Wikipedia:Transklusie

in Wikipedia, die vrye ensiklopedie
Hierdie artikel of onderafdeling van die artikel is onder ontwikkeling.
As u wil bydra tot die ontwikkeling daarvan, spring gerus in, maar moet dit asseblief nie uitvee nie.
Software Development

Transklusie is die insluit of inklusie van die inhoud van een dokument binne ʼn ander dokument deur verwysing. By Wikipedia-transklusie sal die MediaWiki-sagteware na die inhoud van een bladsy, die sjabloon, verwys vir insluiting in die inhoud van enige ander bladsy in, die teikenbladsy. Soortgelyk aan die manier waarop enige bladsynaam ʼn skakel kan word deur die naam binne dubbele vierkanthakies te plaas, kan enige bladsynaam ʼn sjabloon word deur die naam binne dubbele krulhakies te plaas, {{Naamruimte:Bladsynaam}}. Wysigings wat dan op die sjabloon gemaak word sal outomaties op alle bladsye aangebring word waarin daardie sjabloon getranskludeer is (hoewel ‘n skrap soms nodig kan wees.)

Indien die sjabloon se bladsynaam nie met ʼn naamruimte begin nie, word aangeneem dat dit in die sjabloonnaamruimte lê. Om na ʼn bladsy in die "Hoof" (artikel) naamruimte te verwys moet ʼn dubblepunt (:) vooraan geplaas word. Voorbeelde:

Beheer kan uitgeoefen word oor wat vanaf ʼn bladsy getranskludeer word deur die merkers <noinclude>, <onlyinclude> en <includeonly> in die bronblad se wikiteks te plaas. (Sien markeertaal, hieronder.) Die merkers bemagtig die sjabloon om gedeeltelik te transkludeer, anders sal die dubbele krulhakies al die inhoud deurentyd transkludeer. Vir selektiewe transklusie word die <includeonly>-gedeeltes van die sjabloon name gegee (met die hulp van ontlederfunksies) en dan geroep met die parameter transcludesection=naam.

Transklusiegebeurtenisse geskied elke keer as die bladsy laai, wanneer die sjabloon verbeeld word. Nog ʼn gebruik van hierdie meganisme is ʼn eenmalige plaasvervanging van die sjabloonoproep self met sy getranskludeerde bronblad. ʼn Sjabloonoproep {{volledige bladsynaam}} met die "subst:" voorvoegsel {{subst:volledige bladsynaam}} word eenmaal getranskludeer en nie weer nie, aangesien die wikiteks van daardie oproep vervang word as die bladsy gestoor word. Wat ʼn eenmalige sjabloonoproep was, word ten tyde van die sjabloon se oproep sy werklike wikiteks.

Hoe transklusie werk[wysig bron]

Om enige bronbladsy (binne ʼn enkele Mediawiki-projek soos af:Wikipedia) te transkludeer moet die volgende kode in die teikenbladsy geplaas word:

{{BRONBLADSY}}

Wanneer ook al die teikenbladsy A met die kode verbeeld word, sal die enjin nie die kode in daardie plek insluit nie, maar die volledige inhoud van die bronbladsy B (BRONBLADSY).

Byvoorbeeld, jy kan dalk besluit om ʼn verwelkomingsboodskap in elke nuwe bydraer se besprekingsblad te plaas.

Transklusie skep ʼn direkte "lewendige" skakel tussen die sjabloonblad en die teikenblad of –blaaie waarin die boodskap moet verskyn. Wanneer die sjabloon geredigeer word, word al die teikenblaaie ook geredigeer. Byvoorbeeld, jy skep ʼn sjabloonblad in Wikipedia wat jou woonadres weergee en sluit die sjabloon nie net in jou bladsy in nie, maar ook in al jou vriende se bladsye. Later, na jy na ʼn nuwe adres verhuis het, werk jy jou adressjabloon by, waarna die "nuwe" adres outomaties in al jou vriende se bladsy sal verskyn.


Daar is ook meer voorbeelde te sien by mw:Transclusion.

Basiese sintaksis[wysig bron]

Die basiese sintaksis vir transklusie in Wikipedia is {{Naamruimte:Bladsynaam}}, waar Naamruimte:Bladsynaam die titel van die Wikipedia-blad omskryf.

In Wikipedia besit nie-artikelblaaie titels met ʼn sigbare naamruimte en bladsynaam: byvoorbeeld, die bladsy Wikipedia:Styl het Wikipedia as naamruimte en Styl as bladsynaam. Ensiklopediese artikels het slegs ʼn sigbare bladsynaam in die titels: byvoorbeeld, die artikel Aartappel het Aartappel as bladsynaam; die naamruimte, genoem Hoofnaamruimte, is nie sigbaar nie.

  • Met die wikiteks {{Naamruimte:Bladsynaam}} in ʼn bladsy, sal die bladsy genaamd Naamruimte: Bladsynaam in getranskludeer word. Byvoorbeeld, indien ʼn bladsy die wiki-markeertaal {{Wikipedia:Ensiklopediese relevansie}} in het, sal dit die bladsy Wikipedia:Ensiklopediese relevansie in transkludeer. Neem kennis: {{WP:Ensiklopediese relevansie}} sal presies dieselfde handeling uitvoer aangesien WP: ʼn naamruimte-alias is, wat outomaties vertaal word deur die Wikipedia-bedieners na Wikipedia:.
  • Indien die naamruimte weggelaat word maar die dubbelpunt steeds ingesluit is, soos {{:Bladsynaam}}, sal die ensiklopediese artikel Bladsynaam getranskludeer word. Byvoorbeeld, {{:Ensiklopediese relevansie}} sal die artikel Ensiklopediese relevansie transkludeer.
  • Indien beide die naamruimte en dubbelpunt weggelaat word, soos {{Bladsynaam}}, sal Sjabloon:Bladsynaam getranskludeer word. Byvoorbeeld, {{Ensiklopediese relevansie}}, en {{Sjabloon:Ensiklopediese relevansie}}, sal beide Sjabloon:Ensiklopediese relevansie transkludeer.

Dus, in samevatting, sal ʼn voorbeeldblad met die wikiteks {{Bladsynaam}} of {{Sjabloon:Bladsynaam}} in, Sjabloon:Bladsynaam binne daardie voorbeeldblad in transkludeer. {{:Bladsynaam}} gaan egter anders reageer: dit sal die Wikipedia-ensiklopediese artikel Bladsynaam transkludeer. Verder sal {{Naamruimte:Bladsynaam}} die bladsy Naamruimte:Bladsynaam transkludeer vir bladsye met titels in daardie formaat.

Sjabloontransklusie[wysig bron]

Vir 'n snelgids tot sjablone sien Hulp:'n Snelgids tot sjablone

Die mees algemene toepassing van transklusie is die transklusie van sjablone. Sjablone is bladsye wat geskryf is met die uitsluitlike doel om in ander bladsye ingesluit te word, deur transklusie of plaasvervanging. Soos hierbo aangedui is die gewone sintaksis vir die transklusie van ʼn sjabloon met die naam Sjabloon:Bladsynaam as volg: {{Bladsynaam}}. Sekere sjablone kan egter ook parameters aanvaar. Parameters is waardes (ook bekend as argumente) wat aan sekere sjablone gegee kan word sodat hulle verskillend kan reageer. Sjablone kan of geen parameters gebruik nie, vasgestelde aantal parameters of ʼn variërende aantal parameters. ʼn Sjabloon kan dus een of meer parameters gebruik.

Die presiese sintaksis vir parametergebruik kan in ʼn hoë mate verskil, afhangende van die sjabloon in gebruik. Vir ʼn voorbeeldsjabloon genaamd Sjabloon:Bladsynaam, wat toevallig drie parameters aanvaar, sal die algemene sintaksis as volg wees:

{{Bladsynaam|parameter1|parameter2|parameter3}}

waar elke parameter in die praktyk vervang sal word met ʼn werklike waarde, of ʼn parameternaam=waarde. Let op dat elke parameter geskei word met ʼn regopstafie. Parameters in die vorm van waarde word naamlose of posisionele parameters genoem. Parameters in die vorm van naam=waarde word benoemde parameters genoem. By naamlose parameters is die eerste, tweede, derde, ens. Parameters gelykstaande aan parameters ‘1’, ‘2’, ‘3’ ens. volgens Sjabloondokuemntasie. Naamlose parameters moet in die regte volgorde geplaas word en voor enige benoemde parameters. ʼn Voorbeeld van die sintaksis kan gesien word by die gebruik van Sjabloon:Koördinate:

{{Koördinate|43|03|N|87|57|W|aansig=inlyn,titel}}

In hierdie geval word sewe parameters gebruik hoewel ʼn wisselende aantal parameters gebruik kan word. 43|03|N|87|57|W is die waardes van die naamlose parameters '1' tot '8'; en inlyn,titel is die waarde van die benoemde parameter aansig.

Vir meer inligting, sien Hulp:Sjabloon, en ander naamruimteverwante sjablone (gewoonlik vir nie-artikelblaaie); daar is ook ʼn soekfunksie.

Plaasvervanging[wysig bron]

Sjabloonvervanging maak van ʼn gelyksoortige krulhakiesintaksis gebruik en die uitvoering stem ooreen met die van transklusie. Byvoorbeeld, {{subst:Hou van}} sal Sjabloon:Hou van vervang. Die transklusie geskied egter net eenmaal, wanneer jy ʼn bladsy met die wkitext in stoor, vervang dit die wikiteks {{subst:Hou van}} met die werklike wikiteks van Sjabloon:Hou van. Die groot verskil is dat indien ʼn bywerking tot Sjabloon:Hou van dit nie enige bladsy sal bywerk waar {{subst:Hou van}} al reeds gestoor is nie.

Toorwoorde[wysig bron]

Sekere toorwoorde besit ʼn ooreenstemmende dubbele krulhakiesintaksis, en volg ook ʼn ooreenstemmende aksie uit as transklusie. Byvoorbeeld, {{FULLPAGENAME}} verbeeld die Volle bladsynaam van enige Wikipedia-blad. Sommige toorwoorde aanvaar ook parameters, wat met ʼn dubbelpunt (:) geskei word; byvoorbeeld, {{FULLPAGENAME:waarde}}. Dit is egter nie voorbeelde van transklusie nie.

Sjablone bestaan vir sekere toorwoorde, maar dit roep slegs die verwante toorwoord op indien parameters aangegee word met ʼn pypkarakter (|); byvoorbeeld {{FULLPAGENAME|waarde}}. Toorwoorde se parameters moet egter eerder direk aangegee word deur ʼn dubbelpunt vir beste effektiwiteit, byvoorbeeld {{FULLPAGENAME:value}}, wat alle sjablone systap.

Toepassings van transklusie[wysig bron]

Die mees algemene toepassing van transklusie is in die gebruik van sjablone. Ander bladsye word egter ook soms getranskludeer, hoofsaaklik binne die projekruimte.

Saamgestelde blaaie[wysig bron]

Saamgestelde blaaie bestaan, in geheel of gedeeltelik, uit getranskludeerde samestellende blaaie. Die wikiteks van so ʼn bladsy kan gedeeltelik of in geheel uit merkers bestaan, vir die insluiting van samestellende blaaie. Die samestellende blaaie is normaalweg nie binne die sjabloonnaamruimte nie en meestal volledige bladsye in eie reg. Saamgestelde blaaie se doel is om die samestellende blaaie in een plek bymekaar te bring.

Voorbeelde van saamgestelde blaaie:

Dit verskaf ʼn keuse tussen die saam of aparte besigtiging van die samestellende blaaie. Dit is gerieflik om na ʼn samestellende bladsy te kyk indien daar heelwat klein, verwante samestellende blaaie is, deurdat dit ʼn oorsig van al die onderdele moontlik maak sonder die moeite om die talle skakels individueel te volg.

Oor die algemeen word die saamgestelde bladsy en elke samestellende bladsy apart bewerk. Hoewel die teenswoordige veranderinge in die samestellende blaaie getranskludeer sal word na die saamgestelde blad, sal die wysigingsgeskiedenis, onlangse wysigings, bladvolgverstellings, bladbeskerming, TOC, "wat skakel hierheen"-skakels en ander kenmerke van die saamgestelde blad nie die geskiedenis, bladvolgverstellings, beskermingsvlakke en “wat skakel hierheen”-lyste van die samestellende blaaie wys of beïnvloed nie. Die samestellende blad is ʼn bladsy in eie reg. Die besprekingsblad van ʼn saamgestelde blad word gebruik om die samestelling en die bladsy oor die algemeen te bespreek en nie die samestellende blaaie nie; hoewel dit ook as ʼn samestelling van die besprekingsblaaie van die samestellende blaaie kan dien.

Die wysiging van ʼn afdeling in ʼn samestellende blad kan regstreeks van die saamgestelde blad af gedoen word, sien Wysig afdelings van ingeslote sjablone. Na dit gestoor is, is die eindresultaat dat die samestellende blad waaraan die afdeling behoort, gewysig is.

By bladsye met die intertaalkenmerk wys die saamgestelde blad die gekombineerde intertaalskakels van al die samestellende blaaie, dus moontlik veelvuldige skakels vir een taal of selfs een bladsy.


Bladsye met ʼn gemeenskaplike afdeling[wysig bron]

Indien twee bladsye dieselfde materiaal op dieselfde wyse moet bespreek, kan hulle ʼn afdeling deel. Dit behels die skep van ʼn derde bladsy en die transklusie van daardie bladsy na beide blaaie. Die derde bladsy kan ʼn bladsy in eie reg wees, ʼn subblad of nie een van die twee nie, en indien die eerste geval, kan dit in dieselfde naamruimte geplaas word as die ander bladsye, of in die sjabloonnaamruimte. Sulke gemeenskaplike afdelings behoort gemerk te word met ʼn verduidelikende opskrif, en/of ʼn spesiale uitleg moet gegee word om die leser in te lig dat die gedeelte op die bladsy op ʼn ander plek lê, aangesien die transkludering van gedeelde artikelafdelings nuwe en gesoute bydraers maklik kan verwar as dit ongemerk gelaat word.

Dit kan baie nuttig wees indien twee dubbelsinnigheidsblaaie inhoud deel, of ʼn lys en dubbelsinnigheidsblad inhoud deel. (sien derde voorbeeld hieronder).

Voorbeelde:

Herhaling binne ʼn bladsy[wysig bron]

In bladsye met heelwat herhalende inligting — gewoonlik verskeie soorte lyste — is dit soms nuttig om ʼn sjabloon te skep wat die herhalende teks bevat, en dan die sjabloon meerdere kere te roep. Byvoorbeeld, Sjabloon:Wentelkas word herhaaldelik gebruik om tabelle saam te stel in verskeie artikels.

Eenvoudige herhaling van dieselfde teks kan hanteer word deur die herhaling van ʼn parameter in ʼn enkele sjabloon: bv., {{3x}}, waar {{3x| Dagsê!}} die kode Sjabloon:3x lewer.

Vir nog inligting oor herhaling, sien m:Help:Recursive conversion of wikitext.

Vir nog inligting oor die huidige sjabloonstelsel, sien Wikipedia:Sjabloonnaamruimte.

Gedeeltelike transklusie[wysig bron]

Deur die gebruik van die markeertaal <noinclude>, <onlyinclude> en <includeonly> is dit moontlik om ʼn gedeelte van ʼn bladsy te transkludeer eerder as die hele bladsy. Die soort gedeeltelike transklusies kan gedoen word vanaf enige soort bronbladsy, insluitende subblaaie. Dit is meestal nuttig om gedeeltes van ʼn bladsy by transklusie uit te sluit, ʼn goeie voorbeeld is sjabloondokumentasie.

ʼn Voorbeeld hiervan kan gevind word by die transklusie van ʼn gedeelte van die Engelse artikel en:HitRecord (slegs inleidende paragraaf) binne in ʼn gelyknamige opsommende gedeelte in van Joseph Gordon-Levitt.

Markeertaal[wysig bron]

Met transklusie word ʼn bronblad binne in ʼn teikenblad in getranskludeer. Met gedeeltelike transklusie word slegs ʼn gedeelte van daardie bronblad in die teikenblad in getranskludeer. Maar ook, wat getranskludeer word na ʼn teikenblad hoef nie noodwendig sigbaar te wees op die bronblad nie.

Bladverbeelding van ʼn bronblad kan gedefinieer word as die verbeeld van daardie bronblad wanneer dit gestoor word, wat dieselfde sal wees as die voorskou. Dit kan genoem word verbeelding na hier.

Transklusieverbeelding van ʼn bronblad kan gedefinieer word as die verbeeld van ʼn teikenblad wat ʼn getranskludeerde bronblad in het; maar slegs die gedeelte van die teikenblad wat getranskludeer is uit die bronblad. Die voorskou van die transklusieverbeelde blad sal identies wees. Dit kan verbeelding na daar genoem word.

Daar is drie pare merkers betrokke vir gevalle waar bladverbeelding na hier behoort te verskil van transklusieverbeelding na daar. Soos vroeër al genoem is dit <noinclude>, <includeonly> en <onlyinclude>. Die merkers is onsigbaar maar beïnvloed beide bladverbeelding na hier en transklusieverbeelding na daar. Hierdie merkers werk in pare om gedeeltes af te baken wat verskille teweeg sal bring. Elke merker sal uitsonderings tot die transkludering van die hele benoemde bladsy aandui.

<noinclude>  Die gedeelte is hier sigbaar; maar die gedeelte is nie daar sigbaar nie. Gedeeltes buite hierdie merkers sal beide hier en daar sigbaar wees. </noinclude>

<onlyinclude> Die gedeelte is hier sigbaar; die gedeelte is ook daar sigbaar. Gedeeltes buite hierde merkers sal hier sigbaar wees maar nie daar nie. </onlyinclude> 

<includeonly> Die gedeelte is nie hier sigbaar nie; maar sal daar sigbaar wees.  Gedeeltes buite hierdie merkers sal beide hier en daar sigbaar wees. </includeonly>
Wikitext Wat hier verbeeld is (bronblad) Wat na daar getranskludeer is (teikenblad)
<noinclude> teks1 </noinclude> teks2 teks1 teks2 teks2
<onlyinclude> teks1 </onlyinclude> teks2 teks1 teks2 teks1
<includeonly> teks1 </includeonly> teks2 teks2 teks1 teks2

ʼn Belangrike punt om van kennis te neem is dat <noinclude> en <onlyinclude> glad nie ʼn invloed het op wat hier bladverbeeld word nie, anders as <includeonly>. Die <noinclude>-merkers stop teks om getranskludeer te word na daar, terwyl <onlyinclude> die teenoorgestelde uitwerking het: dit stop teks buite die merkers om na daar getranskludeer te word.

Net <includeonly> stop teks om hier bladverbeeld te word, maar uit die aard van die saak na daar getranskludeer te word. Teks buite hierdie merkers word beide hier verbeeld en na daar getranskludeer.

Daar kan verskeie sulke gedeeltes wees wat ook ge-nes kan word. Al die moontlike verskille tussen hier en daar kan verkry word. Een voorbeeld is ʼn redigeerder wat ʼn <onlyinclude> gedeelte kies en dan ʼn <noinclude> gedeelte daaruiit neem; maar dan nog ʼn ander <onlyinclude> gedeelte uitkies om aan daar by te voeg; maar nie een hiervan beïnvloed hul artikel in enige vorm nie.

Die ander voorbeeld is die sjabloonprogrammeerder, wat die kodegedeelte met <includeonly> afkamp en die dokumentasiegedeelte van ʼn blad met <noinclude> .

ʼn Voorbeeld van foutiewe gebruik is om op ʼn gebruikersblad <includeonly> te gebruik om ʼn gedeelte as "kommentaar uit te skakel". Hoewel dit gedeeltes hier as kommentaar sal uitskakel kan sulke geheim-ink problematies wees; indien dit getranskludeer word sal die kommentaar onthul word. Gebruik eerder <!-- en -->.

Selektiewe transklusie[wysig bron]

Selektiewe transklusie is die proses waarby een gekose gedeelte van ʼn dokument met meer as een transkludeerbare deel, gedeeltelik getranskludeer word. Soos hierbo genoem, as een gedeelte van ʼn dokument getranskludeer moet word kan dit gedoen word deur die spesifieke gedeelte eenvoudig met <onlyinclude> … </onlyinclude>-merkers te omsluit, en dan die hele bladsy te transkludeer. Om egter selektief een gedeelte van 'n sjabloon of dokument in een bladsy in te transkludeer, en ʼn ander gedeelte van dieselfde sjabloon of dokument in ʼn ander bladsy in te transkludeer, is ʼn manier nodig om:

a) elke transkludeerbare gedeelte in die brondokument te merk; en
b) in die teikendokument(e) (die wat die getranskludeerde gedeelte moet vertoon) ʼn metode te vind om te spesifiseer watter gedeeltes getranskludeer moet word.

Hierdie afdeling verduidelik hoe om dit te bewerkstellig. Daar is twee maniere: (a) Geëtiketteerde transklusie of (b) die meer ingewikkelde metode (benodig nie die uitbreiding vir transklusie van geëtiketteerde gedeeltes nie).

Gebruik van die metode van ʼn geëtiketteerde gedeelte[wysig bron]

Selektiewe transklusie van ʼn geëtiketteerde gedeelte gebruik mw:Extension:Labeled Section Transclusion wat op alle Wikimedia-wiki’s geaktiveer is. Sien Hulp:Transklusie van ʼn Geëtiketteerde gedeelte vir hoe dit werk. Die volgende onderafdelings handel oor ʼn meer ingewikkelde manier om selektiewe transklusie te bewerkstellig sonder om van die uitbreiding gebruik te maak.

Sonder gebruik van die metode van ʼn geëtiketteerde gedeelte[wysig bron]

Markeertaal op brondokument[wysig bron]

Voeg die volgende reël in die "bron"-dokument (die een van waar af die teks getranskludeer moet word) in, direk voor die eerste reël van elke gedeelte wat getranskludeer moet word, en vervang AFDELINGNAAM (tweemaal) met die unieke naam van die besondere gedeelte. Die gedeelte se naam kan enige identifiseerder wees en moet uniek binne daardie dokument wees:

<onlyinclude>{{#ifeq:{{{transcludesection| AFDELINGNAAM}}}| AFDELINGNAAM|

Sluit elke transkludeerbare gedeelte af met:

}}</onlyinclude>
Markeertaal op teikendokument[wysig bron]

Om ʼn gedeelte, soos hierbo gemerk, te transkludeer in ʼn ander bladsy (die "teikenblad") in, gebruik die volgende reël op daardie bladsy, vervang BLADSYNAAM met die naam van die "bron"-dokument van waar af die teks getranskludeer moet word, en AFDELINGNAAM met die naam van die gedeelte wat jy wil transkludeer:

{{ BLADSYNAAM transcludesection= AFDELINGNAAM}}

Dus sal elke gedeelte wat omsluit word in <onlyinclude> … </onlyinclude> -merkers altyd verbeeld word as die transcludesection-parameter nie ingestel is nie (as die dokument gewoonweg besigtig word, of as die dokument getranskludeer word sonder die instelling van die transcludesection-parameter soos hieronder aangetoon), en sal deur middel van transklusie verbeeld word op elke bladsy wat transcludesection tot die gedeelte se naam gestel het. Dit sal nie verbeeld word deur transklusie wat die transcludesection-parameter gebruik en dit instel op enigiets anders behalwe die gedeelte se naam nie.

Ook, indien BLADSYNAAM verskaf word sonder ʼn Naamruimte sal die wiki aanneem dat die BLADSYNAAM aan die Sjabloonnaamruimte behoort. Om vanaf ʼn Hoofnaamruimte-artikel te transkludeer, gebruik : BLADSYNAAM.

{{: BLADSYNAAM |transcludesection= AFDELINGNAAM }}
Voorbeeld[wysig bron]

Indien ons die "Beginsels"- en "Mensname"-afdelings van Wikipedia:Titelriglyne onafhanklik van mekaar transkludeerbaar wil maak, moet die Wikipedia:Titelriglyne-blad geredigeer word en die "Beginsels"-afdeling as volg omsluit word:

<onlyinclude>{{#ifeq:{{{transcludesection|beginsels}}}|beginsels|
...
''(teks van die "Beginsels"-afdeling)''
...
}}</onlyinclude>

Net so moet die "Mensname"-afdeling omsluit word met:

<onlyinclude>{{#ifeq:{{{transcludesection|mensname}}}|mensname|
...
''(teks van die "Mensname"-afdeling)''
...
}}</onlyinclude>

Om dan die "Beginsels"-afdeling in 'n ander bladsy in te transkludeer moet die volgende in daardie bladsy ingevoeg word:

{{Wikipedia:Titelriglyne|transcludesection=beginsels}}

Om die "Mensname"-afdeling te transkludeer kan dieselfde metode gevolg word::

{{Wikipedia:Titelriglyne|transcludesection=mensname}}

Dieselfde bladsy kan uit die aard van die saak 2 of meer gedeeltes volgens die metode transkludeer deur veelvoudige soortgelyke reëls in te voeg.

Daar is geen beperking op die aantal gedeeltes wat ʼn dokument kan hê vir selektiewe transklusie nie. Die enigste vereiste is dat elke transcludesection ʼn waarde gegee word wat uniek is binne daardie bladsy.

Subblaaie[wysig bron]

Vir die transkludeer van ʼn subblad is die gebruiklike sintaksis {{Naamruimte:bladsynaam/subbladnaam}}. Indien dit ʼn subblad is van die bladsy wat jy besig is om te redigeer, kan of bogenoemde sintaksis gebruik word of {{/subbladnaam}}. Vir ʼn ensiklopediese artikel sal dit {{:Bladsynaam/subbladnaam}} wees, hoewel subbladartikels gewoonlik versper is. Dit sal ook die gebruiklike sintaksis wees vir ʼn sjabloon, of {{ Bladsynaam / subbladnaam }} kan ook gebruik word. Byvoorbeeld, om Sjabloon:Hou van/doc te transkludeer kan jy of van {{Sjabloon:Hou van/doc}} of {{Hou van/doc}} gebruik maak. Subblaaie word net in sekere naamruimtes toegelaat, soos Gebruikers-, Besprekings- of Wikipedia-blaaie; tans kan daar nie subblaaie geskep word vir hoofartikelblaaie nie.

Subblaaie kan gebruik word vir ʼn oop besprekings op besprekingsblaaie. Byvoorbeeld: jy wil die skrap en herlei van die artikel Sweis met bloudraad na die artikel Bloudraadsweistegnieke bespreek in beide besprekingsblaaie. Skep eerstens die subblad Bespreking:Sweis met bloudraad/Verwyder Sweis met bloudraad!, skryf jou kommentaar daarin en transkludeer dit dan na Bespreking:Bloudraadsweistegnieke en Bespreking:Sweis met bloudraad met behulp van die sjabloon {{Bespreking:Sweis met bloudraad/Verwyder Sweis met bloudraad!}}. Kommentaar wat in die subblad geplaas word sal in beide besprekingsblaaie vertoon word. Om die wysiging op die subblad te vergemaklik kan dit van nut wees om {{kab}} vooraan die getranskludeerde bespreking in te voeg; byvoorbeeld die wikiteks {{kab|Bespreking:Sweis met bloudraad/Verwyder Sweis met bloudraad!}} sal Sjabloon:Kab lewer. Deur op hierdie manier te transkludeer sal daar nie ʼn vaste rekord van die bespreking bewaar word op die tydstip van enige argivering nie. Dus moet besprekings afgesluit word in ooreenstemming met die argivering daarvan.

ʼn Alternatief is om glad nie subblaaie te gebruik nie. Die bespreking kan volgens die normale metode op ʼn enkele besprekingsblad gesentraliseer word en dan na die ander besprekingsblad wys deur die {{Sien asseblief}}-sjabloon te vervang, volgens Wikipedia:Besprekingsbladriglyne. As voorbeeld kan ʼn bespreking plaasvind by Bespreking:Sweis met bloudraad/Verwyder Sweis met bloudraad!; die wikiteks {{subst:sien asseblief|Bespreking:Sweis met bloudraad#Verwyder Sweis met bloudraad!}} kan dan in die Bespreking:Bloudraadsweistegnieke-blad geplaas word. Wanneer die redigering gestoor word sal dit met die volgende teks vervang word:

==Bespreking by Sweis met bloudraad#Verwyder Sweis met bloudraad!==
[[Lêer:Farm-Fresh eye.png|15px|link=|alt=]] Jy word genooi om aan te sluit by die bespreking by [[Bespreking:Sweis met bloudraad#Verwyder Sweis met bloudraad!]]. Dankie. [[Gebruiker:Voorbeeld|Voorbeeld]] ([[Gebruikersbespreking:Voorbeeld|bespreek]]) 19:03, 20 Oktober 2014 (UTC){{z48}}<!--Sjabloon:Sien asseblief-->

Spesiale bladsye[wysig bron]

Sommige blaaie op Spesiaal:Spesiale bladsye kan getranskludeer word. Dit sluit in Spesiaal:Alle bladsye, Spesiaal:VoorvoegselIndeks, Spesiaal:Nuwe beelde, Spesiaal:Nuwe bladsye, Spesiaal:Onlangse wysigings en Spesiaal:OnlangseVeranderingsMetSkakels. Voorbeelde:

  • {{Spesiaal:Alle bladsye/Algemeen}} – ʼn lys bladsye wat begin by "Algemeen".
  • {{Spesiaal:VoorvoegselIndeks/Algemeen}} – ʼn lys bladsye met die voorvoegsel "Algemeen".
  • {{Spesiaal:Nuwe beelde/4}} – ʼn galery van die vier mees onlangs opgelaaide lêers.
  • {{Spesiaal:Nuwe beelde/5}} – ʼn lys van die vyf mees onlangs geskepte bladsye.
  • {{Spesiaal:Onlangse wysigings/5}} – die vyf mees onlangse wysigings.
  • {{Spesiaal:OnlangseVeranderingsMetSkakels/General}} – onlangse wysigings aan bladsye geskakel vanaf "Algemeen".

Behalwe vir Spesiaal:OnlangseVeranderingsMetSkakels kan die skuinsstreep en die woord of nommer na die skuinsstreep weggelaat word. Dit lewer dan ʼn lys bladsye sonder ʼn spesifieke beginpunt of ʼn lys van die verstek lengte.

URL-parameters kan net soos sjabloonparameters verskaf word:

  • {{Spesiaal:Onlangse wysigings|namespace=10|limit=5}} – die vyf mees onlangse wysigings in die "Sjabloon"-naamruimte.

Neem kennis: Die transkludering van sekere spesiale bladsye (soos Spesiaal:Nuwe bladsye) kan die getoonde titel van die bladsy verander.

Sien ook[wysig bron]

MediaWiki-transklusie[wysig bron]

Sjablone[wysig bron]

Ander[wysig bron]


Hierdie artikel is in sy geheel of gedeeltelik vanuit die Engelse Wikipedia vertaal.