Tamar van Georgië

in Wikipedia, die vrye ensiklopedie
Jump to navigation Jump to search
Tamar die Grote
Koningin van Georgië
Koningin Tamar van Georgië.
Koningin Tamar van Georgië.
Periode 27 Maart 118418 Januarie 1213
Voorganger George III
Opvolger George IV
Huis Bagrationi-dinastie
Gade Joeri van Kiëf-Roes (1185–1187)
David Soslan (1191–1207)
Kinders George IV
Rusudan
Vader George III
Moeder Burdukhan van Alanië
Gebore 1160
Oorlede 18 Januarie 1213

Tamar die Grote (Georgies: თამარი; omstreeks 1160 – 18 Januarie 1213), soms ook Tamara genoem, was van 1184 tot 1213 koningin van Georgië in die tyd van die Goue Era.[1] Sy was lid van die Bagrationi-dinastie en haar posisie as die eerste regerende koningin is beklemtoon deur die titel mep'e ("koning").[2]

Bewind[wysig | wysig bron]

Tamar is in 1178 deur haar pa, koning George III, as opvolger en medeheerser aangewys, maar toe sy die troon bestyg ná haar pa se dood, het sy groot teenstand van die adel gekry. Sy het dié teenstand suksesvol die hoof gebied en ’n suksesvolle buitelandse beleid begin wat aangehelp is deur die verval van die vyandelike Turke.

Met die hulp van ’n magtige militêre elite het sy voortgebou op die sukses van haar voorgangers, en ’n ryk opgebou wat die Kaukasus oorheers het totdat die Mongole die streek twee dekades ná haar dood binnegeval het.[3]

Persoonlike lewe en nalatenskap[wysig | wysig bron]

Tamar was twee keer getroud: eers met prins Joeri van Kiëf-Roes, van 1185 tot 1187. Sy is van hom geskei, het hom uit die land verban en haar land suksesvol verdedig teen sy latere pogings tot ’n staatsgreep. Haar tweede man was die Alan-prins David Soslan, by wie sy twee kinders gehad het, George en Rusudan, wat albei ná haar monarg geword het.[4][5]

Vanweë haar politieke en militêre suksesse en die feit dat sy ’n vrou was, is sy in die Georgiese kuns en geskiedenis geïdealiseer en geromantiseer. Sy is steeds ’n gewilde figuur in die Georgiese kultuur en word deur die Georgies-Ortodokse en Apostoliese Kerk as ’n heilige vereer. Haar feesdag is op 14 Mei.[6][7]

Verwysings[wysig | wysig bron]

  1. Rapp (2003), bl. 338.
  2. Eastmond, Antony (1998), Royal Imagery in Medieval Georgia. Penn State Press, ISBN 0-271-01628-0.
  3. Eastmond (1998), bl. 94.
  4. Toumanoff (1966), "Armenia and Georgia", bl. 623.
  5. Allen (1932), bl. 104.
  6. Machitadze, Archpriest Zakaria (2006), "Holy Queen Tamar (†1213)", in The Lives of the Georgian Saints.pravoslavie.ru. URL besoek op 2008-07-21.
  7. (gr) Ἡ Ἁγία Ταμάρα ἡ βασίλισσα. 1 Μαΐου. ΜΕΓΑΣ ΣΥΝΑΞΑΡΙΣΤΗΣ.