Tim Robbins

in Wikipedia, die vrye ensiklopedie
Jump to navigation Jump to search
Tim Robbins
'n Beeld van die betrokke persoonlikheid.
Robbins in 2012 by die Toronto-rolprentfees.

Geboortenaam Timothy Francis Robbins
Geboorte 16 Oktober 1958 (1958-10-16) (60 jaar oud)
Aktiewe jare 1979-tans

Timothy Francis "Tim" Robbins (gebore op 16 Oktober 1958)[1] is ’n Amerikaanse akteur, draaiboekskrywer, regisseur, vervaardiger, aktivis en musikant.

Loopbaan[wysig | wysig bron]

Sy akteursloopbaan het op die verhoog begin; hy was onder meer te sien in ’n verhoogweergawe van Antoine de Saint-Exupéry se boek The Little Prince. Nadat hy in 1981 gegradueer het, het hy The Actors' Gang, ’n eksperimentele akteursgroep, in Los Angeles gestig saam met vriende, onder andere John Cusack. Daarna het televisierolle gevolg in programme soos St. Elsewhere (1982) en Moonlighting. Sy deurbraakrol was as Ebby Calvin "Nuke" LaLoosh in die 1988-basketbalfliek Bull Durham, saam met Susan Sarandon en Kevin Costner.

Hy het lof en die prys vir beste akteur op die Cannes-rolprentfees gekry vir sy rol as die rolprentgrootkop Griffin Mill in The Player (1992). Hy het ook in 1994 saam met Morgan Freeman in die geloofde prent The Shawshank Redemption gespeel.

Robbins se ander rolle sluit in dié van Jacob Singer in Jacob's Ladder (1990) en Dave Boyle in Mystic River (2003), waarvoor hy ’n Oscar vir beste manlike byspeler gewen het. Hy was ook die regisseur van prente soos Dead Man Walking.

Verwysings[wysig | wysig bron]

  1. "Tim Robbins". The New York Times. Besoek op 14 Augustus 2010.