Amore Bekker

in Wikipedia, die vrye ensiklopedie

Hetta Amor “Amore” Bekker (gebore 11 Februarie 1965) is 'n Suid-Afrikaanse radiopersoonlikheid, skrywer en rubriekskrywer. Sy was die gasheer van Tjailatyd, 'n Afrikaanse radioprogram wat deur Radio Sonder Grense (RSG), die Afrikaanse radiodiens van die SAUK, uitgesaai is. As skrywer het Bekker haar eerste kookboek, Tjailaresepete, in Junie 2010 gepubliseer. Vanaf Julie 2010 skryf sy ook ’n rubriek vir die Afrikaanse vrouetydskrif Finesse.[1][2][3][4]

Amore Bekker

Vroeë lewe[wysig | wysig bron]

Bekker is in Burgersdorp gebore, die dogter van Iwan Carl Horak en Amor Hester Dreyer. As die middelste kind van drie het sy grootgeword in Durbanville, Wes-Kaap, 'n middelklas-woondorp van die groter Stad Kaapstad-metropolitaanse gebied. Bekker het die Laerskool Kenridge in Bellville, Wes-Kaap en Hoërskool Durbanville bygewoon voordat sy in 1986 'n Baccalaureusgraad in Drama aan die Potchefstroomse Universiteit vir Christelike Hoër Onderwys voltooi het.

Voordat sy haar eerste werk as radio-aanbieder geneem het, het sy vroeg in 1989 vir drie maande as skaapskeerder in die Suidland-dorpie Otautau, Nieu-Seeland, gewerk.[5][6][7][8]

Radio loopbaan[wysig | wysig bron]

In die tweede deel van 1989 het Amore as 'n DJ vir Algoa FM begin werk, en later aanbeweeg na Good Hope FM, 94.5 Kfm en Radio Rippel. Sy het in 2003 by die SAUK begin werk as die gasheer van die Saterdagoggend-ontbytprogram, Brêkfis met Bekker. Sy is later deur Derrick Gardner vervang en het die gasheer geword van Tjailatyd, 'n middagritprogram, waarna sy die aanbieder geword het van die Maandag-tot-Vrydagoggendprogram, Alhoebekker.

Kruie kraai koning[wysig | wysig bron]

Die frase speel op die ou Afrikaanse gesegde dat kruie die natuur se genesing is vir elke kwaal.

Antoinette Pienaar (bekende Afrikaanse aktrise en sanger) en oom Johannes Willemse ('n Griekwa-sjaman in sy laat negentigerjare) is gereeld op Bekker se middagritprogram,Tjailatyd, en beantwoord luisteraars se vrae op 'n weeklikse basis vanaf 'n ligging in die hartjie van die Groot Karoo.

Pienaar en Willemse is deur Bekker aan die groter Afrikaanse gemeenskap bekendgestel terwyl sy nog Brêkvis met Bekker aangebied het.

In Bekker se eie woorde: “Antoinette Pienaar het in die 1990’s in my lewe gekom. Haar Karoo-persoonlikheid het my geboei en ek het gevoel...die mense moet hierdie vrou hoor!"

Pienaar het groot lof in die Afrikaanse gemeenskap ontvang danksy die moeite van Bekker en RSG met hierdie program. Pienaar se boek, Kruidjie roer my / The Griqua's Apprentice, oor boererate uit die Griekwa- en Afrikanergemeenskappe is met die hulp van RSG gepubliseer.[9][10][11]

Tjaila Resepte (2010)[wysig | wysig bron]

Tjaila Resepte is Bekker se eerste boek, 'n samestelling van resepte wat deur luisteraars van haar middagritprogram ingebel is. Die boek sentreer rondom die tema van maklike moderne Afrikaanse kookkuns en ou familiegunstelinge. Dit begin met 'n afdeling oor poedings, "omdat die lewe onseker is" – 'n aanhaling wat sy van die skrywer Ernestine Ulmer geleen het. Volgens Bekker is haar nommer een doel in die lewe om soos 'n koninklike te eet en elke dag goeie geselskap te geniet. Die boek is opgedra aan haar oorlede lewensmaat dr. Robbie Nutt en is met die hulp van RSG gepubliseer.

Persoonlike lewe[wysig | wysig bron]

Rian van Heerden het in 2007 'n onderhoud met haar gevoer, waarin sy onthul het dat sy jare gelede in 'n verhouding met 'n Griekse sakeman betrokke was en dat sy amper na Griekeland geëmigreer het. Toe sy gevra is hoekom sy dit nie gedoen het nie, het sy gesê: "Omdat ek dit in my water gevoel het" – 'n kenmerkende frase wat Bekker gebruik wanneer sy geestelike sake of oortuigings bespreek. Die geestelike aspek van haar lewe kon ook waargeneem word in haar reaksie op dr. Robert (Robbie) Nutt se dood op 13 Desember 2009 (hy is op 30 September 1963 gebore), wat wyd in die Afrikaanse media bekend gemaak is. In Mei 2010 het Sarie 'n eksklusiewe onderhoud met haar gehad oor sy dood.

Sy studeer vir 'n graad in sielkunde aan die Universiteit van Suid-Afrika (UNISA) in haar vrye tyd.

Verwysings[wysig | wysig bron]

  1. ↑ "RSG Website" Geargiveer 5 Julie 2013 op Wayback Machine
  2. ↑ "Who's Who South Africa – Amore Bekker Profile". Whoswhosa.co.za. Geargiveer vanaf die oorspronklike op 12 Februarie 2011. Besoek op 26 November 2010.
  3. ↑ Volksblad, newspaper Article (8 November 2010).
  4. ↑ "Finesse magazine"
  5. ↑ Bekker, Amore; RSG (2010). Tjailaresepte. South Africa: Naledi Books. p. 149. ISBN 978-0-620-47289-0.
  6. ↑ In Lit.
  7. ↑ "Rapport – Sunday Newspaper Article". 152.111.1.87. 27 November 2005. Geargiveer vanaf die oorspronklike op 3 Julie 2011. Besoek op 26 November 2010.
  8. ↑ "DJ Profile (Bekker)". RSG. Besoek op 26 November 2010.
  9. ↑ "Film". Healing Power of Nature. 4 Mei 2008. Geargiveer vanaf die oorspronklike op 20 Oktober 2010. Besoek op 26 November 2010.
  10. ↑ Pienaar, Antoinette; Willemse (2008). Kruidjie Roer My. South Africa: Umuzi Books. p. 248. ISBN 978-1-4152-0059-9.
  11. ↑ Pienaar, Antoinette; Willemse (2009). The Griqua's Apprentice. South Africa: Umuzi Books. p. 243. ISBN 978-1-4152-0073-5.
Ontsluit van "https://af.wikipedia.org/w/index.php?title=Amore_Bekker&oldid=2672039"