Konstantynseswaelstert

in Wikipedia, die vrye ensiklopedie
Jump to navigation Jump to search

Konstantynseswaelstert
Papilio constantinus on flower.jpg
Papilioconstantinus Ward, 1871.JPG
Wetenskaplike klassifikasie
Koninkryk:
Filum:
Klas:
Orde:
Familie:
Genus:
Spesie:
P. constantinus
Binomiale naam
Papilio constantinus
Ward, 1871[1]
Sinonieme
  • Princeps constantinus
  • Papilio constantinus f. chrysothemis Stoneham, 1931
  • Papilio constantinus alticola Le Cerf, 1924
  • Papilio constantinus monticolus Le Cerf, 1924
  • Papilio constantinus f. mathieui Dufrane, 1946
  • Papilio constantinus mweruana f. wittei Berger, 1981

'n Konstantynseswaelstert (of Constantine's swallowtail soos dit in Engels bekend staan),[2] is 'n vlinder, Papilio constantinus en behoort tot die familie van riddervlinders (Papilionidae).

Verspreiding[wysig | wysig bron]

Dit kom in Afrika suid van die Sahara voor, insluitend Kongo, Demokratiese Republiek van die Kongo, Ethiopië, Somalië, Kenia, Tanzanië, Malawi, Zambië, Mosambiek, Zimbabwe, Botswana, eSwatini en Suid-Afrika waar dit in Limpopo, Mpumalanga, Noordwes, Gauteng en in die noorde van KwaZulu-Natal voorkom.[1]

Habitat[wysig | wysig bron]

Dit word hoofsaaklik in rypvrye savanne en woudgebiede aangetref. Dit word gewoonlik aangetref vanaf seevlak tot ongeveer 1200 m bo seevlak. Daar is 'n enkele rekord van Rubeho waar dit by 1950 m bo seevlak aangetref is.[1] Albei geslagte hou daarvan om by modderige plekke te vergader. Hulle vlieg laag en ewekansig, gewoonlik 1 tot 2 m bo die grond, met gereelde besoeke aan blomme.[3]

Kenmerke[wysig | wysig bron]

Die voorvlerke is donkerbruin of swart. Daar 'n ketting van geel kolle aan die buitekant en in die middel van die vlerk en 'n paar geel kolle aan die voorkant van die vlerk. Die agtervlerke is donkerbruin of swart en hulle het stertjies met twee geel merkies aan elke stertjie. Die agtervlerke het 'n golwende rante met 'n breë, geel band naby die abdomen en 'n ketting van klein, geel kolletjies naby die rand. Die onderkant van die skoenlapper is soortgelyk aan die bokant, behalwe dat dit bruin is. Die wyfie is soortgelyk aan die mannetjie, maar bruin, en nie donkerbruin of swart nie.[4] Die vlerkspan van die mannetjie is 70 – 90 mm, en die van die wyfie is 80 – 95 mm.[5]

Sien ook[wysig | wysig bron]

Verwysings[wysig | wysig bron]

  1. 1,0 1,1 1,2 "Afrotropical Butterflies, a digital encyclopaedia compiled by Mark C. Williams: File C – Papilionidae - Tribe Papilionini" (in Japannees). Geargiveer vanaf die oorspronklike op 5 November 2018. Besoek op 5 April 2017.
  2. "Skoenlapperlys saamgestel deur die Landboutaalkomitee met medewerking van die Taaldiensburo van die Departement van Onderwys, Kuns en Wetenskap, 1959" (PDF). Besoek op 5 April 2017.
  3. "SANBI Biodiversity Series 16. Butterflies of South Africa's National Botanical Gardens: An illustrated checklist compiled by Christopher K. Willis & Steve E. Woodhall. 2010" (PDF). Besoek op 5 April 2017.
  4. "Butterflycorner: Papilio constantinus (Constantine´s Swallowtail)". Besoek op 5 April 2017.
  5. Woodhall, Steve (2005). Field Guide to Butterflies of South Africa (1st uitg.). Kaapstad: Struik. p. 352. ISBN 978-1-86872-724-7.