Swansea

in Wikipedia, die vrye ensiklopedie
Jump to navigation Jump to search
Swansea
Abertawe
Uitsig oor die stad.
Uitsig oor die stad.
Official logo of Swansea
Wapen
Ligging van Swansea op 'n kaart (Wallis)
Swansea
Swansea
Koördinate: 51°37′N 3°57′W / 51.617°N 3.950°W / 51.617; -3.950Koördinate: 51°37′N 3°57′W / 51.617°N 3.950°W / 51.617; -3.950
Land Vlag van Verenigde Koninkryk Verenigde Koninkryk
Land Vlag van Wallis Wallis
Graafskap Wes-Glamorgan
Stadstatus 3 Julie 1969
Bevolking (2016)
 - Stad 245 500 (Unitêre owerheid)
Tydsone MGT (UTC+00:00)
 - Somer (DST) BST (UTC+01:00)
Poskode SA1-SA9
Skakelkode(s) 01792

Swansea ([ˈswɒnzi]; Wallies: Abertawe [abɛrˈtawɛ]) is die tweede grootste stedelike nedersetting in Wallis (naas Cardiff) met 'n bevolking van 245 500 in die unitêre owerheidsgebied, geleë aan die Swansea Bay, 'n baai aan die Walliese suidweskus. Saam met Neath en Port Talbot vorm Swansea 'n verstedelikte gebied met meer as 300 000 inwoners.

Die dokke en ander hawegeriewe is herontwikkel. Naas 'n jaghawe (foto) het woonstelgeboue en restaurante ontstaan

Swansea, wat sy oorsprong in 'n Wiking-handelspos het, het in die vroeë 18de eeu tot 'n belangrike nywerheidstad ontwikkel. Die nabyheid van kopermyne in Cornwall asook die beskikbaarheid van goedkoop steenkool, wat plaaslik ontgin kon word, het van Swansea met sy hawegeriewe 'n sentrum van die koperbedryf gemaak waaraan die bynaam Copperopolis gegee is. Omstreeks 1880 is sestig persent van die koperertse, wat uit oorsee ingevoer is, in plaaslike smelterye verwerk. Die stad se nywerhede het van Swansea een van die hoofteikens van Duitse lugaanvalle tydens die Tweede Wêreldoorlog gemaak. Die historiese middestad is in drie grootskaalse lugaanvalle in Februarie 1941 vernietig. Met die agteruitgang van swaar nywerhede gedurende die 20ste eeu het die dienstesektor die belangrikste ekonomiese bedryf geword.

Swansea en sy omgewing het intussen ook tot gewilde toeristebestemmings ontwikkel. Die National Waterfront Museum behandel in sy uitstallings die geskiedenis en ontwikkeling van Wallis, terwyl die nabygeleë Dylan Thomas Centre lewe en werk van Dylan Thomas, die bekendste boorling van Swansea en befaamde Walliese digter, dokumenteer. Die nuwe Swansea University Bay-kampus is een van die vernaamste voorbeelde van moderne boukuns in Wallis.