Swaelstert

in Wikipedia, die vrye ensiklopedie
Jump to navigation Jump to search

Swaelsterte
Schwalbenschwanz papilio machaon.jpg
Papilio machaon
Wetenskaplike klassifikasie
Koninkryk:
Filum:
Klas:
Orde:
Familie:
Subfamilie:
Tribus:
Genus:
Papilio

Linnaeus, 1758

Die Swaelsterte is 'n skoenlappergenus in die Riddervlinder-familie, Papilionidae. Die woord papilio is die Latynse woord vir skoenlapper.[1]

Onder die welbekende soorte van die genus is die Lemoenvlinder van Afrika (Papilio demodocus) en die Noord-Amerikaanse Westelike tierswaelstert (Papilio rutulus). Bekende soorte in Asië sluit in die Mormoonvlinders (Papilio polytes, Papilio polymnestor), die Boord- en Ulysses-swaelsterte in Australië (Papilio aegeus, Papilio ulysses, onderskeidelik).

Ouer indelings van die Swaelsterte het hulle in 'n groter getal van redelik klein genera geressorteer. Meer onlangse klassifikasies was meer konserwatief, en gevolglik word 'n getal voormalige genera nou ingesluit by Papilio. Die genus bevat volgens moderne klassifisiestelsels ongeveer 200 soorte. Die genus Chilasa word deur sommige beskou as 'n subgenus van Papilio, soos ook die Agehana-swaelsterte, alhoewel die laasgemelde takson meestal as 'n subgenus van Chilasa beskou word.

Voormalige genera wat nou ressorteer onder Papilio, is:

  • Achillides
  • Eleppone
  • Druryia
  • Heraclides (Reuseswaelsterte)
  • Menelaides
  • Princeps
  • Pterourus (Tierswaelsterte)
  • Sinoprinceps

Fotogalery[wysig | wysig bron]

Verwysings[wysig | wysig bron]

  1. Fabales. (2009) In Encyclopædia Britannica. Besoek 8 September 2009, op die aanlyn Encyclopædia Britannica: [1]