Friedrich Kellner

in Wikipedia, die vrye ensiklopedie
Spring na: navigasie, soek
Friedrich Kellner
’n Beeld van die betrokke persoonlikheid.
Friedrich Kellner in 1934

Geboortenaam August Friedrich Kellner
Gebore 1 Februarie 1885
Vaihingen an der Enz, Duitse Keiserryk
Oorlede 4 November 1970
Lich, Wes-Duitsland
Nasionaliteit Vlag van Duitsland Duitsland
Ouers Georg Friedrich Kellner
Barbara Wilhelmine née Vaigle
Beroep Justisie Inspekteur
Huweliksmaat Pauline Preuss
Kind(ers) Friedrich Wilhelm Kellner

August Friedrich Kellner (1 Februarie 18854 November 1970) was 'n middelvlak amptenaar in Duitsland wat gewerk het as 'n justisie inspekteur in Mainz en Laubach. Gedurende die Eerste Wêreldoorlog was Kellner 'n voetsoldaat in 'n Hessiese regiment. Na die oorlog het hy 'n politieke organiseerder geword vir die Sosiaal-Demokratiese Party, wat die voorste politieke party was in die tyd van die onstuimige en kortstondige Republiek van Weimar, Duitsland se eerste demokrasie.

Kellner het 'n veldtog gevoer teen Adolf Hitler en die Nazis. Met die begin van die Tweede Wêreldoorlog het Kellner 'n joernaal begin skryf om sy waarnemings van die Nazi-bewind te boekstaaf. Hy het hierdie werk Mein Widerstand ("My Weerstand") genoem. Na die oorlog het Kellner op denazifikasie-rade gedien, en gehelp om die Sosiaal-Demokratiese Party te hervestig. In 1968 het hy sy joernaal aan sy Amerikaanse kleinseun gegee om dit na Engels te vertaal en tot die aandag van die publiek te bring. Hy verduidelik die doel van die skryf van sy joernaal:

"Ek kon nie die Nazis in die huidige veg nie, want hulle het die krag gehad om my stem te stil, so ek het besluit hom hulle in die toekoms te veg. Ek sou die komende geslagte 'n wapen gee teen enige terugkoms van sulke boosheid. My ooggetuienis sou hulle barbaarse dade aanteken, en ook wys hoe om hulle te stop."[1]

Biografie[wysig]

Familie en onderwys[wysig]

Kellner is gebore in Vaihingen an der Enz, in suidelike Duitsland. Hy was die enigste kind van Georg Friedrich Kellner, 'n bakker van Arnstadt in Thüringen, en Barbara Wilhelmine Vaigle van Bietigheim-Bissingen. Die Kellners was Evangeliese Lutherane.

Kellner het die Volksschule en Oberrealschule bygewoon in Mainz. In 1903 het hy 'n regsklerk geword in die Amtsgericht Mainz ('n laerhof in die rangorde van Duitse howe). In 1920 is hy bevorder tot justisie-inspekteur. Hy het in die hof gebly tot 1933.

Militêre diens en huwelik[wysig]

Kellner het in 1913 getrou met Pauline Preuss (19 Januarie, 1888 – 8 Februarie, 1970). Hulle enigste kind, Karl Friedrich Wilhelm (ook bekend as Fred William), is gebore in Mainz op 29 Februarie 1916.

Kellner was in die militêre reserwes in 1908. Hy is geroep vir aktiewe diens toe die Eerste Wêreldoorlog uitgebreek het in 1914. Hy het in België en Frankryk geveg, in die Eerste Slag van die Marne. Hy is naby Reims, Frankryk, gewond en het die res van die oorlog by die 13de Weermagskorps in Frankfurt am Main gespandeer.

Verwysing[wysig]

Hierdie artikel is in sy geheel of gedeeltelik vanuit die Engelse Wikipedia vertaal.