George Cathcart

in Wikipedia, die vrye ensiklopedie
Spring na: navigasie, soek
George Cathcart
12 Mei 1794 – 5 November 1854 (60 jaar oud)
George Cathcart

Generaal sir George Cathcart

Geboorteplek Londen
Plek van afsterwe Inkerman, Oekraïne
Lojaliteit Vlag van Verenigde Koninkryk Verenigde Koninkryk
Diens/Tak Flag of the British Army.svg Britse leër
Jare in diens 1873–1899
Rang Generaal
Veldslae/oorloë Napoleontiese Oorloë
Krimoorlog
Toekennings Knight Grand Cross of the Order of the Bath
Ander werk Diplomaat, goewerneur van die Kaapkolonie.

Sir George Cathcart (Londen, 12 Mei 1794Oekraïne, 5 November 1854) was 'n Britse generaal, diplomaat en goewerneur van die Kaapkolonie.

Hy is in Renfrewshire gebore as seun van William Cathcart, eerste hertog van Cathcart. Na hy sy opleiding aan Eton en in Edinburgh ontvang, sluit hy op 16 by die Britse leër aan en neem deel aan die veldtog teen Napoleon I. Hy doen diens in die Verenigde State van Amerika en Vlaandere, onderskei hom tydens die bombardering van Kopenhagen en tree as gesant van Engeland op aan die Russiese hof en tydens die Kongres van Wenen (1814), waarheen hy sy vader as aide-de-camp vergesel.

Cathcart word in 1852 aangestel as bevelvoerder in Suid-Afrika en goewerneur van die Kaapkolonie. Tydens die Agtste Grensoorlog veg hy aan die oosgrens en verslaan die Basotho onder koning Mosjesj in die Oranjerivier-Soewereiniteit en in Basotholand (die latere Lesotho). Op sy beurt verslaan Mosjesj die goewerneur se magte tydens die Slag van Berea, maar die Basotho-koning maak vrede voor Cathcart wraak kan neem. Hy was die eerste goewerneur wat 'n grondwet aan die Kaapkolonie toegestaan het.

Cathcart sneuwel op November 1854 tydens die Slag van Inkerman tydens die Krimoorlog.

Dit was hy wat die naam Fort Victoria aan die latere Queenstown gegee het nadat hy dit opgerig het as militêre pos teen die Xhosas. 'n Nabygeleë militêre buitepos wat in 1850 opgerig en van 1856 af as nedersetting begin ontwikkel het, het die naam Cathcart ter ere van die goewerneur gekry. Die gemeente van die NG Kerk aldaar was jare lank 'n buitewyk van dié op Queenstown, maar stig in 1907 af van die moedergemeente as NG gemeente Cathcart.

Sien ook[wysig]

Bronne[wysig]

  • Albertyn, C.F. dr. (hoofred.), 1972. Die Afrikaanse Kinderensiklopedie. Kaapstad: Nasou.
  • Bulpin, T.V., 2001. Discovering Southern Africa. Cape Town: Discovering Southern Africa Publications cc.
  • Olivier, ds. P.L. (samesteller), 1952. Ons gemeentelike feesalbum. Kaapstad en Pretoria: N.G. Kerk-uitgewers.
  • Raper, P.E., 1987. A Dictionary of South African Place Names. Johannesburg: Lowry Publishers.
  • Rosenthal, Eric, 1978. Encyclopaedia of Southern Africa. Cape Town and Johannesburg: Juta and Company Limited.