Antwerpen (provinsie)

Ligging van die provinsie Antwerpen

Kalmthoutse Heide

Antwerpen (Nederlands: Antwerpen, Frans: Anvers, Duits: Antwerpen) is 'n Belgiese provinsie in Vlaandere. Die provinsie tel sowat 1 745 000 inwoners (2010), het 'n oppervlakte van 2 867 km² en 'n bevolkingsdigtheid van 609 inwoners per km². Die hoofstad is die gelyknamige stad Antwerpen.

Antwerpen lê in die noorde van België en grens aan die Nederlandse provinsies Noord-Brabant en (vir 'n stukkie) Zeeland. In die provinsie word Nederlands en variante van Brabants gepraat.

Antwerpen lê grotendeels in die Kempen. Deur die linker deel van die provinsie vloei die Skelde. Die hoogste punt is die Beerzelberg (55 m) in die munisipaliteit Putte.

Administratiewe arrondissemente

Antwerpen is in administratiewe opsig in drie arrondissemente verdeel:

• Arrondissement Antwerpen
• Arrondissement Mechelen
• Arrondissement Turnhout

Eksterne skakels

• (nl) Die amptelike webwerf van die provinsie Antwerpen
• Ligging: 51°13′N 4°25′O