Windows RT

in Wikipedia, die vrye ensiklopedie
Windows RT
Deel van die Microsoft Windows-familie
Ontwikkelaar
Microsoft Corporation
Vrystellings
Aanvanklike vrystelling 26 Oktober 2012
Huidige weergawe Windows RT 8.1 (17 Oktober 2013)
Platforms wat ondersteun word ARM
Ondersteuningstatus
Verdere leesstof

Microsoft Windows RT, waarna tydens die ontwikkelingsfase ook as Windows on ARM (kort: WOA) verwys is, is 'n weergawe van Microsoft se Windows 8-bedryfstelsel. Dit is vir mobiele toestelle soos tabletrekenaars ontwerp wat op die ARM-argitektuur baseer. Die sagteware, waarvan die finale weergawe op 1 Augustus 2012 vrygestel en vanaf 26 Oktober 2012 amptelik versprei is, uitsluitlik op nuwe toestelle beskikbaar en word nie as aparte sagteware aan verbruikers verkoop nie.

Windows RT toon baie ooreenkomste met Windows 8 aangesien albei bedryfstelsels op dieselfde bedryfstelselkern baseer en dus ook grotendeels gebruik maak van dieselfde bronkode. In teenstelling met Windows 8 kan verbruikers op Windows RT-toestelle uitsluitlik sagtewaretoepassings installeer wat spesifiek vir hierdie mobiele bedryfstelsel ontwerp of in Microsoft se Windows Store-aanlynwinkel afgelaai is.

Spesiale toepassings vir Windows RT sluit aangepaste weergawes van kantoorprogrammatuur in, waaronder Word, Excel, PowerPoint en Outlook, wat saam met die bedryfstelsel op nuwe toestelle versprei word. Die eerste tabletrekenaar, wat saam met Windows RT aangebied word, is Microsoft se Surface. Hierdie tabletrekenaar is met 'n Tegra-ARM-verwerker toegerus wat deur Nvidia vervaardig word. Daarenteen sal Microsoft se tweede tablet, Surface Pro, met 'n Intel-verwerker en die gewone weergawe van Windows 8 toegerus wees.