Zita Pretorius

Zita
Geboortenaam	Zita Pretorius
Gebore	7 Mei 1992 (31 jaar oud) ; Pretoria
Genres	Ligte Klassiek
Beroep(e)	Musikant
Jare aktief	2011 -
Webwerf	www.zita.co.za

Zita Pretorius (gebore 7 Mei 1992) is 'n Afrikaanse sangeres.

Pretorius is in 2010, op die ouderdom van 18, aangewys as die algehele wenner van die Opera-afdeling, asook die algehele kampioen by die World Championships of Performing Arts in Los Angeles, waaraan twee-en-vyftig lande deelgeneem het. Daarna het sy saam met Rudi Claase onder die verhoognaam Rudi en Zita begin opgetree. Hulle album Die Engele Sing is in 2011 uitgereik en het 26 000 eenhede verkoop. In Desember 2011 het die paartjie aangekondig dat hulle paaie skei om op hulle sololoopbane te fokus.

Zita is in 2012 deur Universal Music geteken. Haar soloalbum Skakerings van Dagbreek is in September 2012 uitgereik. Sy is benoem vir 'n Ghoema- en Tempo-toekenning (Nuweling van die Jaar). Later in 2012 is 'n projek aangepak deur Universal Musiek vir 'n CD met Corlea Botha, Zita en Marzanne de Beer. Die projek heet De La Creme en die CD se naam is Dolce Vita.

In Oktober 2014 is die duetalbum Burgerd + Zita uitgereik saam met Burgerd Botha (voormalige lid van die groep Romanz. Die album is vir 'n Tempo-toekenning benoem.