Griekwas (stam)

Griekwas
Totale bevolking:	2 500 000+
Belangrike bevolkings  in:	Suid-Afrika, Namibië
Taal:	Afrikaans, Engels
Geloofsoortuiging:	Christene (Protestante)
Verwante etniese groepe:	Kleurlinge, Khoikhoi, Namas, Boesmans, Afrikaners.

Die Griekwas is 'n stam van gemengde afkoms, hoofsaaklik blank en Hottentot. Vroeg in die 19de eeu het hulle na die noordelike grens van die Kaapkolonie naby die Oranjerivier getrek. Onder eerwaarde J. Campbell en ander sendelinge het hul vesting, Klaarwater, Griekwastad geword. Die naam "Griekwas" word afgelei van 'n Hottentotstam wat naby Saldanhabaai gevestig was en wat in die 17de eeu as die Grigrikwas bekend was.

Die strewe na onafhanklikheid

Later het hulle die invloed van die sendelinge verwerp en hul onafhanklikheid onder die opvolgende leierskap van Adam Kok, sy seun, Cornelius en kleinseun, Adam Kok die Tweede, verkry.

Migrasie na Griekwaland-Oos

Die grootste deel van die stam het later na die huidige Vrystaat, naby Philippolis, getrek. In 1862 het hulle nog 'n keer getrek en baie ontberings oor die Drakensberge en deur Basoetoeland verduur. In Niemandsland, die huidige Griekwaland-Oos, het hulle 'n hoofstad by Kokstad gestig. Ten spyte van hulle Volksraad het hulle nie daarin geslaag om 'n doeltreffende gemeenskap daar te stel nie en boonop in oorloë met die omringende swart stamme betrokke geraak.

Griekwaland-Oos kom in 1878 onder Britse gesag en word in landdrosdistrikte ingedeel.

Taal

Anders as ander inheemse stamme, is die Griekwas se taal Afrikaans, verryk deur 'n aantal eie uitdrukkings.

Bronne

• Ensiklopedie van Suidelike Afrika, Eric Rosenthal, 1967

Eksterne skakels

• Die gedokumenteerde Griekwa geskiedenis (Engels)
• Children of the Mist - Die Griekwa geskiedenis in woord en beeld (Engels)
• History of the Rehoboth Basters and the Griqua in Maps and Pictures