Tamboeryn

in Wikipedia, die vrye ensiklopedie
Jump to navigation Jump to search

Die tamboeryn is 'n musiekinstrument in die perkussie-familie wat uit 'n hout- of plastiekraam bestaan met pare van klein metaalsimbale, die sogenaamde "zills". In klassieke terme dui die term tamboeryn op 'n instrument met 'n slagoppervlak waarop geslaan kan word, hoewel sommige variante geen oppervlak het nie. Tamboeryne word dikwels saam met standaard perkussiestelle gebruik. Dit kan gemonteer word, byvoorbeeld op 'n staander as deel van 'n tromstel (en met tromstokke bespeel), of in die hande gehou word en bespeel word deur die instrument te tik of te slaan. 

Tamboeryne kom in baie vorms, maar die mees algemene vorm is rond. Dit word in verskeie musiekvorme gevind: Turkse volksmusiek, Griekse volksmusiek, Italiaans volksmusiek, klassieke musiek, Persiese musiek, samba, geestelike musiek, popmusiek, countrymusiek en rockmusiek.

Geskiedenis[wysig | wysig bron]

Tamboeryne het in Egipte ontstaan, waar dit onder die Hebreërs as die tof bekend gestaan het, 'n instrument wat hoofsaaklik in godsdienstige kontekste gebruik is.[1] Die woord tamboeryn vind sy oorsprong in die Franse tambourin, wat na 'n lang, smal drom verwys wat in Provence gebruik word. Die woord is 'n verkleiningsvorm van tambour, verander deur die invloed van die Arabiese tunbur [2] uit die Middel-Persiese woord tambūr.[3]

Hoe om dit te bespeel[wysig | wysig bron]

Die tamboeryn kan in die hand gehou word of op 'n staander gemonteer word, en kan op verskeie maniere bespeel word — van streel of skud en hard met die hand of 'n stok tref, tot teen die instrumentalis se heup of been slaan.

Tamboerynrolle[wysig | wysig bron]

Daar is verskeie maniere om 'n tamboerynrol te doen. Die maklikste metode is om die hand wat die tamboeryn vashou by die gewrig vinnig heen en weer te draai.

In populêre musiek[wysig | wysig bron]

In rockmusiek word 'n tamboeryn die meestal só bespeel:

  • Deur hoofsangers wat dit skud terwyl hulle speel – hoofsangers soos Mick Jagger, Freddie Mercury, Mike Love, Jon Anderson, Jim Morrison, Robert Plant, Peter Gabriel, Liam Gallagher, Gene Clark, Ray Thomas, Trent Reznor, Ian Astbury, Stevie Nick, Roger Daltrey, Jon Davison, Tyler Joseph, Gerard Way, Florence Welch, Tim Booth, Taylor Momsen, Davy Jones, Nico en Ryan Tedder het al 'n tamboeryn gebruik terwyl hulle sing.
  • Deur trom-/perkussiespelers – Tromspelers soos Larry Mullen Jr. van U2, Ringo Starr, Roger Taylor, Hal Blaine, Phil Collins, Charlie Watts, Maureen Tucker, Bev Bevan, Ralph MacDonald, Danny Seraphine, Laudir de Oliveira, Mick Fleetwood, Milt Holland, Paulinho da Costa, Lenny Castro, Sheila E., Steve Gadd, Airto Moreira, Bobbye Hall, Russ Kunkel, Liberty DeVitto, Nigel Olsson, Luis Conte, Dave Weckl, Steve Jordan, Jeff Porcaro, Neil Peart, Graeme Edge, Dallas Taylor, Don Henley, Emil Richards, Ray Cooper, Crystal Taliefero, Angus MacLise, Alex Acuna, Joe Lala, Nick Mason, John Bonham, Billy Cobham, Ian Paice, Frank Ricotti, Carl Palmer, Bobby Colomby, Tré Coel

In klassieke musiek[wysig | wysig bron]

Wolfgang Amadeus Mozart is onder die vroegste Westerse komponiste om die tamboeryn in sy komposisies in te sluit. Sedert die laat agtiende eeu is dit 'n meer permanente element van Westerse orkeste se perkussie-afdeling, soos vergestalt in sommige van Pjotr Tsjaikofski se dansstukke van Die Neutekrakersuite. Gustav Holst se sewe-beweging orkes-suite The Planets bevat ook die tamboeryn op verskeie plekke, veral in die "Jupiter"-beweging.

Verwysings[wysig | wysig bron]

  1. Hierdie artikel maak gebruik van feite en teks uit die Encyclopædia Britannica van 1911. Die bron is in die publieke domein.
  2. "tambourine | Origin and meaning of tambourine by Online Etymology Dictionary". www.etymonline.com. Besoek op 2018-02-26. 
  3. "tabor | Origin and meaning of tabor by Online Etymology Dictionary". www.etymonline.com. Besoek op 2018-02-26.