Valsbaai-natuurreservaat
Die Valsbaai-natuurreservaat is sedert 2015 ‘n verklaarde Ramsar-vleiland.
Ligging
[wysig | wysig bron]Hierdie reservaat lê op die Kaapse Vlakte en omsluit Rondevlei en Zeekoevlei. Dit is nagenoeg 1 500 ha groot en is by die koördinate 34°4′S 18°30′O / 34.067°S 18.500°O geleë.
Gebruik
[wysig | wysig bron]Zeekoevlei is ‘n woongebied, piekniek- en ontspanningsterrein en verskeie soorte watersport word hier beoefen. Rondevlei is ‘n beskermde gebied.
Plante
[wysig | wysig bron]Ongeveer 256 inheemse plantspesies insluitende die uiters bedreigde en byna uitgestorwe Erica turgida en Erica verticillata groei in die gebied. Die Kaapse Vlakte sandfynbos en strandveld kom daar voor.
Soogdiere
[wysig | wysig bron]Belangrike bevolkings van soogdiere word hier aangetref: die seekoei, groototter, watermuishond, Kaapse grysbok, steenbok, vleirot (Otomys irroratus), grootkolmuskeljaatkat (Genetta tigrini) en kleingrysmuishond.
Voëls
[wysig | wysig bron]‘n Groot verskeidenheid voëlspesies kan hier waargeneem word: kleinstrandloper, kemphaan, bontelsie, gewone sterretjie, grootflamink en witpelikaan.