Doegong
| Doegong Tydperk: Vroeë Eoseen tot onlangs |
||||||||||||||||
|---|---|---|---|---|---|---|---|---|---|---|---|---|---|---|---|---|
 |
||||||||||||||||
| Bewaringstatus | ||||||||||||||||
| Wetenskaplike klassifikasie | ||||||||||||||||
|
||||||||||||||||
| Binomiale naam | ||||||||||||||||
| Dugong dugon (Müller, 1776) |
||||||||||||||||
 Natuurlike verspreiding van D. dugon
|
Die doegong of doejong is 'n seesoogdier en die kleinste lid van die orde Sirenia (wat ook die lamantyn insluit). Die naam het sy oorsprong uit die Maleise duyung, wat "dame van die see" of "meermin" beteken. Die dier word net in vlak water aangetref en word deur die IUBN geklassifiseer as 'n kwesbare spesie.
Inhoud |
Identifikasie [wysig]
Die doegong se totale lengte is tussen 2,5 m en 3 m. Die liggaam is sigaarvormig en die dier het vinpote en stertlobbe. Die vinpote is spaanagtig. Daar is nie agterpote nie, net 'n groot vlesige stert wat soos die dolfyn se stert horisontaal afgeplat is. Die velkleur is grysbruin, en is bo 'n bietjie donkerder as onder. Die bek en onderlip is bedek met kort, dik borselhare.
Verspreiding [wysig]
In Suider-Afrika kom die doegong voor langs die suidkus van Mosambiek, maar enkele swerwers word ook langs die KwaZulu-Natalse kusgebied aangetref. Wêreldwyd het die voorkoms van die soogdiere afgeneem van die hele suidelike gedeelte van die Stille en Indiese Oseaan tot enkele gebiede in Australië, Nieu-Guinee, Palau en klein getalle langs die ooskus van Afrika.
Habitat [wysig]
Die doegong bewoon slegs vlak, beskutte water naby die kuslyn.
Gedrag [wysig]
Doegongs is gewoonlik alleenlopers, maar kan ook in pare of familiegroepe voorkom. Hulle swem stadig en kan tot vyf minute lank onderwater bly, alhoewel die gemiddelde duiktog nie veel langer as 'n minuut duur nie.
Kos [wysig]
Die spesie eet etlike soorte seegras wat voorkom in beskutte, vlak strandbaaie of strandmere.
Voortplanting [wysig]
Een kalf word tussen November en Januarie voortgebring.
Galery [wysig]
-
Ma met kalf
-
Stert
-
Onderkant
Sien ook [wysig]
- Lys van Suider-Afrikaanse soogdiere
- Lys van Suider-Afrikaanse soogdiere volgens wetenskaplike name
- Suider-Afrikaanse soogdiere en hul ordes
Eksterne skakels [wysig]
Bronne [wysig]
- ↑ Marsh, H. (2008). Dugong dugon. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 29 Desember 2008.
- 'Veldgids tot die soogdiere van Suider-Afrika'. Chris en Tilde Stuart. Eerste uitgawe, 1988.
- Enkele gedeeltes van die Engelse artikel Dugong is ook gebruik.
