Maleis

Maleis Bahasa Melayu بهاس ملايو
Gepraat in:	Maleisië  Broenei  Singapoer  Indonesië  Mianmar  Verenigde Arabiese Emirate  Kanada  Verenigde State
Gebied:	Suidoos-Asië
Totale sprekers:	40 miljoen
Taalfamilie:	Austronesies  Malayo-Polinesies   Malayo-Sumbawan    Noord en Oos     Malayic      Maleis
Skrifstelsel:	Latynse alfabet Arabiese alfabet
Amptelike status
Amptelike taal in:	Maleisië  Broenei  Singapoer
Gereguleer deur:	Instituut van Maleis
Taalkodes
ISO 639-1:	ms
ISO 639-2:	may
ISO 639-3:	zlm

Maleis (Bahasa Melayu, بهاس ملايو) is 'n hooftaal van die Austronesiese taalfamilie. Gestandaardiseerde variante van Maleis geniet amptelike status in Maleisië (Maleisies of Standaard Maleis), Indonesië (Indonesies) en Broenei. Dit is een van die vier amptelike tale van Singapoer. Indonesies word deur sowat 140 miljoen as tweede taal gepraat.

In Maleisië staan die standaardtaal as Bahasa Malaysia (Maleisiese taal) bekend. In Singapoer, Broenei, en die suide van Thailand word Bahasa Melayu (Maleise taal) gebruik, en in Indonesië is dit algemeen Bahasa Indonesia (Indonesiese taal) genoem, maar Bahasa Nasional (Nasionale Taal) en Bahasa Persatuan/Pemersatu (Verenigende Taal) is ook gebruik. In die streke van Sumatra en Riau, waar die taal inheems is, verwys die Indonesiërs ook na die taal as Bahasa Melayu.

As gevolg van die lang historiese bande tussen Indonesië en Nederland is baie Maleise woorde in Nederlands en later Afrikaans opgeneem. Voorbeelde sluit in:

Maleis	Nederlands	Afrikaans
amuk	amok	amok
keras	kras	kras
sarung	sarong	sarong
banyak	veel	baie
bekkelahi	bakkeleien	baklei
pisang	pisang	piesang
pikir	piekeren	pieker
kapuk	kapok	kapok
atjar	chutney	blatjang

Sien ook

• Indonesies

Eksterne skakels

• (en) Malay Translation
• (en) Malay Dictionary
• (en) Malay Text-to-Speech