Waterstoftelluried

Eienskappe

Algemeen
Naam	Waterstoftelluried
Struktuurformule van
Chemiese formule	H2Te
Molêre massa	129,616 [g/mol]
CAS-nommer	7783-09-7
Reuk	Baie onwelriekend
Fasegedrag
Smeltpunt	-49 °C
Kookpunt	-2 °C
Digtheid
Oplosbaarheid	0,701 g/100 ml (@20 °C)
ΔfHɵ	+99,7(0,8) kJ/mol
Suur-basis eienskappe
pKa	1ste: 2,63, 2,64; 2de: 11 11,8
Veiligheid
Flitspunt
Tensy anders vermeld is alle data vir standaardtemperatuur en -druk toestande.
Portaal Chemie

Waterstoftelluried is 'n verbinding van waterstof en telluur in sy -2 oksidasietoestand en formule H₂Te. Die soute word telluriede genoem.

Dit is 'n toksiese, brandbare en baie onwelriekende gas wat oplosbaar is in water. Dit is 'n suur wat amper so sterk soos fosforsuur is.

Die vorming van die verbinding is endotermies en dit kan nie uit die elemente gevorm word nie. Gewoonlik word dit deur hidrolise van 'n metaaltelluried soos Na₂Te of Al₂Te₃ vervaardig. Natriumtelluried kan vervaardig word deur telluur in watervrye vloeibare ammoniak op te los en te laat reageer met natrium.

H₂Te los in water, alkohol en basisse op, maar die gas is in lug nie stabiel nie en ontbind vinnig deur oksidasie in telluur en water.

$2H_{2}Te(g)+O_{2}(g)\rightarrow 2Te(s)+2H_{2}O(l)$

Reagens

Waterstoftelluried word in die organiese chemie as reduserende reagens gebruik. Dit reduseer α,β-onversadigde karbonielverbindings tot ketone teen milde temperature. Teen hoër temperature, na langer reaksietye of met 'n oormaat H₂Te word die alkohole gevorm. Aromatiese nitro-verbindings word tot anilines gereduseer. Hierdie reaksie is doeltreffender wanneer dit in THF uitgevoer word. NaHTe is nie as vastestof geïsoleer nie, maar dit vorm in oplossing. Dit hidrogeneer olefiene.