Georg Ostrogorsky

in Wikipedia, die vrye ensiklopedie
Spring na: navigasie, soek
Georg Ostrogorsky
Naam Georgi Alexandrowitsj Ostrogorski
Gebore 19 Januarie 1902
Sint Petersburg, Russiese Ryk
Oorlede 24 Oktober 1976 (op 74)
Belgrado, Joego-Slawië
Burgerskap Vlag van Joego-Slawië Joego-Slawië
Vakgebied Bisantynse studies
Alma mater Universiteit van Heidelberg
Ander akademiese adviseur(s) Karl Jaspers
Heinrich Rickert
Alfred Weber
Ludwig Curtius
Percy Ernst Schramm

Georg Ostrogorsky (Russies: Георгий Александрович Острогорский / Georgi Alexandrowitsj Ostrogorski; * 19 Januarie 1902 in Sint Petersburg; † 24 Oktober 1976 in Belgrado) was 'n Joego-Slawiese bisantinis van Russiese afkoms wat veral in die ekonomiese geskiedenis van die Bisantynse Ryk belang gestel het.

Lewe[wysig]

Gedurende die Russiese Oktoberrewolusie het Ostrogorsky se gesin na Finland geëmigreer. Hy het in Frankryk en Duitsland gestudeer, aan die Universiteit van Heidelberg gepromoveer en Duitse burgerskap verwerf. Vanaf 1928 was hy as dosent aan die Universiteit van Breslau werksaam, maar is in 1933 ontslaan. Hy het hom in Praag gevestig en is as leier van die Seminarium Kondakovianum aangestel wat na Belgrado verskuif is.

Ostrogorsky het vervolgens die leerstoel in bisantinistiek aan die Universiteit van Belgrado oorgeneem en in 1948 die Instituut vir Bisantinistiek van die Serwiese Akademie van Wetenskappe en Kunste gestig. Ostrogorsky het as voorsitter van dié instituut gefungeer wat naas Parys, München en Dumbarton Oaks as een van die leidende navorsingsinstellings van sy soort beskou word. Sy hoofwerk oor die "Geskiedenis van die Bisantynse staat" is in 'n groot verskeidenheid tale vertaal en is oor 'n lang tydperk as een van die standaardwerke geag. Intussen is dit egter in baie opsigte verouderd. Ostrogorsky, wat as een van die beduidendste bisantiniste beskou word, is in 1966 met die lidmaatskap in die Pour le Mérite-orde vir Wetenskappe en Kunste vereer. Hy was daarnaas korresponderende lid van die Akademie van Wetenskappe te Athene en die Oostenrykse Akademie van Wetenskappe in Wene.

Belangrike werke[wysig]

  • Die ländliche Steuergemeinde des Byzantinischen Reiches im X. Jahrhundert, in: Vierteljahrsschrift für Sozial- und Wirtschaftsgeschichte 19 (1927) (herdruk in 1969) [dissertasie]
  • Studien zur Geschichte des byzantinischen Bilderstreites. Breslau 1929 (herdruk in 1964) [habilitasie]
  • Geschichte des byzantinischen Staates. Handbuch der Altertumswissenschaft XII.1.2, C. H. Beck, München 1940, 3de uitgawe 1963, ISBN 3-406-01414-3. - Spesiale uitgawe sonder akademiese bylaes Byzantinische Geschichte 324 bis 1453, C. H. Beck, München 1965 en herdrukte uitgawes, ISBN 3-406-39759-X.

Literatuur[wysig]

  • Herbert Hunger: Georg Ostrogorsky. Nachruf. In: Almanach der Österreichischen Akademie der Wissenschaften. 127, 1977, ISSN 0378-8644, bl. 538–544.