Thomas Scanlen

Thomas Charles Scanlen
Eerste Minister van die Kaapkolonie
Ampstermyn 9 Mei 1881 – 12 Mei 1884
Voorafgegaan deur	Gordon Sprigg
Opgevolg deur	Thomas Upington
Persoonlike besonderhede
Gebore	9 Julie 1834 Albanie, Kaapkolonie
Sterf	15 Desember 1912
Eggenoot/-note	Emma Thackwray Sarah Ann Dennison

Sir Thomas Charles Scanlen (distrik Grahamstad, 9 Julie 1834 - 15 Desember 1912) was van 9 Mei 1881 - 12 Mei 1884 die derde eerste minister van die Kaapkolonie. Hy was die opvolger van sir Gordon Sprigg (wat uiteindelik vier keer Kaapse eerste minister sou wees) en die voorganger van sir Thomas Upington.

In 1845 gaan vestig hy hom saam met sy ouers op Cradock en word in 1866 as prokureur toegelaat. In 1870 word hy lid van die Kaapse Wetgewende Vergadering vir Cradock. Op 9 Mei 1881 word hy die derde eerste minister van die Kaapkolonie toe hy vir sir Gordon Sprigg opvolg. Hy bly in die amp tot 12 Mei 1884. In 1894 word hy lid van die uitvoerende komitee van Suid-Rhodesië. Vier jaar later word hy aangestel as waarnemende administrateur van Suid-Rhodesië, 'n amp wat hy weer van 1903 tot 1905 beklee. In 1908 tree hy met pensioen af en sterf in Mei 1912.

Bronne

• Albertyn, C.F. dr. (hoofred.). 1972. Die Afrikaanse Kinderensiklopedie. Kaapstad: Nasou.