Elektrosensitiwiteit

in Wikipedia, die vrye ensiklopedie
Spring na: navigasie, soek

Elektrosensitiwiteit, ook soms verwys na as elektromagnetiese hipersensitiwiteit, is 'n toestand waar 'n persoon fisiese of psigiese simptome ervaar wat volgens hulle veroorsaak word deur elektromagnetiese velde of ander elektromagnetiese golwe teen blootstellingsvlakke wat deur die algemene publiek sonder probleme verdra word. Of die elektromagnetiese veld die lyers se simptome veroorsaak is 'n omstrede kwessie, maar bewyse van uitlokkingstudies dui daarop dat daar geen verband is nie. In 'n onlangse hersiening van die leesstof wat die verband tussen die simptome en die elektromagnetiese velde ondersoek, is daar sewe studies gevind wat wat wel 'n verband gevind het, terwyl 24 ander studies geen sulke verband kon vind nie. Uit die sewe positiewe studies, kon twee egter nie met dieselfde resultate herhaal word nie, drie daarvan het ernstige metodologiese tekortkominge gehad en die laaste twee het kontrasterende resultate gehad.[1]

Daar is tans wêreldwyd meer as dertig bystandsgroepe vir mense wat meld dat hulle elektrosensitief is,[2] en baie van hierdie groepe is oortuig dat daar 'n verband tussen die verslae van elektrosensitiwiteit en elektromagnetiese velde is. Die Wêreldgesondheidsorganisasie (WGO) het verklaar dat daar geen bekende wetenskaplike grond is vir die mening dat elektrosensitiwiteit veroorsaak word deur 'n blootstelling aan elektromagnetiese velde nie.[3]

Verwysings[wysig]

  1. Rubin, James; J Das Munshi J, Simon Wessely (March-April 2005). “Electromagnetic hypersensitivity: a systematic review of provocation studies”. Psychosom Med 2005 Mar-Apr;67(2):224-32 67 (2): 224-32.
  2. Lys van bystandsgroepe in die wêreld
  3. Electromagnetic fields and public health: Electromagnetic Hypersensitivity, WGO feiteblad 296, 2005.

Eksterne skakels[wysig]