Vasa

in Wikipedia, die vrye ensiklopedie
Jump to navigation Jump to search
Die Vasa se boeg.

Die Vasa was 'n slagskip van die Sweedse Vloot en te water gelaat in 1628. Sy het gesink na slegs 1300 meter tydens haar nooiensvaart op 10 Augustus 1628. Die skip was 69 meter lank, 'n viermaster met die hoofmas 190 meter hoog. Die skip was ook erg versier met hout leeus en die twee kanon dekke het 64 kanonne gedra. Daar was 300 soldate aan boord.

Die skip was gebou in opdrag van koning Gustavus Adolphus van Swede wat op daardie stadium betrokke was as deel van die Dertigjarige oorlog met Pole. Beide lande het beheer oor die Baltiese See as uiters strategies beskou. Die koning was persoonlik betrokke met die ontwerp en bou van die skip; hy het self die bouplanne laat verander.

Die skip het gesink na net 1300 meter tydens die nooiensvaart in die hawe van Stockholm. Die skip is geberg op 24 April 1961. 'n Ondersoek het aan die lig gebring dat die skip se swaartepunt te hoog was; hoër as die punt waar die Archimedeskrag is. Beide die punte moet op dieselfde plek wees. Tesame met die lang maste, groot kanonne en versiering was slegs 'n ligte windjie nodig om die skip te laat kantel. Die skip het ook te min balas aan boord gehad en was dus topswaar.

Bron[wysig | wysig bron]

  • Quest, Academy of Science of South Africa, 2014, Vol 10, Number 3 ISSN 1729-830X

Eksterne skakels[wysig | wysig bron]

Koördinate: 59°19′40″N 18°05′28″O / 59.32778°N 18.09111°O / 59.32778; 18.09111