Vicedomino de Vicedominis

in Wikipedia, die vrye ensiklopedie

Vicedomino de Vicedominis is gebore tussen 1210 en 1215 in Piacenza, Italië. Aan sy moeder se kant was hy 'n neef van Pous Gregorius X. Hy word ook aangegee as Guillelmus Vicedominus de Vicedominis en ook as Guglielmo Visconti.[1] Laas genoemde is blykbaar foutief.[2]

Hy was getroud en het twee kinders gehad. Na die dood van sy vrou, word hy geestelike. In 1241 was hy provoos van Barjols en kanunnik van die katedraal van Clermont. In 1243 was hy gelyktydig ambassadeur van die graaf van die Provence in Genua en Avignon en kanunnik van die katedraal van Narbonne. In 1251 word hy provoos van Béziers.

Op 22 Julie 1257 word hy aartsbiskop van Aix. Op 3 Junie 1273 word hy tot kardinaal van Palestrina bevorder deur sy oom Pous Gregorius X. In Julie 1275 word hy deken van die kollege van kardinale. Hy neem deel aan die eerste konklaaf van 1276 waartydens Pous Innocentius V verkies is en aan die tweede konklaaf van 1276 waartydens Pous Adrianus V verkies is. Tydens die derde konklaaf van 1276, word hy op 5 September tot pous verkies en kies die naam Gregorius XI. Hy sterf egter vroeg die volgende more op 6 September 1276 sonder dat sy verkiesing ooit aangekondig is. Hy word dus glad nie as pous getel nie en die konklaaf verkies vervolgens Pous Johannes XXI.

Verwysings[wysig | wysig bron]

  1. Vatican History (in Duits) http://www.vaticanhistory.de/vh/html/johannes_xxi_.html Geargiveer 25 Mei 2006 op Wayback Machine besoek op 16 Februarie 2009
  2. Albanès, Joseph Mathias Hyacinthe ; Chevalier, Ulysse. Gallia christiana novissima. Histoire des archevêchés, évêques et abbayes de France. 7 vols. 1895–1920, III.

Nota[wysig | wysig bron]

Saamgestel en vertaal uit die Engelse wikipedia en aangevul uit ander bronne soos aangedui.