Stanisław Lem

in Wikipedia, die vrye ensiklopedie
Spring na: navigasie, soek

Stanisław Lem.jpg

Stanisław Lem

Poolse skrywer, filosoof en essayis


Literêre stroming
Wetenskapsfiksie


Beduidende werke

Solaris.jpg
Solaris (1961)
Dominique Signoret: Die twee sonne van die planeet Solaris

Stanisław Lem [staˈɲiswav ˈlɛm] (* 12 September 1921 in Lwif (Lemberg), † 27 Maart 2006 in Kraków) was 'n Poolse skrywer van wetenskaplik gefundeerde wetenskapsfiksie met 'n psigologies-filosofiese agtergrond asook filosofiese en satiriese werke. Sy boeke is in 41 tale vertaal en het al meer as 27 miljoen eksemplare verkoop sodat Lem as een van die mees gelese wetenskapsfiksie-skrywers buite die Engelse taalgebied beskou word[1].

Lem, wat aanvanklik as arts en in die 1970's tydelik as dosent vir Poolse literatuur in Krakau werksaam was, het veral met sy wetenskapsfiksie-roman Solaris (1961) bekendheid verwerf. Hierdie boek is twee keer verfilm.

In sy werke het Lem, wat as universele geleerde beskou kan word, veral filosofiese onderwerpe behandel, maar dikwels ook sy omvattende kibernetiese en psigologiese kennis verwerk. Sentraal gestaan het spekulasies oor tegnologie, die wese van intelligensie, die onmoontlikheid om wedersydse kommunikasie en verstaan te bewerkstellig, die wanhoop oor menslike beperkinge en die mensheid se plek in die heelal. Sommige van sy werke is as fiksie geskryf, terwyl ander as essays of filosofiese boeke gepubliseer is.

Verwysings[wysig]