Gordon Sprigg
| Gordon Sprigg | |
 Sir Gordon Sprigg | |
Eerste Minister van die Kaapkolonie | |
| Ampstermyn 18 Junie 1900-21 Februarie 1904 | |
| Voorafgegaan deur | William Philip Schreiner |
|---|---|
| Opgevolg deur | Leander Starr Jameson |
| Ampstermyn 13 Januarie 1896-13 Oktober 1898 | |
| Voorafgegaan deur | Cecil John Rhodes |
| Opgevolg deur | William Philip Schreiner |
| Ampstermyn 25 November 1886-16 Julie 1890 | |
| Voorafgegaan deur | Thomas Upington |
| Opgevolg deur | Cecil John Rhodes |
| Ampstermyn 6 Februarie 1878-8 Mei 1881 | |
| Voorafgegaan deur | John Molteno |
| Opgevolg deur | Thomas Scanlen |
Persoonlike besonderhede | |
| Gebore | John Gordon Sprigg 27 April 1830 Ipswich, Suffolk, Verenigde Koninkryk |
| Sterf | 4 Februarie 1913 |
Sir John Gordon Sprigg (Ipswich, Engeland, 27 April 1830 - Wynberg, 4 Februarie 1913) was vier maal eerste minister van die Kaapkolonie.
Vroeë lewe
[wysig | wysig bron]Sprigg is op 27 April 1830 in Ipswich, Engeland, gebore as die tweede seun van eerwaarde James Sprigg, 'n Baptiste-predikant, en sy vrou, Maria Gardiner. Sy vroom en streng konserwatiewe opvoeding het 'n lewenslange uitwerking op sy waardes gehad; tot die einde van sy lewe was een van Sprigg se trotsste bewerings dat 'n voorouer van hom een van Oliver Cromwell se kapelane was.[1] Hy is opgevoed aan die Ipswich Skool, sowel as 'n reeks ander privaatskole.
Loopbaan
[wysig | wysig bron]Hy het sy loopbaan in 'n skeepsboukantoor begin en toe van werk verander om 'n snelskrifskrywer en verslaggewer te word.[2]
Sy brose gesondheid het hom egter in 1858 na die Kaapkolonie laat emigreer om te herstel, en hier het hy besluit om hom te vestig. Hy het daarin geslaag om 'n plaas genaamd 'Sunnyside' te bekom in wat destyds as Brits-Kaffrarië, naby wat vandag Oos-Londen is, bekend gestaan het, en het begin betrokke raak by plaaslike politiek.[3]
In 1869 word hy gekies as lid van die Kaapse Wetgewende Vergadering vir Oos-Londen. Hy ondersteun John Molteno in sy stryd om selfregering en word vyf jaar later eerste minister van die Kaapkolonie. Sy ministerie kom in 1881 tot 'n val, maar in 1884 word hy minister van finansies in die ministerie van sir Thomas Upington. In 1886 word hy vir die tweede maal eerste minister en word as ridder geslaan.
In 1890 word sy ministerie verslaan oor spoorwegsake, maar ses jaar later begin sy derde termyn as eerste minister. William Schreiner verslaan hom in 1898, maar in 1900 word hy vir die vierde maal eerste minister. Sy politieke loopbaan kom in 1904 tydelik tot 'n einde toe hy uittree nadat hy in die algemene verkiesing in sy kiesafdeling Oos-Londen verslaan is. Hy keer in 1908 terug tot die politiek as lid vir Oos-Londen. Hy sterf in 1913 in Wynberg.
Verwysings
[wysig | wysig bron]- ↑ Sjabloon:Cite DNB27
- ↑ "Sir John Gordon Sprigg". South African History Online.
- ↑ Rasmussen, R. Kent (1989). Dictionary of African historical biography. University of California Press. p. 698. ISBN 0-520-06611-1.
Bron
[wysig | wysig bron]- Albertyn, C.F. dr. (hoofred.). 1972. Die Afrikaanse Kinderensiklopedie. Kaapstad: Nasou.
 | Hierdie artikel omtrent ’n Suid-Afrikaanse politikus is ’n saadjie. Jy kan Wikipedia help deur dit uit te brei. |
