Ernst van Dyk

Ernst van Dyk
Geboorte	4 April 1973 Ceres, Wes-Kaap
Nasionaliteit	Suid-Afrika
Bekend vir	handfiets-renjaer

Ernst van Dyk (gebore 4 April 1973) is 'n Suid-Afrikaanse handfiets-renjaer. Hy het 'n rekord van 9 rolstoel-titels in die Boston Marathon verower. In 2006 ontvang hy die gesogte "Laureus World Sports Awards"-toekenning en word as die gestremde sportspersoon van die jaar aangewys.

Biografie

Van Dyk is op 4 April 1973 in Ceres in die Wes-Kaap sonder bene gebore. Sy ouers, beide provinsiale atlete, het sy atletiese vermoëns raakgesien en hom aangemoedig om aan sport deel te name. Hy begin sy skoolopleiding in Graaff-Reinet, maar die skool kon nie aan sy behoeftes voorsien nie. Daarna woon hy die Elizabeth Conradie-skool vir gestremde kinders in Kimberley by. Hy het in sy tienerjare nasionaal aan swemgalas deelgeneem. In 1992 skryf hy by die Universiteit van Stellenbosch in en neem op die Barcelona Paralimpiese Spele aan swem en rolstoelresies deel. Daarna begin hy op rolstoel-atletiek konsentreer.

Sportprestasies

Tydens die Paralimpiese Somerspele van 2000 in Sydney wen hy 'n bronsmedalje in die 400-meter rolstoelresies. In die daaropvolgende Spele van 2004 in Athene wen hy silwer in die 800 meter rolstoelresies, nog 'n silwer in die 1500 meter, en 'n brons in die 5000 meter. In Beijing tydens die Paralimpiese Spele van 2008 wen hy goud in die handfiets-marathon asook 'n brons in die rolstoel-maraton. Die Spele in Londen is Van Dyk se sesde Paralimpiese Spele.

Van sy ander prestasies sluit in: silwer en ​​brons by die 2009 Fietsry Wêreldkampioenskap in Italië en dubbele goud (padwedren en tydtoets) by die 2007 Fietsry Kampioenskap in Bordeaux.

Belangrike resultate

Jaar	Boston Maraton	New York Stad Marathon	Parys Marathon	Los Angeles Marathon	"Great North Run"
2001	1:25:12
2002	1:23:19
2003	1:28:32
2004	1:18:27
2005	1:24:11
2006	1:25:29			(BR)
2007					42:35
2008	1:26:49
2009	1:33:29
2010	1:26:53
WR – Wêreldrekord BR – Baanrekord

Eksterne skakels

• Ernst Van Dyk se webtuiste