Tropiese of subtropiese grasveld, savanne en struikveld
Tropiese of subtropiese grasveld, savanne en struikveld is 'n terrestriële bioom wat deur die Wêreldnatuurlewefonds gedefinieer is.[1] Die bioom word oorheers deur gras en/of struike wat in semi-dorre tot semi-vogtige klimaatstreke van subtropiese en tropiese breedtegrade voorkom. Tropiese grasveld word hoofsaaklik tussen 5 grade en 20 grade Noord sowel as Suid van die ewenaar gevind.[2]
Beskrywing[wysig | wysig bron]
Grasveld word oorheers deur grasse en ander kruidagtige plante. Savanne is grasveld met verspreide bome. Struikveld word oorheers deur hout- of kruidagtige struike.
Ekstensiewe landstreke in die trope ontvang nie genoemsame reën om aansienlike boombedekking te onderhou nie. Die tropiese en subtropiese grasveld, savanne en struikveld word gekenmerk deur gemiddelde neerslag tussen 90-150 cm per jaar.[1] Reënval kan hoogs seisoenaal wees, met die volle jaarlikse neerslag wat soms in 'n paar weke voorkom.
Die savanne van Afrika word tussen woud-, boomveld- en grasveldstreke aangetref. Flora sluit akasia-, miombo- en kremetartbome, gras en lae struike in. Akasia- en miombobome wissel hulle blare in die droëseisoen om vog te bewaar, terwyl die kremetart water in sy stam stoor vir die droëseisoen. Die savanne van Afrika verteenwoordig 'n groot proporsie van die bioom.
Groot soogdiere wat ontwikkel het om voordeel te trek uit die bioom se ruim voedingsbronne tipeer die biodiversiteit wat met hierdie habitatte in verband staan. Die grootsoogdierfaunas is mees florerend in savanne en grasveld van Afrika. Die mees intakte gemeenskappe word tans in Oos-Afrikaanse akasia- en Zambeziese savanne gevind wat uit 'n mosaïek van miombo, mopanie en ander habitatte bestaan.[3] Grootskaalse migrasie van tropiese savanneherbivore soos wildebeeste (Connochaetes taurinus) en sebras (Equus quagga), neem voortdurend af weens jag en modifikasie van hul habitat.[1] Hulle word tans net tot enige beduidende mate in Oos-Afrika en die sentrale Zambesiese streek aangetref. Heelwat van die buitengewone profusie van Guinese en Saheliese savanne is geëlimineer, alhoewel die milddadige migrasies van Ugandese kobus steeds plaasvind in die savanne van die Sudd-streek.[1] Die Soedanese klimaattipe word gekenmerk deur 'n alternerende warm reënseisoen en 'n koel droëseisoen. In die Noordelike Halfrond begin die warm reënseisoen gewoonlik in Mei en duur tot September. Neerslag wissel van 25 cm tot 150 cm en is meestal onbetroubaar. Die res van die jaar is koel en droog. Neerslag neem af namate mens noordwaarts in die Noordelike Halfrond beweeg, of suidwaarts in die Suidelike Halfrond. Droogte is baie algemeen.
Verspreiding[wysig | wysig bron]
Tropiese en subtropiese grasveld, savanne en struikveld word op al die kontinente benewens Antarktika gevind. Dit is wydverspreid in Afrika, en is ook aanwesig regdeur Suid-Asië en Suidoos-Asië, die noordelike dele van Suid-Amerika en Australië, sowel as die suidelike Verenigde State.
Verwysings[wysig | wysig bron]
- ↑ 1,0 1,1 1,2 1,3 Wêreldnatuurlewefonds. "Tropical and Subtropical Grasslands, Savannas and Shrubland Ecoregions". Geargiveer vanaf die oorspronklike op 25 April 2012. Besoek op 29 Mei 2019.
- ↑ Waugh, David (2009). Geography: an integrated approach (4de uitg.). Cheltenham: Nelson Thornes. ISBN 978-1-4085-0407-9. OCLC 318672928.
- ↑ McClanahan, T.R.; Young, T.P., reds. (1996). East African ecosystems and their conservation. New York: Oxford University Press.