindronde en daarna Berdych in die eindstryd geklop om sy sesde Doebai-kroon en sy eerste titel sedert Halle in 2013 te verower.[101] Hy het tot die eindstryd deurgedring in Indian Wells, maar teen Djokovic verloor.

Federer teen Richard Gasquet in die Davisbekerwedstryd van 2014 wat Switserland help wen het.

In Junie het Federer aangekondig dat hy aan die einde van sy derde termyn gaan bedank as voorsitter van die ATP-spelersraad, ’n posisie wat hy sedert 2008 beklee het.[102][103][104] In die Halle-Ope het hy die enkel- en dubbelspeleindstryd gehaal en sy sewende Halle-enkelspeltitel gewen deur Alejandro Falla in die eindstryd te klop. Op Wimbledon het hy sy negende eindstryd gehaal, maar teen Djokovic verloor in ’n epiese vyfstelwedstryd.

Federer het in die Kanadese Ope tot die eindronde deurgedring, maar is deur Tsonga verslaan. Federer het daarna teen David Ferrer van Spanje gewen om sy sesde Cincinnati-kroon en 22ste ATP 1 000-titel te verower, sy eerste in Cincinnati sedert 2012. In die VSA-Ope het hy in die halfeindstryd teen die eindelike kampioen, Marin Čilić, verloor. By die Davisbekereindstryd het hy albei sy enkelspelwedstryde teen Italië gewen en Switserland na die eindstryd gelei, hul eerste keer sedert 1992.[105]

In die Shanghai-meesterstoernooi het hy teen die Fransman Gilles Simon gewen en sy 23ste ATP 1 000-titel verower. Hy het daarmee teruggekeer na die no. 2-posisie, vir die eerste keer sedert Mei 2013. Hy het in Oktober aan die Switserse Binnenshuise Toernooi deelgeneem waar hy 'n rekord opgestel het deur sy sesde titel daar te wen, asook sy 82ste ATP-mansenkelspeltitel. Hy het ook deurgedring tot die ATP-eindtoernooi, waar hy weer teen Djokovic te staan sou kom, maar aan die eindstryd onttrek weens nog 'n rugbesering wat hy in sy halfeindstryd teen Wawrinka opgedoen het.

Ondanks sy besering het Federer die seisoen op ’n hoogtepunt geëindig deur teen Richard Gasquet van Frankryk te wen en Switserland te help om die Davisbeker vir die eerste keer in die geskiedenis te wen.[106]

2015[wysig | wysig bron]

Federer het die seisoen begin by die Brisbane- Internasionaal. Hy het Milos Raonic in die eindstryd verslaan en daardeur die derde man in die Ope-era geword met 1 000 of meer oorwinnings, naas Jimmy Connors en Lendl, asook die eerste man in die Ope-era wat in 15 agtereenvolgende jare minstens een titel gewen het.[107] In Doebai het hy sy titel suksesvol teen Djokovic verdedig met 'n skoonsteloorwinning en daarmee sy sewende titel in dié toernooi gewen.[108] Hy was slegs die vierde persoon sedert 1991 wat meer as 9 000 kishoue in sy loopbaan geslaan het.[109] In Maart het hy die eindstryd in Indian Wells gehaal, maar teen die verdedigende kampioen, Djokovic, verloor.[110]

Federer het sy derde titel van die seisoen in die Istanboel-Ope op klei behaal. In die Italiaanse Ope het hy die eindstryd gehaal, maar hy kon nie sy eerste titel daar wen nie; hy het teen Djokovic verloor.[111] In die kwarteindstryd van die Franse Ope het hy verloor teen die eindelike kampioen, Wawrinka, wat in skoon stelle geseëvier het.[112]

Aan die begin van die grasseisoen het hy sy agtste titel in die Gerry Weber-Ope behaal en slegs die derde man in die Ope-era geword wat ’n titel agt keer wen.[113] Op Wimbledon was hy die no. 2-gekeurde en het hy Murray in die halfeindstryd in skoon stelle geklop en tot sy 10de Wimbledon-eindstryd deurgedring, maar hy het in vier stelle teen Djokovic verloor.[114]

Hy het Murray en Djokovic in skoon stelle geklop om die Cincinnati-meesterstoernooi te wen. Dit was die eerste keer dat Federer in dieselfde toernooi teen die wêreld se twee topspelers wen.[115] In die VSA-Ope het hy deurgedring tot sy eerste eindstryd daar sedert 2009, maar hy is in vier stelle weer deur die no. 1-gekeurde Djokovic verslaan.[116] In die Switserse Binnenshuise Toernooi in Basel het Federer sy sesde enkelspeltitel van die jaar gewen, asook sy 88ste ATP-titel, deur sy ou teenstander Nadal in die eindstryd te klop.[117] Dit was die sewende keer dat hy die titel in sy tuisstad verower het.[118]

2016[wysig | wysig bron]

Federer in 2016.

Federer het die seisoen in die Brisbane Internasionaal as die verdedigende kampioen begin, al het hy ’n virus gehad. Hy het egter verloor teen Milos Raonic, wat in skoon stelle gewen het.[119] In die Australiese Ope het hy die halfeindronde gehaal, maar in vier stelle teen die eindelike kampioen, Djokovic, verloor.[120] Die volgende dag het Federer ’n kniebesering opgedoen en vroeg in Februarie het hy ’n operasie ondergaan om ’n kraakbeenskyf te herstel. Hy het dus in Februarie en Maart die toernooie in Rotterdam, Doebai en Indian Wells misgeloop. Hy sou in Miami terugkeer,[121] maar moes weens ’n maagvirus onttrek.[122]

Hy het eindelik sy terugkeer in die Monte Carlo-meesterstoernooi gemaak en in die kwarteindstryd teen Tsonga verloor. In Madrid het hy tydens ’n oefensessie ’n rugbesering opgedoen en kort ná sy aankoms onttrek. Hy het daarna aan die Internazionali BNL d'Italia deelgeneem, maar in die derde ronde teen Dominic Thiem verloor. Hy het ook aan die Franse Ope onttrek.[123]

In die grasseisoen het hy steeds las van sy knie gehad en in die halfeindronde in Stuttgart en Halle verloor. Op 6 Julie het hy op Wimbledon in die kwarteindronde teen Marin Čilić gewen en Jimmy Connors se rekord van alle tye van 11 Wimbledon-halfeindstryde en 84 wedstrydoorwinnings geëwenaar.[124] Twee dae later het hy sy eerste nederlaag in ’n Wimbledon-halfeindstryd gely toe hy in vyf stelle teen Raonic verloor. Hy het in die vyfde stel weer sy knie beseer.[125]

Op 26 Julie het Federer aangekondig hy sal die Olimpiese Spele en die res van die 2016-seisoen misloop om ten volle van sy kniebesering te herstel.[126] Die skielike onttrekking het nie net beteken dit sou die eerste jaar sedert 2000 wees waarin hy nie ’n titel wen nie, maar ook dat hy vir die eerste keer in 14 jaar nie onder die top-10 was nie. Dit en ’n gebrek aan Grand Slam-titels in vier jaar het baie ontleders verkeerdelik laat glo sy loopbaan het eindelik tot ’n einde gekom en dat hy nie weer enige groot titels sou wen nie.[127][128]

2017[wysig | wysig bron]

Federer se 2017-seisoen is gekenmerk deur sy eerste Grand Slam-titel sedert 2012, die meeste titels sedert 2007 en die hoogste wenpersentasie sedert 2006. Statisties gesproke was dit sy beste seisoen sedert 2007.

Die eindstryd tussen Federer en Nadal in die Australiese Ope van 2017.

In Januarie het hy in die Hopmanbekertoernooi en Australiese Ope gespeel.[129] Sy posisie het intussen tot no. 17 gedaal, die laagste in meer as 15 jaar. In die Australiese Ope het hy die eindstryd gehaal en daardeur die oudste man sedert Jimmy Connors in 1991 geword wat aan ’n Grand Slam-halfeindstryd deelneem.[130] Hy het Wawrinka in vyf stelle geklop en die oudste man geword sedert Ken Rosewall in 1974 wat in ’n Grand Slam-eindstryd speel.[131][132] Hy het Nadal geklop en die Australiese Ope gewen. Dit was sy 100ste wedstryd in dié ope en die eerste keer dat hy ’n Grand Slam-wedstryd teen Nadal wen sedert die eindstryd in 2007 op Wimbledon. Verder was dit sy eerste Grand Slam-oorwinning teen Nadal weg van die grasbane van Wimbledon. Hiermee het hy weer die top-10 gehaal.[133][134][135]

In Maart het Federer sy 25ste meesterstitel in Indian Wells gewen deur Wawrinka in die eindstryd te klop. Dit was sy 90ste loopbaantitel en hy het tot no. 6 geklim op die ATP-ranglys.[136] Hy het sy 26ste meesterstitel behaal deur Nadal in die eindstryd van die Miami-meesterstoernooi te klop. Hiermee het hy tot die no. 4-posisie op die ATP-ranglys geklim.

Weens kommer oor sy ouderdom het Federer besluit om die hele kleiseisoen mis te loop.[137] Hy het in die grasseisoen sy terugkeer gemaak in Stuttgart, waar hy in die tweede ronde ’n skoknederlaag teen Tommy Haas gely het; Haas was die speler met die laagste posisie (no. 302) wat hom geklop het sedert Bjoern Phau (no. 407) in 1999.[138] Die volgende week het hy sy eie rekord verbeter deur in Halle te wen sonder om ’n stel te verloor.[139]

Op Wimbledon het hy die eindstryd gehaal sonder om ’n stel af te staan. Hy het Marin Čilić geklop en sy agtste Wimbledon-mansenkelspeltitel en 19de algehele groot titel gewen. Hy was die oudste manspeler wat in die Ope-era op Wimbledon geseëvier het.[140] Federer was ook slegs die tweede man in die Ope-era wat Wimbledon wen sonder om ’n stel af te staan, ná Borg in 1976.[141] Dit was die tweede keer in sy loopbaan dat hy ’n Grand Slam-titel wen sonder om ’n stel af te staan; die vorige keer was in 2007 in die Australiese Ope.[142] Hy het tot die no. 3-posisie opgeskuif op die ATP-ranglys en vir die 15de keer (’n rekord) vir die ATP-eindtoernooi gekwalifiseer.[143]

Aan die begin van die hardebaanseisoen is Federer in die eindstryd van die Montreal-meesterstoernooi deur Alexander Zverev geklop nadat hy sy rug tydens die wedstryd beseer het. Weens die besering het hy aan die Cincinnati-meesterstoernooi onttrek sodat hy fiks kon wees vir die VSA-ope. Hy het egter in die kwarteindronde teen Del Potro verloor.

Federer se volgende deelname was in September aan die Laverbekertoernooi, waarin hy span Europa verteenwoordig het. Hy het albei sy enkelspelwedstryde, teen Sam Querrey en Nick Kyrgios, gewen en met die laaste oorwinning die beker vir Europa verseker.[144] Hy het ook vir die eerste keer saam met sy ou teenstander Nadal in ’n dubbelspelwedstryd gespeel; hulle het teen Sam Querrey and Jack Sock gewen.

In die Shanghai-meesterstoernooi het Federer sy derde meesterstitel van die seisoen gewen deur die no. 1-gekeurde Nadal in die eindstryd te klop. Dit was sy vyfde skoonsteloorwinning oor Nadal en die 94ste titel van sy loopbaan.[145]

In die Switserse Binnenshuise Toernooi in sy tuisstad het Federer Del Potro in die eindstryd geklop en sy agtste titel daar gewen (’n rekord), asook die 95ste titel van sy loopbaan; daarmee het hy Lendl se rekord van 94 loopbaantitels verbeter. Hy is in die halfeindronde van die ATP-eindtoernooi deur David Goffin verslaan.

2018[wysig | wysig bron]

Federer het die seisoen begin deur die Hopmanbeker saam met Belinda Bencic te wen. Dit was sy tweede Hopmanbekertitel nadat hy en Hingis in 2001 gewen het.[146] In die Australiese Ope het hy die eindstryd gehaal sonder om ’n stel af te staan en Čilić geklop. Dit was sy sesde titel in dié ope en daarmee het hy Roy Emerson en Novak Djokovic se rekord geëwenaar. (Djokovic het die rekord in 2019 verbeter.) Federer was ook die eerste man wat 20 Grand Slam-titels kon wen.

In Februarie het Federer sy derde titel in die Rotterdam-Ope gewen en weer opgeskuif tot no. 1 op die ATP-ranglys.[147] Hy het Grigor Dimitrov in die eindstryd in skoon stelle geklop. Op 36 jaar en 195 dae was hy die ATP se oudste no. 1-speler (met meer as drie jaar).

In Maart is hy as verdedigende kampioen na die Indian Wells-meesterstoernooi. Hy is in die eindstryd deur Del Potro geklop. In die Miami-Ope is hy in die tweede ronde uitgeskakel en daardeur het hy sy no. 1-posisie op 2 April aan Nadal afgestaan. Hy het aangekondig hy sou die kleiseisoen, insluitende die Franse Ope, vir die tweede agtereenvolgende jaar misloop.[148] Hy het sy no. 1-posisie in Mei teruggekry nadat Nadal nie sy titel in die Madrid-Ope suksesvol kon verdedig nie.[149] Die volgende week het hy die topposisie weer verloor nadat Nadal die Italiaanse Ope gewen het.

Federer aan die oefen tydens die VSA-Ope van 2018.

In Junie het Federer weer die no. 1-posisie teruggekry nadat hy Kyrgios in die halfeindstryd van die Stuttgart-Ope in skoon stelle geklop het.[150] Hy het die toernooi gewen deur Raonic in die eindronde te verslaan.[151] Hy kon egter die volgende week nie sy titel in die Halle-Ope suksesvol verdedig nie; hy het in drie stelle teen Borna Ćorić verloor en ook sy no. 1-posisie.[152]

Op Wimbledon was Federer die verdedigende kampioen. Dit was die eerste keer sedert die VSA-Ope in 2012 dat hy die no. 1-gekeurde in 'n Grand Slam was. Hy is egter in die kwarteindstryd in vyf stelle deur die Suid-Afrikaner Kevin Anderson verslaan.[153] Federer het daarna in Cincinnati gespeel waar hy teen Djokovic verloor het.[154] In die VSA-Ope was hy die no. 2-gekeurde, maar is in die vierde ronde deur John Millman uitgeskakel. Hy het gesê die uiterse hitte en humiditeit het hul tol op sy liggaam geëis.[155] Hy het daarna in die Laverbekertoernooi gespeel, waar hy span Europa gehelp het om hul titel suksesvol te verdedig. Hy het albei sy enkelspelwedstryde, teen Kyrgios en John Isner, gewen.[156] Hy het ook vir die eerste keer saam met Djokovic in ’n dubbelspelwedstryd gespeel; hulle het in drie stelle teen Jack Sock en Kevin Anderson verloor.[157] In die Shanghai-meesterstoernooi was hy die verdedigende kampioen, maar hy het in die halfeindronde in skoon stelle teen Ćorić verloor.[158]

In die Switserse Binnenshuise Toernooi in Oktober het Federer aangekondig hy het ’n handbesering opgedoen in ’n oefensessie voor die grasseisoen en dat dit kwaai pyn in sy arm veroorsaak. Hy het gesê die besering het sy spel sedert die Stuttgart-Ope nadelig beïnvloed.[159][160] Hy het egter sy titel teen Marius Copil in skoon stelle in die eindstryd verdedig en sy negende titel in dié toernooi en sy 99ste algehele enkelspeltitel verower.[161] In die halfeindstryd van die Paryse Meesterstoernooi en die ATP-reekseindstryd het hy onderskeidelik teen Djokovic en Alexander Zverev verloor.

2019[wysig | wysig bron]

Federer het die seisoen begin deur die Hopmanbeker weer saam met Belinda Bencic te wen. Hy het daardeur die eerste speler geword wat die gemengdedubbelspeltitel drie keer wen.[162]

Federer in die Australiese Ope van 2019.

In die Australiese Ope was Federer die no. 3-gekeurde en verdedigende kampioen. In ’n skokwedstryd is hy in die vierde ronde deur die no. 14-gekeurde Stefanos Tsitsipas uitgeskakel. Federer het daarna aangekondig hy sou vir die eerste keer sedert 2016 in die kleiseisoen speel.[163][164]

In Doebai het Federer sy 100ste loopbaanenkelspeltitel gewen deur Tsitsipas in die eindronde in skoon stelle te klop. Dit was sy agtste titel in Doebai en hy was die eerste man in die Ope-era benewens Jimmy Connors wat die driesyfermerk gehaal het.[165] In die eindstryd van die Indian Wells-meesterstoernooi het hy in drie stelle teen Dominic Thiem verloor.[166] In die Miami-Ope het hy sy vierde titel daar en sy 28ste ATP 1 000-titel gewen deur Isner in die eindstryd in skoon stelle te verslaan.[167] In die Madrid-Ope het hy sy eerste kleiwedstryd in drie jaar gespeel en die 1 200ste oorwinning van sy loopbaan behaal toe hy Gael Monfils in die derde ronde klop. In die kwarteindronde is hy deur Dominic Thiem uitgeskakel.[168]

Federer het daarna in die Italiaanse Ope gespeel, maar moes aan sy kwarteindstryd onttrek weens ’n regterbeenbesering.[169]

Hy het daarna vir die eerste keer in vier jaar aan die Franse Ope deelgeneem, waar hy die no. 3-gekeurde was, en vir die eerste keer sedert 2012 tot die halfeindronde deurgedring het. Hy het egter in skoon stelle teen Nadal verloor.[170]

Federer het die grasseisoen in Halle begin waar hy sy 10de titel daar gewen het deur David Goffin in die eindstryd in skoon stelle te klop. Dit was die eerste keer dat hy ’n enkelspeltoernooi 10 keer of meer gewen het.[171] Op Wimbledon het Federer die eindstryd die 12de keer gehaal nadat hy Nadal in vier stelle geklop het. Dit was die eerste keer sedert 2008 dat hy op Wimbledon teen Nadal gespeel het.[172] Federer het daarna in die eindstryd teen Djokovic te staan gekom, teen wie hy verloor het in ’n rillerwedstryd van vyf stelle wat vier uur 57 minute geduur het. Dit was die langste manseindstryd op Wimbledon en die eerste keer dat ’n vyfdestel-valbylpot gespeel is ná 12 potte elk.[173]

Prestasies[wysig | wysig bron]

Federer was altesaam 310 weke (237 daarvan agtereenvolgens) boaan die ATP-ranglys, meer as enige ander speler.

Federer het op sy hoogtepunt die spel oorheers en meer Grand Slam-titels (20) as enige ander mansenkelspelspeler gewen.[174][175] Hy is ook die eerste mansenkelspelspeler wat 10 agtereenvolgende Grand Slam-eindstryde gehaal het (altesaam 31).[176][177] Hy het op die Olimpiese Spele van 2008 en 2012 onderskeidelik ’n goue medalje vir ’n mansdubbelspeloorwinning en ’n silwermedalje vir ’n mansenkelspelsege gewen.[178]

Hy het in die Ope-era die meeste tyd boaan die ATP-ranglys deurgebring (310 weke). Hy hou ook die rekord vir die meeste titels (6) by die ATP-eindtoernooi, waaraan net die jaar se agt spelers boaan die ranglys deelneem. Federer was 14 jaar en twee weke lank – van 14 Oktober 2002 tot 31 Oktober 2016 – aaneenlopend onder die wêreld se topagtspelers, totdat beserings hom gedwing het om die grootste deel van die 2016-seisoen mis te loop.[179]

Federer was vyf keer die ATP se speler van die jaar (2004-'07, 2009) en vyf keer die ITF-wêreldkampioen (2004-'07, 2009). Hy was vir ’n rekord van 16 agtereenvolgende jare die wenner van die gunstelingprys van die ATPWorldTour.com-aanhangers (2003-'18) en vir ’n rekord van 13 keer die wenner van die Stefan Edberg-sportmanskapprys, waarvoor die spelers stem (2004-'09, 2011-'17).[180] Albei pryse is ’n aanduiding van respek en gewildheid. Hy het ook twee keer die Arthur Ashe-filantroop van die jaar-prys gewen (2006, 2013), vyf keer die Laureus-wêreldsportman van die jaar-prys (2005-'08, 2018) en een keer die Laureus-wêreldterugkeer van die jaar-prys, ná sy terugkeer in 2017.[181]

Federer is deur sy bestuursmaatskappy TEAM8 een van die stigters van die Laverbeker, die jaarlikse spantennistoernooi tussen Europa en die res van die wêreld.

In 2018 het hy na die Australiese Ope teruggekeer om sy titel van 2017 te verdedig, en sy 20ste Grand Slam-toernooi gewen. Nadal is met sy oorwinning in die Franse Ope van 2019 twee agter Federer.

Grand Slam-rekord[wysig | wysig bron]

Die tabel toon Federer se prestasie in elk van die Grand Slam-toernooie in mansenkelspel waaraan hy deelgeneem het:

Jaar Australiese Ope Franse Ope Wimbledon VSA-ope
1999 Nie gekwalifiseer nie Ronde 1 Ronde 1 Nie gekwalifiseer nie
2000 Ronde 3 Ronde 4 Ronde 1 Ronde 3
2001 Ronde 3 Kwarteindstryd Kwarteindstryd Ronde 3
2002 Ronde 4 Ronde 1 Ronde 1 Ronde 4
2003 Ronde 4 Ronde 1 Wenner Ronde 4
2004 Wenner Ronde 3 Wenner Wenner
2005 Halfeindstryd Halfeindstryd Wenner Wenner
2006 Wenner Eindstryd Wenner Wenner
2007 Wenner Eindstryd Wenner Wenner
2008 Halfeindstryd Eindstryd Eindstryd Wenner
2009 Eindstryd Wenner Wenner Eindstryd
2010 Wenner Kwarteindstryd Kwarteindstryd Halfeindstryd
2011 Halfeindstryd Eindstryd Kwarteindstryd Halfeindstryd
2012 Halfeindstryd Halfeindstryd Wenner Kwarteindstryd
2013 Halfeindstryd Kwarteindstryd Ronde 2 Ronde 4
2014 Halfeindstryd Ronde 4 Eindstryd Halfeindstryd
2015 Ronde 3 Kwarteindstryd Eindstryd Eindstryd
2016 Halfeindstryd Nie deelgeneem nie Halfeindstryd Nie deelgeneem nie
2017 Wenner Nie deelgeneem nie Wenner Kwarteindstryd
2018 Wenner Nie deelgeneem nie Kwarteindstryd Ronde 4
2019 Ronde 4 Halfeindstryd Eindstryd

Verwysings[wysig | wysig bron]

  1. (en) Sean Gregory (29 Januarie 2018). "Five Ways to Beat Roger Federer". TIME. Besoek op 10 Junie 2019. 
  2. (en) John Roberts (12 September 2004). "The Federer express runs over Henman". The Independent. Besoek op 18 Junie 2009. 
  3. (en) "Roland-Garros 2014 – Roger Federer". Besoek op 11 September 2017. 
  4. 4,00 4,01 4,02 4,03 4,04 4,05 4,06 4,07 4,08 4,09 4,10 4,11 4,12 4,13 (en) "Player profile – Roger Federer". ATP World Tour. Besoek op 10 Junie 2019. 
  5. "Rankings: Singles". ATP World Tour. Besoek op 19 Februarie 2018. 
  6. Wallace, David Foster (20 August 2006). "Roger Federer as Religious Experience – Tennis". The New York Times. ISSN 0362-4331. Besoek op 2 February 2018. 
  7. 7,0 7,1 "Credit Suisse – Roger Federer, a Basel Boy Forever". Sponsorship.credit-suisse.com. Geargiveer vanaf die oorspronklike op 30 Mei 2013. Besoek op 22 Januarie 2013. 
  8. Dwyre, Bill (12 Maart 2009). "Roger Federer wants to show he can go from two to one". Los Angeles Times. Besoek op 11 Augustus 2013. 
  9. Briggs, Simon (13 Mei 2014). "Roger Federer: Birth of twins makes this time of my life". The Daily Telegraph. 
  10. Für wen schlägt Federers Fussball-Herz? Geargiveer 14 September 2009 op Wayback Machine, Blick, 11 September 2009
  11. Stauffer, René (2007). The Roger Federer Story: Quest for Perfection. New Chapter Press. p. 4. ISBN 978-0-942257-39-7. 
  12. "Ask Roger — Official website". Roger Federer Official Website. Geargiveer vanaf die oorspronklike op 25 Februarie 2007. Besoek op 2 Maart 2007. 
  13. Federer, Roger. "Ask Roger". Roger Federer Official Website. Geargiveer vanaf die oorspronklike op 6 Maart 2009. Besoek op 30 Junie 2009. 
  14. Muhieddine, Fabian (13 Julie 2009). "Roger Federer: le voici exempté de PC...". Le Matin (in French). Geargiveer vanaf die oorspronklike op 18 Oktober 2009. Besoek op 14 Oktober 2009. 
  15. "Federer to serve in Swiss civil force, not army". USA Today. 2004-02-06. Besoek op 25 Maart 2016. 
  16. Viner, Brian (2 Julie 2005). "Roger Federer: A Smashing Guy". [The Independent. Besoek op 6 Desember 2014. 
  17. "Off Court — Mr. and Mrs. Federer". Roger Federer Official Website. 11 April 2010. Geargiveer vanaf die oorspronklike op 20 Mei 2010. Besoek op 7 Junie 2009. 
  18. "Roger Federer and wife are proud parents of twins". OneIndia. 24 Julie 2009. Besoek op 3 Oktober 2009. 
  19. "Roger Federer's wife gives birth to second set of twins". BBC Sport. 6 Mei 2014. Besoek op 6 Mei 2014. 
  20. "Roger Federer: Mirka and I couldn't be happier with twin boys – and now we know how to cope with babies on tour". The Guardian. 13 Mei 2014. Besoek op 13 Mei 2014. 
  21. 21,0 21,1 "Federer Express Cruises To 16th Grand Slam Title, Tops Murray in Australia". All Headline News. 31 January 2010. Geargiveer vanaf die oorspronklike op 5 November 2011. Besoek op 3 Februarie 2010. 
  22. Walsh, Courtney (26 Januarie 2010). "Roger Federer express rolls Lleyton Hewitt". The Australian. Besoek op 3 Februarie 2010. 
  23. Cohen, Brandon (25 Januarie 2010). "Fed Express steamrolls Lleyton". Sportal.com.au. Geargiveer vanaf die oorspronklike op 27 Januarie 2010. Besoek op 3 Februarie 2010. 
  24. "Fed Express powers through". ESPN. 23 Januarie 2010. Besoek op 3 Februarie 2010. 
  25. "Roger Federer Foundation To Support Children And Young People in South Africa". Roger Federer Official Website. 28 May 2004. Geargiveer vanaf die oorspronklike op 11 August 2012. Besoek op 5 January 2015. 
  26. "Roger Federer Foundation Mission". Roger Federer Foundation. Geargiveer vanaf die oorspronklike op 15 April 2013. Besoek op 5 February 2012. 
  27. Roopanarine, Les (30 November 2012). "Roger Federer Foundation aiming for maximum impact with minimum spin". The Guardian. 
  28. Roger Federer Foundation (28 Mei 2004). "Foundation – Roger Federer Foundation To Support Children And Young People In South Africa". Persberig. Archived from the original on 27 September 2007. https://web.archive.org/web/20070927003523/http://www.rogerfederer.com/en/mediacorner/mediareleases/mediareleasesdetail.cfm?uPressID=145. Besoek op 23 September 2015. 
  29. "Solid foundation improves children's lives". swissinfo.ch. 11 Junie 2009. Besoek op 23 September 2015. 
  30. Stauffer, Rene (2007). The Roger Federer Story: Question for Perfection. New Chapter Press. p. 226. ISBN 978-0942257397. Besoek op 23 September 2015. 
  31. "Federer visits tsunami victims in India". SwissInfo. 23 Desember 2006. Besoek op 15 Oktober 2009. 
  32. "Roger Federer leads Haiti earthquake fundraiser in Melbourne". The Guardian. 17 Januarie 2010. Besoek op 6 Desember 2014. 
  33. Gecker, Jocelyn (18 Januarie 2010). "Tennis stars revel in 'Hit for Haiti' fundraiser". Stuff.co.nz. Besoek op 6 Desember 2014. 
  34. "Tennis stars rally for relief". Tennis Australia. 13 January 2011. 
  35. Quayle, Emma (17 January 2011). "Tennis aces serve it up for the flood victims". The Sydney Morning Herald. 
  36. "UNICEF's newest Goodwill Ambassador, tennis star Roger Federer, hits an ace for children". UNICEF. 3 April 2006. Besoek op 15 Oktober 2009. 
  37. Koch, David (26 November 2007). "Roger Federer to speak out on World AIDS Day". UNICEF. 
  38. "Roger Federer honoured by his home university". 24 November 2017. 
  39. "Boys' Singles Finals 1947–2011". The Championships, Wimbledon. Geargiveer vanaf die oorspronklike op 8 December 2014. Besoek op 5 December 2014. 
  40. "Boys' Doubles Finals 1947–2011". The Championships, Wimbledon. Geargiveer vanaf die oorspronklike op 8 Desember 2014. Besoek op 5 Desember 2014. 
  41. ITF Junior. "Federer Junior Activity". Besoek op 29 December 2014. 
  42. 42,0 42,1 42,2 "Roger Federer – 2000 Singles Playing Activity". ATP World Tour. Besoek op 8 Desember 2014. 
  43. "Hingis, Federer win Hopman Cup title over U.S.". Sports Illustrated. 6 January 2001. Geargiveer vanaf die oorspronklike op 29 October 2013. Besoek op 12 July 2012. 
  44. Daniel, Owen (7 Januarie 2001). "Hopman Cup: Hingis ends jinx". The Daily Telegraph. Besoek op 12 Julie 2012. 
  45. 45,0 45,1 "Roger Federer – 2001 Singles Playing Activity". ATP World Tour. Besoek op 8 Desember 2014. 
  46. Roberts, Selena (3 Julie 2001). "Sampras, King of Wimbledon, Is Dethroned". The New York Times. Besoek op 2 November 2017. 
  47. 47,0 47,1 47,2 "Roger Federer – 2002 Singles Playing Activity". ATP World Tour. Besoek op 8 Desember 2014. 
  48. "Roger Federer – 1998 Singles Playing Activity". ATP World Tour. Besoek op 8 Desember 2014. 
  49. "Roger Federer – 1999 Singles Playing Activity". ATP World Tour. Besoek op 8 Desember 2014. 
  50. 50,0 50,1 50,2 50,3 "Roger Federer – 2003 Singles Playing Activity". ATP World Tour. Besoek op 8 Desember 2014. 
  51. "Rankings – Singles – ATP World Tour – Tennis". 
  52. ATP. "Roger Federer 2003 Doubles". Besoek op 16 Februarie 2010. [dooie skakel]
  53. 53,0 53,1 53,2 "Roger Federer – 2004 Singles Playing Activity". ATP World Tour. Besoek op 8 Desember 2014. 
  54. 54,0 54,1 54,2 54,3 54,4 "Roger Federer – 2005 Singles Playing Activity". ATP World Tour. Besoek op 8 Desember 2014. 
  55. "Federer suffers ligament injury". BBC Sport. 13 Oktober 2005. 
  56. 56,0 56,1 56,2 "Roger Federer – 2006 Singles Playing Activity". ATP World Tour. Besoek op 8 Desember 2014. 
  57. "Federer defeats Gonzalez for 10th Grand Slam title". ESPN. 28 Januarie 2007. Besoek op 13 April 2017. 
  58. DeSimone, Bonnie (5 April 2007). "Canas keeps the ball in court in doping case". ESPN. 
  59. "Rafael Nadal VS. Roger Federer - Paris 2007". ATP World Tour. 
  60. Tennis-X.com. "Darth Federer Eyes 12th Slam Today Against Djokovic". tennis-x.com. Besoek op 22 Mei 2017. 
  61. "Australian Open Men's Singles Champions". Australian Open. Geargiveer vanaf die oorspronklike op 15 Januarie 2010. Besoek op 15 Oktober 2009. 
  62. "Roland Garros Men's Singles Past Winners 1891–2011". Roland Garros. Geargiveer vanaf die oorspronklike op 13 Mei 2012. Besoek op 9 Augustus 2012. 
  63. "Wimbledon Men's Singles Finals". Wimbledon. Besoek op 15 Oktober 2009. 
  64. "US Open Men's Singles Finals". US Open. Geargiveer vanaf die oorspronklike op 22 Februarie 2009. Besoek op 15 Oktober 2009. 
  65. "Federer battles off-court foe – mononucleosis". The New York Times. 7 Maart 2008. Besoek op 25 Oktober 2014. 
  66. 66,0 66,1 66,2 66,3 66,4 "Roger Federer – 2008 Singles Playing Activity". ATP World Tour. Besoek op 8 Desember 2014. 
  67. "Federer and Wawrinka golden together". Besoek op 16 Augustus 2008. 
  68. ATP. "Roger Federer 2008 Doubles". Besoek op 16 February 2010. 
  69. ATP. "Roger Federer 2008 Doubles". Besoek op 16 Februarie 2010. 
  70. Bierley, Steve (1 Februarie 2009). "Nadal wins battle for place in history by edging past Federer in Melbourne". The Guardian. Besoek op 1 Februarie 2009. 
  71. 71,0 71,1 71,2 71,3 "Roger Federer – Player Activity". ATP World Tour. Besoek op 25 April 2017. 
  72. Clarey, Christopher (7 Junie 2009). "The Greatest? Federer's Victory Fills Last Hole on His Résumé". The New York Times. Paris. Besoek op 26 Februarie 2017. 
  73. 73,0 73,1 73,2 "Roger Federer – 2010 Singles Playing Activity". ATP World Tour. Besoek op 8 Desember 2014. 
  74. "Federer joins an elite club – Rediff Sports". Rediff.com. 21 Junie 2010. Besoek op 22 Januarie 2013. 
  75. "Roger Federer hires Paul Annacone as coach to help revive career". The Guardian. 26 Julie 2010. Besoek op 19 November 2013. 
  76. "Federer back to winning ways with fourth Cincinnati crown". ATP. 22 Augustus 2010. Besoek op 22 Augustus 2010. 
  77. Briggs, Simon (27 Januarie 2011). "Australian Open 2011: Roger Federer did not just lose against Novak Djokovic; he was at a loss". The Daily Telegraph. Besoek op 27 Januarie 2011. 
  78. Briggs, Simon (10 September 2011). "US Open 2011: semi-final fightback by Novak Djokovic ends Roger Federer's title hopes in epic encounter". The Daily Telegraph. 
  79. "Federer, Mandela are world's most respected & trusted". ATP World Tour. 19 September 2011. 
  80. "Mandela pips Federer". Times LIVE South Africa. 21 September 2011. 
  81. Buddell, James. "Tennis – ATP World Tour – Barclays ATP World Tour Finals 2011 Final – Federer Wins Record Sixth Title". ATP World Tour. Besoek op 24 Januarie 2012. 
  82. "Novak Djokovic beats Roger Federer in straight sets to secure a meeting with Rafael Nadal in Sunday's French Open final.". 8 Junie 2012. Geargiveer vanaf die oorspronklike op 9 Junie 2012. Besoek op 8 Junie 2012. 
  83. "French Open: Novak Djokovic beats Roger Federer to reach final". BBC Sport. 2012-06-08. Besoek op 2019-07-01. 
  84. Dupont, Kevin Paul (9 July 2012). "Roger Federer wins 7th Wimbledon title". The Boston Globe. 
  85. Rossingh, Danielle (8 Julie 2012). "wimb2012". Bloomberg. Geargiveer vanaf die oorspronklike op 2 Desember 2013. 
  86. "Roger Federer wins 7th Wimbledon, tying Pete Sampras". WJLA.com. Associated Press. 8 Julie 2012. Besoek op 8 Julie 2012. 
  87. Fendrich, Howard (8 Julie 2012). "Federer beats Murray for 7th Wimbledon, 17th major". Yahoo! Sports. Associated Press. Besoek op 5 Desember 2014. 
  88. Mitchell, Kevin (3 Augustus 2012). "Roger Federer beats Juan Martín del Potro to reach Olympic final". The Guardian. Besoek op 9 Januarie 2013. 
  89. Killion, Ann (5 Augustus 2012). "Despite loss to Murray, silver medal meaningful for Federer in London". Sports Illustrated. Besoek op 9 Januarie 2013. 
  90. "Roger Federer beats Novak Djokovic to win Cincinnati Open". BBC Sport. 19 Augustus 2012. Besoek op 19 Augustus 2012. 
  91. "Roger Federer loses to Tomas Berdych in US Open quarters". BBC Sport. 6 September 2012. Besoek op 6 September 2012. 
  92. "Djokovic beats Federer to win World Tour Finals title". The Times of India. Besoek op 13 November 2012. 
  93. "Rafael Nadal powers to win over Roger Federer at Indian Wells". BBC Sport. 15 Maart 2013. Besoek op 4 Julie 2014. 
  94. "Roger Federer loses at Wimbledon, snapping greatest streak in tennis". USA Today. 
  95. "Roger Federer's ranking history". ATP World Tour. Besoek op 6 Julie 2013. 
  96. Newman, Paul (13 Oktober 2013). "The fading Roger Federer puts coach Paul Annacone out to grass". The Independent. Besoek op 4 Julie 2014. 
  97. "Federer reflects on mistakes of playing injured". Tennis.com. 20 Oktober 2013. 
  98. rogerfederer.com
  99. Cronin, Matt (16 Julie 2013). "Federer playing with new, larger racquet in Hamburg". Tennis.com. 
  100. Bishop, Greg (16 Januarie 2014). "Seeking Bigger Sweet Spot, Roger Federer Hopes His Racket Will Grow on Him". The New York Times. 
  101. "Roger Federer fights back to beat Tomas Berdych in Dubai". BBC Sport. 1 Maart 2014. Besoek op 4 Julie 2014. 
  102. Rothenberg, Ben (29 Augustus 2014). "Council Replaces President in Election That's More Than a Popularity Contest". The New York Times. Besoek op 9 Desember 2014. 
  103. Oddo, Chris (22 Junie 2014). "Roger Federer Stepping Down as President of ATP Player Council". TennisNow.com. Besoek op 9 Desember 2014. 
  104. "Federer celebrated for ATP Player Council contribution". ATP World Tour. 21 Junie 2014. Besoek op 9 Desember 2014. 
  105. "Switzerland 3:2 Italy". Davis Cup. Besoek op 17 September 2014. 
  106. "Roger Federer, Switzerland win first Davis Cup title". USA Today. 23 November 2014. Besoek op 25 November 2014. 
  107. Sharko, Greg (11 Januarie 2015). "By the numbers: Federer's 1000 match wins". Association of Tennis Professionals (ATP). 
  108. "Roger Federer beats Novak Djokovic to win Dubai title". BBC Sport. 28 Februarie 2015. Besoek op 28 Februarie 2015. 
  109. "Federer Surpasses 9,000 Aces Mark, Re-live Matches With Most Aces". Besoek op 28 Februarie 2015. 
  110. "Novak Djokovic beats Roger Federer in Indian Wells final". BBC Sport. 22 Maart 2015. Besoek op 24 Maart 2015. 
  111. "Djokovic Wins Fourth Rome Crown; Fourth Masters 1000 Title Of 2015". Besoek op 3 Junie 2015. 
  112. Briggs, Simon (2 Junie 2015). "French Open 2015: Stan Wawrinka's evisceration of Roger Federer was bold in intent and brutal in execution". The Daily Telegraph. 
  113. "Roger Federer beats Andreas Seppi to claim record eighth title at Gerry Weber Open". ESPN. 21 Junie 2015. 
  114. Newbery, Piers (12 Julie 2015). "Wimbledon 2015: Novak Djokovic beats Roger Federer in final". BBC Sport. Besoek op 17 Julie 2015. 
  115. "Roger Federer wins seventh Cincinnati Masters title". BBC Sport. 23 Augustus 2015. Besoek op 24 Augustus 2015. 
  116. Newbery, Piers (14 September 2015). "US Open 2015: Novak Djokovic beats Roger Federer in final". BBC Sport. Besoek op 14 September 2015. 
  117. "Federer Denies Nadal For Seventh Basel Crown – ATP World Tour – Tennis". 
  118. "Roger Federer beats Rafael Nadal to win Swiss Indoors title". BBC Sport. 1 November 2015. Besoek op 2 November 2015. 
  119. "Brisbane International: Milos Raonic beats Roger Federer". BBC Sport. 10 Januarie 2016. Besoek op 18 April 2016. 
  120. "Australian Open 2016: Novak Djokovic beats Roger Federer". BBC Sport. 28 January 2016. Besoek op 18 April 2016. 
  121. "Roger Federer faces a month on sidelines after knee surgery". The Guardian. 3 Februarie 2016. Besoek op 3 Februarie 2016. 
  122. "Roger Federer pulls out of comeback match at Miami Open". BBC Sport. 25 Maart 2016. Besoek op 25 Maart 2016. 
  123. "Roger Federer: Former world number one withdraws from French Open". BBC Sport. 19 Mei 2016. Besoek op 19 Mei 2016. 
  124. Garber, Greg (6 Julie 2016). "The comeback king: Roger Federer still has the capacity to surprise". ESPN. Besoek op 8 Julie 2016. 
  125. Newbery, Piers (8 Julie 2016). "Wimbledon 2016: Milos Raonic beats Roger Federer to reach first Grand Slam final". BBC Sport. Besoek op 8 Julie 2016. 
  126. "Roger Federer to miss Rio 2016 Olympics and rest of season with knee injury". BBC Sport. 26 Julie 2016. Besoek op 26 Julie 2016. 
  127. ET, 2016 at 2:02p (27 Julie 2016). "Is this the end for Roger Federer?". FOX Sports. 
  128. Eccleshare, Charlie (3 Mei 2016). "Why Roger Federer will never win another grand slam". The Daily Telegraph. 
  129. "Roger Federer's schedule for 2017". Desember 2016. 
  130. Gleeson, Michael (22 Januarie 2017). "Australian Open 2017: Roger Federer beats Kei Nishikori in enthralling five-set battle". The Sydney Morning Herald. Besoek op 23 Januarie 2017. 
  131. "Australian Open: Roger Federer outlasts Stan Wawrinka in five sets to make Melbourne Park final". Australian Broadcasting Corporation. 26 Januarie 2017. Besoek op 26 Januarie 2017. 
  132. "Roger Federer beats Stan Wawrinka to reach Australian Open final". BBC Sport. 26 Januarie 2017. Besoek op 26 Januarie 2017. 
  133. "Federer Tops Nadal In Epic For 18th Major Crown". ATP World Tour. 30 Januarie 2017. Besoek op 30 Januarie 2017. 
  134. "Australian Open: Roger Federer beats Rafael Nadal to win 18th Grand Slam title". BBC Sport. 30 Januarie 2017. Besoek op 30 Januarie 2017. 
  135. Trollope, Matt (30 Januarie 2017). "Federer's high five". ausopen.com. Geargiveer vanaf die oorspronklike op 29 Januarie 2017. Besoek op 30 Januarie 2017. 
  136. "Federer reassesses goals after Indian Wells triumph". ATP World Tour. 20 Maart 2017. Besoek op 20 Maart 2017. 
  137. "Roger Federer will skip French Open, eyes grass-court season". ESPN. Associated Press. 15 Mei 2017. Besoek op 15 Mei 2017. 
  138. "Roger Federer stunned by Tommy Haas in first game back". Eurosport. 14 Junie 2017. Besoek op 31 Julie 2017. 
  139. "Roger Federer warms up for Wimbledon with 92nd career title". ESPN. Associated Press. 25 Junie 2017. Besoek op 26 Junie 2017. 
  140. "How the 2017 Wimbledon Final Was Won". ATP World Tour. 17 Julie 2017. Besoek op 17 Julie 2017. 
  141. Streeter, Kurt (17 Julie 2017). "Somehow, Roger Federer keeps pushing the boundaries of greatness". ESPN. Besoek op 17 Julie 2017. 
  142. "Federer Claims Historic Eighth Wimbledon Title". ATP World Tour. 17 Julie 2017. Besoek op 17 Julie 2017. 
  143. "Federer To Make Record 15th Appearance At Nitto ATP Finals – ATP World Tour – Tennis". 
  144. "Team Europe wins Laver Cup after epic Federer victory – Laver Cup". 24 September 2017. 
  145. "Federer wins Shanghai Masters with straight sets victory over Nadal". enca.com. 
  146. "Swiss precision lands third Hopman Cup title – Hopman Cup". Hopman Cup. 6 Januarie 2018. Besoek op 6 Januarie 2018. 
  147. "Roger Federer, 36, to become oldest No. 1 ever in ATP rankings". ESPN. 16 Februarie 2018. Besoek op 19 Februarie 2018. 
  148. "Miami Open: Roger Federer to lose top spot and miss French Open after defeat". BBC Sport. 25 Maart 2018. 
  149. "Rafael Nadal will lose his world No. 1 ranking to Roger Federer". 11 Mei 2018. Besoek op 11 Mei 2018. 
  150. "Roger Federer beats Nick Kyrgios to reclaim world No. 1 spot, as Ash Barty wins through to Nottingham final". ABC. 17 Junie 2018. Besoek op 17 Junie 2018. 
  151. "Roger Federer beats Milos Raonic to win Mercedes Cup in Stuttgart". Sky Sports. Besoek op 19 Junie 2018. 
  152. "Borna Coric defeats Roger Federer in absorbing Gerry Weber Open final in Halle". Sky Sports. Besoek op 24 Junie 2018. 
  153. "Roger Federer crashes out of Wimbledon in five-set thriller as Kevin Anderson completes miraculous comeback". The Daily Telegraph. Besoek op 11 Julie 2018. 
  154. "Djokovic clinches career golden Masters". Sport24. 20 Augustus 2018. Besoek op 20 Augustus 2018. 
  155. Barry, Jamie (4 September 2018). "Australia's John Millman victorious against Roger Federer at US Open". Sydney Morning Herald. Besoek op 4 September 2018. 
  156. "Laver Cup 2018 results: Team Europe WIN – Roger Federer and Zverev seal Chicago glory". Express. 24 September 2018. Besoek op 14 Oktober 2018. 
  157. "Roger Federer and Novak Djokovic beaten in Laver Cup doubles". The Daily Telegraph. Besoek op 14 Oktober 2018. 
  158. "Shanghai Masters: Roger Federer beaten but Novak Djokovic into final against Borna Coric". BBC Sport. 13 Oktober 2018. Besoek op 14 Oktober 2018. 
  159. "Roger Federer reveals struggle with hand injury ahead of Swiss Open". www.sportingnews.com. 
  160. McKenzie, Mikael (21 Oktober 2018). "Roger Federer injury: Star makes surprising confession at Swiss Indoors". Express.co.uk. 
  161. "Roger Federer wins Swiss Indoors to claim 99th career ATP title". ESPN. 28 Oktober 2018. Besoek op 28 Oktober 2018. 
  162. "Hopman Cup: Roger Federer & Belinda Bencic retain title for Switzerland". BBC Sport. 5 Januarie 2019. Besoek op 10 Januarie 2019. 
  163. "Roger Federer plans to play clay-court season after Australian Open exit". BBC Sport. 2019-01-20. Besoek op 2019-07-01. 
  164. "Roger Federer beaten by Stefanos Tsitsipas in Australian Open fourth round". BBC Sport. 20 Januarie 2019. Besoek op 22 Januarie 2019. 
  165. "Roger Federer wins 100th ATP title in Dubai with victory over Stefanos Tsitsipas". BBC Sport. 2 Maart 2019. Besoek op 3 Maart 2019. 
  166. "Dominic Thiem upsets Roger Federer at Indian Wells for first Masters title". The Guardian. Associated Press. 18 Maart 2019. Besoek op 19 Maart 2019. 
  167. "Roger Federer beats hobbled John Isner at Miami Open for 101st career title". The Guardian. Associated Press. 31 Maart 2019. Besoek op 1 April 2019. 
  168. "Roger Federer squanders two match points in Madrid Open defeat to Dominic Thiem". The Daily Telegraph. 10 Mei 2019. Besoek op 15 Mei 2019. 
  169. "Roger Federer Withdraws From Rome QF". ATP Tour. Besoek op 23 Mei 2019. 
  170. "Roger Federer to face Rafael Nadal in French Open semi-finals". BBC Sport. 4 Junie 2019. Besoek op 4 Junie 2019. 
  171. "Federer Win 10th Halle Title, Sends Wimbledon Warning". ATP Tour. Besoek op 23 Junie 2019. 
  172. Mitchell, Kevin (12 Julie 2019). "Roger Federer beats Rafael Nadal in four sets to reach Wimbledon men's final". The Guardian. Besoek op 14 Julie 2019. 
  173. "Novak Djokovic beats Roger Federer in Wimbledon final-set tie-break thriller". BBC Sport. 14 Julie 2019. Besoek op 14 Julie 2019. 
  174. Flory, Kate. "Wimbledon Final – Federer Makes History With 15th Grand Slam Title – Tennis". ATP World Tour. Besoek op 4 Julie 2014. 
  175. "Roger Federer's Grand Slam Titles". CNN. 
  176. Alexander, Paul (9 Februarie 2008). "Federer's streak of 10 straight Grand Slam finals ended by Djokovic". Coastal Courier. Besoek op 27 Junie 2019. 
  177. Harwitt, Sandra (26 Januarie 2018). "Roger Federer reaches Australian Open final, his 30th Grand Slam singles finals appearance". USA Today. Besoek op 27 Junie 2019. 
  178. "Roger FEDERER – Olympic Tennis | Switzerland". International Olympic Committee. 19 Julie 2017. Besoek op 15 September 2017. 
  179. "Rankings history". ATP Tour. 11 Oktober 2015. 
  180. "Federer, Del Potro, Bryans Honoured In 2016 ATP World Tour Awards". ATP Tour. 10 November 2016. 
  181. "Winners Archive Roger Federer". Laureus World Sports Awards. Besoek op 10 Julie 2009. 

Eksterne skakels[wysig | wysig bron]