Gaan na inhoud

Warren Buffett

in Wikipedia, die vrye ensiklopedie
Warren Buffett
Buffett in 2011
Warren Buffett in 2005
Gebore
Warren Edward Buffett

30 Augustus 1930 (1930-08-30) (96 jaar oud)
Omaha, Nebraska
NasionaliteitVlag van Verenigde State van Amerika Verenigde State
BeroepVoorsitter en hoof uitvoerende beampte van Berkshire Hathaway
EggenootSusan Buffett (1952–2004; haar dood)
Astrid Menks (2006–hede)[1]
KindersSusan Alice Buffett
Howard Graham Buffett
Peter Andrew Buffett
Ouer(s)Leila (née Stahl) en Howard Buffett
Handtekening

Warren Edward Buffett (gebore 30 Augustus 1930, Omaha, Nebraska) is 'n Amerikaanse belegger en filantroop wat die voorsitter en uitvoerende hoof van die konglomeraat Berkshire Hathaway is. As gevolg van sy sukses is Buffett een van die bekendste beleggers in Amerika. Volgens Forbes het Buffett se geraamde netto waarde teen Mei 2025 op US$160,2 miljard gestaan, wat hom die vyfde rykste individu ter wêreld maak.[2]

Van 1970 was Buffett die voorsitter en grootste aandeelhouer van Berkshire Hathaway, een van Amerika se voorste houermaatskappye en die wêreld se toonaangewende korporatiewe konglomerate. Hy word deur globale media die "Orakel" of "Wisge" van Omaha genoem as gevolg van die enorme fortuin wat hy opgebou het uit sy sukses in sake en belegging.[3][4] Buffett hou by die beginsels van waardebelegging en spaarsamigheid ten spyte van sy rykdom.[5] Buffett het belowe om 99 persent[6] van sy fortuin aan filantropiese oorsake weg te gee, hoofsaaklik via die Gates-stigting. Hy het die Giving Pledge in 2010 saam met Bill Gates gestig, waardeur miljardêrs belowe om ten minste die helfte van hul fortuin weg te gee.[7] By Berkshire Hathaway se beleggerskonferensie op 3 Mei 2025 het Buffett versoek dat die direksie Greg Abel aanstel om hom teen die einde van die jaar as die maatskappy se hoof uitvoerende beampte op te volg, terwyl hy voorsitter bly.[8]

Lewensloop

[wysig | wysig bron]

Buffett is die tweede kind van Howard Buffett, 'n verkose lid tot die Amerikaanse Huis van Verteenwoordigers. Hy wou op sy ondernemings fokus, maar skryf onder druk van sy pa by die Universiteit van Pennsilvanië in. Hy voltooi egter sy B.Sc. op 19 aan die Universiteit van Nebraska. Daarna het hy aan die Columbia-universiteit studeer. Die Harvard-sakeskool wou hom nie aanvaar nie en hy het gehoor dat professor Benjamin Graham daar doseer. Ná sy studie het Buffett vir 'n kort tyd in Graham se beleggingsmaatskappy gewerk, voordat hy teruggegaan het na Nebraska en sy eie beleggersmaatskappy gestig het.

Van kindsbeen af aan was hy besig met beleggings en om geld te verdien. Hy het sy eerste aandele gekoop toe hy 11 was, en op 14 het hy grond gekoop met geld wat hy as koerantjoggie verdien het. Een van sy eerste groot beleggings was in American Express. Hierna het hy beleggings gemaak in Berkshire Hathaway. Dit was toe 'n tekstielbesigheid. Toe Buffett beheer gekry het oor die besigheid het hy die tekstiel afdeling afgeskaf, en die maatskappy omgeskakel na 'n beleggingsmaatskappy.

Buffett doen beleggings in bedrywe met langtermyn groeipotensiaal, maar ook in groter maatskappye soos Coca-Cola (waarvan hy de grootste individuele aandeelhouer is) en Gillette. Hy vermy hoë-tegnologie besighede en is sodoende nie geraak tydens die ineenstorting van die internetaandele in 2000 nie.

Die sakevennoot van Buffett was die superbelegger Charlie Munger. Buffett is 'n uitgesproke teenstander van buitensporige beloninge deur groot besighede. Vanuit hierdie oortuiging betaal Berkshire Hathaway hul eie bestuur nie groot bonusse nie.

Op 26 Junie 2006 het Buffett bekend gemaak dat hy $37 miljard gaan skenk aan liefdadigheidsorganisasies, waaronder die Bill and Melinda Gates Foundation van Bill Gates.

Op 5 Maart 2008 het Forbes bekend gemaak dat Bill Gates nie langer die rykste persoon op aarde is nie, maar dat hy ingehaal is deur Buffett. In September 2008 het dieselfde tydskrif weer bekendgemaak dat Buffett weer deur Gates ingehaal is.

Verwysings

[wysig | wysig bron]
  1. ↑ Bailey, Jeff; Dash, Eric (1 September 2006). "How Does Warren Buffett Get Married? Frugally, It Turns Out". The New York Times (in Engels). Geargiveer vanaf die oorspronklike op 20 Desember 2019. Besoek op 20 Mei 2008.
  2. ↑ "Warren Buffett". Forbes. Besoek op 17 Februarie 2025.
  3. ↑ Markels, Alex (29 Julie 2007). "How to Make Money the Buffett Way". U.S. News & World Report. Geargiveer vanaf die oorspronklike op 22 Oktober 2013.
  4. ↑ Sullivan, Aline (20 Desember 1997). "Buffett, the Sage of Omaha, Makes Value Strategy Seem Simple: Secrets of a High Plains Investor". International Herald Tribune. Geargiveer vanaf die oorspronklike op 7 Maart 2016. Besoek op 20 Februarie 2017.
  5. ↑ Gogoi, Pallavi (8 Mei 2007). "What Warren Buffett might buy". NBC News. Geargiveer vanaf die oorspronklike op 20 Maart 2013. Besoek op 9 Mei 2007.
  6. ↑ Buffett, Warren (16 Junie 2010). "My philanthropic pledge". CNN. Geargiveer vanaf die oorspronklike op 20 September 2020. Besoek op 3 Augustus 2020.
  7. ↑ "US billionaires pledge 50% of their wealth to charity". BBC. 4 Augustus 2010. Geargiveer vanaf die oorspronklike op 30 Augustus 2010. Besoek op 6 September 2010.
  8. ↑ "Warren Buffett shocks shareholders by announcing his intention to retire at the end of the year". AP News (in Engels). 3 Mei 2025. Besoek op 9 Mei 2025.

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Warren_Buffett&oldid=2856504"