Verona

in Wikipedia, die vrye ensiklopedie

Verona
Verona/Veròna

Kaart Wapen
Vlag
 Land Vlag van Italië Italië
 Administratiewe gewes Veneto
 Koördinate 45°26′N 10°59′O / 45.433°N 10.983°O / 45.433; 10.983
 Stigting 550 v.C.
 Oppervlakte:  
 - Totaal 206,63 vk km
 Hoogte bo seevlak 59 m
 Bevolking:  
 - Totaal (2021) 258 031
 - Bevolkingsdigtheid 1 200/vk km
 Tydsone UTC +1 (MET)
 - Somertyd UTC +2 (MEST)
 Burgemeester Federico Sboarina
 Amptelike webwerf comune.verona.it

Verona (uitgespreek [veˈro(ː)na]) is 'n belangrike toerisme-stad in die noorde van Italië en die hoofstad van die gelyknamige provinsie. Met 'n bevolking van 258 031 (2021) is Verona die grootste stedelike nedersetting in die Terraferma, die historiese vastelandse besittings van die Republiek Venesië, asook die tweede grootste nedersetting in die huidige administratiewe streek Veneto. Verona is in 2000 deur Unesco as wêrelderfenisgebied gelys. Die stad is in die Povlakte langs die Adigerivier en sowat 25 km oos van die Gardameer geleë.

Die Romeinse amfiteater is tans bekend as Arena di Verona
Uitsig oor die Piazza Bra
Die Romeinse boogbrug Ponte Pietra oor die Adige teen sononder
Die Balcone di Giulietta is in werklikheid 'n sarkofaag wat teen die fasade geplak is

Die stad is bekend as die plek waar William Shakespeare se tragedie Romeo en Juliet (Romeo en Julia) afspeel. Alhoewel die tragedie geen historiese wortels het nie (behalwe vir twee Italiaanse novelles), word na een van Verona se historiese woongeboue verwys as die Casa de Giulietta (Huis van Julia). Die Julia-balkon in sy binnehof het in die 1930's as toeristetrekpleister ontstaan.

Die belangrikste besienswaardigheid van Verona is die goed bewaarde Romeinse amfiteater wat in 50 n.C. ontstaan het met sitplekke vir 20 000 besoekers. Hier word jaarliks operafeeste, rock- en popkonserte gehou. Die uitgestrekte plein Piazza Bra, waar die amfiteater geleë is, word oorheers deur historiese paleise en burgerhuise uit die tydperk tussen die 16de en 18de eeu. Dit was een van die gasheerstede tydens die FIFA Sokker-Wêreldbekertoernooi in 1990.

Eksterne skakels[wysig | wysig bron]

  • Wikimedia Commons logo Wikimedia Commons het meer media in die kategorie Verona.
  • (en) Toerisme-inligting oor Verona op Wikivoyage
  • (it) Amptelike webwerf
  • (en) "Verona". Encyclopædia Britannica. Besoek op 8 Maart 2019.
  • (en) (fr) Amptelike Unesco-bladsy