Vancouver, Washington

in Wikipedia, die vrye ensiklopedie
Spring na: navigasie, soek

Vancouver, Washington
DowntownVancouver 012.jpg

Kaart Wapen
WAMap-doton-Vancouver.PNG
Vlag
 Land Flag of the United States.svg Verenigde State
 Deelstaat Washington
 County Clark County
 Koördinate 45°38′N 122°36′W
 Stigting 1852
 Oppervlakte:  
 - Totaal 129,14 km2
 Hoogte bo seevlak 52 m
 Bevolking:  
 - Totaal (2010) 161 791
 - Bevolkingsdigtheid 3 1344.6/vk km
 - Metropolitaanse gebied 2 314 554
 Tydsone UTC -8 | Somertyd: UTC -7
 Burgemeester Tim Leavitt
 Amptelike Webwerf www.cityofvancouver.us

Vancouver is 'n stad op die noord-oewer van die Columbiarivier in die Amerikaanse staat, Washington. Vancouver, gestig in 1852 en ingelyf in 1857, is die vierde grootste stad in die staat, met 'n bevolking van 161 791 (2010-sensus)[1]. Vancouver is die setel van Clark County, en is deel van die Portland-Vancouver metropolitaanse gebied, die 24ste grootste metropolitaanse gebied in die Verenigde State.

Etmologie[wysig | wysig bron]

Vancouver deel sy naam met die groter stad van Vancouver wat 491 km noord in die Kanadese provinsie van British Columbia geleë is. Beide stede is na die see-kaptein George Vancouver genoem, alhoewel die Kanadese stad 29 jaar na Vancouver, Washington ingelyf is, en 60 jaar nadat die naam Vancouver vir die eerste keer gebruik is as verwysing na die historiese Fort Vancouver Trading Post op die Columbiarivier. Stadsamptenare het van tyd tot tyd voorgestel dat die Amerikaanse stad se naam verander na Fort Vancouver, Vancouver VSA, of selfs Ou Vancouver, om verwarring met sy noordelike buurman te verminder. Baie inwoners onderskei tussen die twee stede deur te verwys na die Kanadese stad as "Vancouver, BC" en na Vancouver in die VSA as "Vancouver, Washington" of "Vancouver VSA." Plaaslike byname sluit in: "Vantucky" (hoewel die bynaam dikwels gebruik word as 'n neerhalende term) [2][3][4][5][6][7][8] en "Die Couv(e)"[9]. In 2013 het die bynaam "Vansterdam" opgeduik as 'n gevolg van die wettiging van dagga in die staat van Washington. Die bynaam word ook al lank gebruik om te verwys na Vancouver, BC, en is ‘n duidelike verwysing na Amsterdam in Nederland[10].

Geskiedenis[wysig | wysig bron]

Die gebied van Vancouver, Washington is oorspronklik deur 'n verskeidenheid van inheemse Amerikaanse stamme bewoon, waarvan die mees onlangse die Chinook en Klickitat stamme was, wat permanente nedersettings van houthuise gebou het.[11] Die Chinookan en Klickitat se name vir die gebied was Skit-so-te-ho en Ala-Si-kas, onderskeidelik, wat "land van die modder-skilpaaie" beteken.[12] Die eerste kontak met Europeers was in 1775, met ongeveer die helfte van die inheemse bevolking dood as gevolg van pokke, voor die Lewis-en-Clark-ekspedisie kamp in die gebied opgeslaan het in 1806.[11] Binne die volgende vyftig jaar het ander optredes en siektes soos masels, malaria en griep die Chinookan-bevolking van 'n geskatte 80 000 verminder na 'n paar dosyn grondlose vlugtelinge.[11]

Volgens Meriwether Lewis was die Vancouvergebied "die enigste gewenste ligging vir ‘n nedersetting wes van die Rotsgebergte." Die eerste permanente Europese nedersetting was in 1824, toe Fort Vancouver gestig is as 'n handelstasie van die Hudson's Bay Maatskappy. Op daardie stadium was die gebied deur beide die VSA en Brittanje beset onder 'n gemeenskaplike besettingsooreenkoms. Gemeenskaplike besetting het gelei tot die Oregon-grensgeskil wat op 15 Junie 1846 beëindig is, met die ondertekening van die Oregon-Verdrag, wat volle beheer van die gebied aan die Verenigde State van Amerika gegee het.

Die Amerikaner Henry Williamson het voor 1845 'n groot stuk grond wes van die Hudson's Bay Maatskappy geëis (insluitend 'n gedeelte van die hedendaagse Vancouverhawe). Hy het sy grondeis by die hof in Oregon City geregistreer, voordat hy na Kalifornië vertrek het.[13] In 1850 het Amos Short die grond deur middel van ‘n grondeisskenking bekom en die dorp Columbia City genoem. Die naam is na Vancouver verander in 1855.[14] Vancouver is op 23 Januarie 1857 as stad geïnkorporeer.[15]

Bron[wysig | wysig bron]

Verwysings[wysig | wysig bron]

  1. 2010 Census Redistricting Data (Public Law 94-171) Summary File”. American FactFinder. United States Census Bureau. URL besoek op 16 Junie 2014.
  2. Robison, Peter, "Fisher Lured to Washington Woods Offering Tax Haven", Bloomberg Businessweek, 29 March 2012. URL besoek op 29 March 2012.
  3. Vantucky meets Tin Pan Alley”. vanvoice.com: June 1, 2009. URL besoek op 2012-05-10.
  4. http://vanvoice.com/article?articleTitle=you+know+your+from+vantucky+if...--1287789309--453--
  5. "Cafe offers 'Vantucky Strikes Back' T-shirts, humor along with coffee", The Oregonian, 17 May 2011. URL besoek op 5 June 2011.
  6. "Vancouver coffee shop Strikes Back and Abides with latest Couve T-shirt promotion", The Oregonian News Network, The Oregonian, 16 May 2011. URL besoek op 5 June 2011.
  7. Portland's wacky and wonderful neighboring cities.”. Stumped in Stumptown. 29 March 2011. URL besoek op 5 June 2011.
  8. Jayne, Greg, "Maneuver by council makes county look like Podunkville (commentary)", The Columbian, 5 June 2011. URL besoek op 5 June 2011.
  9. Welcome To The 'Couv”. Wweek.com: 2007-03-21. URL besoek op 2012-05-10.
  10. High-5 North to Vansterdam”. Wweek.com: 2012-10-05. URL besoek op 2013-12-06.
  11. 11,0 11,1 11,2 History of Vancouver – Early Northwest Native People”. City of Vancouver. URL besoek op July 12, 2013.
  12. – Native Sons 1900”. Gesswhoto.com. URL besoek op 2012-05-10.
  13. "Images of America DOWNTOWN VANCOUVER," Pat Jollota, p 42
  14. HistoryLink.org Item 9101.
  15. History of Vancouver – An Overview of Vancouver's History”. City of Vancouver. URL besoek op November 18, 2007.