Downton Abbey
| Downton Abbey | |
 Die Highclere-kasteel in Hampshire is as die stel van Downton Abbey vir binnens- en buitenshuise opnames gebruik |
|
| Genre | Kostuumdrama |
|---|---|
| Geskep deur | Julian Fellowes |
| Geskryf deur | Julian Fellowes Shelagh Stevenson Tina Pepler |
| Geregisseer deur | Brian Percival Ben Bolt Brian Kelly Andy Goddard James Strong Ashley Pearce |
| Temamusiekkomponis | John Lunn |
| Openingstema | Did I Make The Most of Loving You? |
| Oorsprong |  Verenigde Koninkryk |
| Taal | Engels |
| Aantal seisoene | 3 |
| Aantal episodes | 25 |
| Produksie | |
| Uitvoerende vervaardiger(s) | Julian Fellowes Gareth Neame Rebecca Eaton |
| Produksiemaatskappy | Carnival Films |
| Uitsending | |
| Oorspronklike kanaal | ITV, PBS |
| Oorspronklike lopie | 26 September 2010 |
| Webskakels | |
| Amptelike webwerf | |
Downton Abbey is 'n Britse kostuumdrama wat deur Julian Fellowes geskep en deur Carnival Films en Masterpiece gemeenskaplik vervaardig is. Dit is deur ITV op 26 September 2010 vir die eerste keer in die Verenigde Koninkryk en deur PBS op 9 Januarie 2011 as deel van die Masterpiece Classic-antologie vir die eerste keer in die Verenigde State uitgesaai.
Die televisiereeks, wat op die fiksionele Engelse landgoed Downton Abbey in Yorkshire afspeel, beeld die lewe van die adellike Crawley-gesin en hul bediendes in die post-Edwardiaanse tydperk uit, waarby belangrike historiese gebeurtenisse invloed op hul lewe en die Britse klashiërargie uitoefen. Hierdie gebeurtenisse sluit die nuus oor die ondergang van die RMS Titanic in die eerste seisoen; die uitbreek van die Eerste Wêreldoorlog, die grieppandemie in 1918 en die Marconi-skandaal in die tweede seisoen; en die tussenoorlogse tydperk en vorming van die Ierse Vrystaat in die derde seisoen in.
Downton Abbey het positiewe kritiek ontvang en is met 'n aantal pryse bekroon, waaronder die Golden Globe Award vir die beste mini- of televisiereeks en die Primetime Emmy Award vir uitstekende minireekse. Dit was die gewildste televisiereeks op sowel ITV asook PBS en het vervolgens die suksesvolste Britse kostuumdrama sedert Brideshead Revisited, wat in 1981 uitgesaai is, geword. Toe die derde reeks gebeeldsaai is, was dit reeds een van die gewildste televisiereekse wêreldwyd.[1] 'n Vierde seisoen sal in die loop van 2013 uitgesaai word.
Oorsig[wysig]
Die reeks speel af in die fiktiewe Downton Abbey, 'n landhuis in Yorkshire en die setel van graaf en gravin Grantham, en volg die lewens van die adellike Crawley-gesin en hul bediendes tydens die regentskap van koning George V. Die eerste seisoen dek die twee jare voor die Groot Oorlog en begin met die nuus oor die ondergang van die RMS Titanic in 1912.
Die tweede seisoen dek die tydperk tussen 1916 en 1919, met 'n spesiale Kersfees-episode wat Kersfees 1919 dek en vroeg in 1920 eindig. Die derde seisoen sluit hierby aan en dek die tydperk tussen 1920 en die najaar van 1921.
Verwysings[wysig]
Eksterne skakels[wysig]
Temamusiek
Highclere-kasteel, die stel van Downton Abbey
Downton Abbey Wiki
