Beestong

in Wikipedia, die vrye ensiklopedie
Spring na: navigasie, soek
Beestong met witsous
'n Tonggereg

Beestong is 'n dis of gereg wat gemaak word van die tong van 'n koei of enige ander bees. Beestong is baie hoog in vetpersentasie, byna 75% van sy kalorieë is afkomstig van vet. [1]

Voorbereiding[wysig]

'n Tong word dikwels gesout en met uie en ander speserye in 'n pot geplaas om te kook. Nadat dit gaar is, word die vel verwyder. 'n Gepekelde tong kan soms deur die kok gebruik word, want dit is reeds met geurmiddels behandel. As die tong in 'n sous gaargemaak word, kan die sous weer later gebruik word vir frikkadelle of enige ander gereg.

Nog 'n manier van voorbereiding van tong is om dit in kookwater te plaas (dit word grys van kleur) en dan die vel af te trek. Hierna word die tong in 'n oond gebak en met behulp van die pandrupsels kan dan 'n heerlike sous berei word.

Oor die wêreld heen[wysig]

Lande soos Kanada, spesifiek die provinsie Alberta, voer groot hoeveelhede beestong uit.

In België word beestong gewoonlik voorberei met sampioene in 'n Madeira-sous. In Pole, Duitsland en Oostenryk word dit bedien met peperwortelsous.

Beestong word ook genuttig in Noord-Amerika as 'n belangrike bestanddeel van die tongroosterbrood, 'n oop broodjie voorberei vir ontbyt, middagete of aandete en soms aangebied as 'n aptytwekker. Dit is ook ryk aan magnesium en natrium en kan bydra tot die herstel ná 'n hartaanval.

Die tonge van ander diere, veral varke en lammers, word ook geëet, en is soortgelyk aan beestong.

Verwysings[wysig]

Hierdie artikel is in sy geheel of gedeeltelik vanuit die Engelse Wikipedia vertaal.