Lemoenvlinder
Lemoenvlinder | |
---|---|
![]() | |
Die Lemoenvlinder, gespalkte spesimen. | |
Wetenskaplike klassifikasie | |
Koninkryk: | |
Filum: | |
Klas: | |
Orde: | |
Familie: | |
Genus: | |
Spesie: | P. demodocus
|
Binomiale naam | |
Papilio demodocus | |
Sinonieme | |
|
Die Lemoenvlinder, (Papilio demodocus), is 'n groot swaelstertvlinder inheems aan sub-Sahara Afrika. Dit is 'n pesspesie, aangesien die ruspe op sitrusbome voed.
Inhoud
Lewenskringloop[wysig | wysig bron]
Lemoenvlinders gaan deur ongeveer drie geslagte per jaar. Hul eiers word op sitrusblare gelê.
Eiers[wysig | wysig bron]
Die vroulike vlinder plaas haar eiers op die oppervlakte van 'n sitrusblaar. Na sowat ses dae broei die larwe (ruspe) uit die eier.
Onvolwasse larwe[wysig | wysig bron]
Die onvolwasse larwe is swart en geel, met wit stekels. Hul kleur verskaf goeie kamoeflering, aangesien hulle lyk soos voëlmis. Hulle groei tot 'n lengte van 10 tot 15 mm voor hulle na volwasse larwes verander.
Volwasse larwe[wysig | wysig bron]
Die volwasse larwe (of ruspe) is groen met wit of rooskleurige merke en oogkolle. Hulle groei tot 'n maksimumlengte van sowat 45 mm.
By volwasse ruspes ontbreek die kamoeflering in hul vroeëre stadia. Instede stoot hulle 'n gevurkte oranje orgaan uit, bekend as 'n osmeterium, wanneer hulle deur 'n voël of ander predator gekonfronteer word. Die orgaan gee 'n sterk reuk af wat die predator ontmoedig om dit as prooi te neem.
Papie[wysig | wysig bron]
Die ruspes heg hulle aan takke deur middel van sy, en transformeer na na papies. Hulle bly in die papiestadium vir 2–3 weke voor die volwassene, die vlinder, verskyn.
Volwassene[wysig | wysig bron]
Die volwassene het swart- en geelgemerkte vlerke met rooi en blou oogkolle. Die vroulike skoenlappers neig om groter as die mannetjies te wees.
Natuurlike vyande[wysig | wysig bron]
Lemoenvlinder eiers en papies word geparasiteer deur sekere soorte parasitiese wespes, versal die genera Ooencyrtus (eierpredator) en Pteromalus puparum (papiepredator).
Eksterne skakels[wysig | wysig bron]
- Papilio demodocus van die Iziko Museum, Kaapstad
- Citrus Swallowtail
Fotogalery[wysig | wysig bron]
Lemoenvilder by die Koninklike Myl, Budongo W. Uganda
Krugerwildtuin, Suid-Afrika
Botaniese tuin in Montreal
Verwysings[wysig | wysig bron]
- ↑ Afrotropical Butterflies: File C – Papilionidae - Tribe Papilionini
- ↑ Papilio, Site of Markku Savela