Stefaans Coetzee
Stefaans Coetzee (1977 - ) is ’n Afrikaanse skrywer en omroeper.[1] Hy het ’n deel van sy kinderjare in 'n weeshuis op Winburg deurgebring en later betrokke geraak by die Israelvisie. Toe hy 19-jaar oud was, was Coetzee betrokke by die bomontploffing by die Shoprite in Worcester op 24 Desember 1996, waar vier mense dood en talle beseer is. Hy is skuldig bevind en het 18 jaar in die tronk deurgebring. Gedurende sy jare in die tronk het Coetzee ’n politieke metamorfose ondergaan. In Julie 2015 is hy op parool vrygelaat. Coetzee het hierna begin skryf. Hy tree ook op as organiseerder van die Sanctuary-boekfees in Klerksdorp. Sy eerste boek, Wit Wolf: Die Worcester-bomplanter se storie van bevryding, wat hy saam met Alita Steenkamp geskryf het, het in 2019 verskyn.[2]
