5 November

5 November is die 309de dag van die jaar in die Gregoriaanse kalender (310de in skrikkeljare). Daar volg nog 56 dae.

Gebeure

• 1439 – Die konsilie van Basel kies Amadeus VIII van Savoje as Teenpous Felix V
• 1466 – Giovanni Battista Cibo (later Pous Innocentius VIII) word biskop van Savona
• 1511 – Franse biskoppe saam met keiser Maximiliaan probeer om Pous Julius II af te set
• 1556 – ’n Mongoolse mag verslaan die Hindu magte onder leiding van Generaal Hemu op ’n slagveld ongeveer 80 kilometer noord van Delhi en verseker daardeur die Indiese troon vir Akbar
• 1605 – Buskruitverraad: ’n Sameswering gelei deur Guy Fawkes om die Engelse Parlement op te blaas word gefnuik toe Thomas Knyvet, ’n vrederegter, Fawkes in ’n kelder onder die Parlementsgebou betrap.
  

  

  Willem van Oranje
• 1625 – Pous Urbanus VIII verklaar Raymond Nonnatus heilig
• 1688 – Protestantse Prins Willem van Oranje land by Brixham in Devon, onderweg om sy skoonvader Koning James II, die laaste katolieke monarg van Engeland, af te sit
• 1791 – Pous Pius VI publiseer “Ancorché antichissimo” oor die opstand in Avignon
• 1837 – Piet Retief lê sy eerste besoek aan Dingaan af by Mgungundhlovo
• 1838 – Honduras ontrek vanuit die Sentraal Amerikaanse Federasie. Dit lei tot die ineenstorting van die Verenigde Provinsies van Sentraal-Amerika
• 1862 – Roohuid oorloë: In Minnesota word meer as 300 Santee Sioux skuldig bevind aan verkragting van en moord op blanke setlaars en word gevonnis om gehang te word
• 1872 – Vroueregte: In weerwil van die wet, gaan stem die vroueregteaktivis Susan B. Anthony (sy is later met $100 beboet vir haar deelname)
• 1895 – George B. Selden verkry die eerste Amerikaanse patent vir ’n motorvoertuig
• 1911 – Nadat Italië oorlog verklaar het teen die Ottomaanse Ryk op 29 September,1911 annekseer hy Tripoli en Cyrenaika
• 1912 – Woodrow Wilson behaal ’n wegholoorwinning in die Amerikaanse presidentsverkiesing oor die ampsdraer William Howard Taft
• 1913 – Koning Otto van Beiere word deur sy neef, kroonprins Ludwig, onttroon wat dan die titel Ludwig III aanneem
• 1914 – Die Verenigde Koninkryk van Brittanje annekseer Siprus en verklaar saam met Frankryk oorlog teen die Ottomaanse Ryk
• 1916 – Die Koningkryk van Pole word gesamentlik deur die keisers van Duitsland en Oostenryk geproklameer
• 1917 – St. Tikhon van Moskou word verkies tot Patriarch van Moskou en van die Russies Ortodokse Kerk
• 1930 – Die Nobelprys vir literatuur word aan Sinclair Lewis toegeken
• 1935 – Parker Brothers stel die bordspel Monopoly bekend
• 1937 – Tweede Wêreldoorlog: Adolf Hitler hou ’n geheime vergadering waarin hy sy planne uitlê om lewensruimte vir die Duitse mense te verkry
• 1940 – Franklin D. Roosevelt wen die Amerikaanse presidentsverkiesing en word die eerste president van Amerika vir ’n derde ampstermyn
• 1968 – Richard Nixon wen die Amerikaanse presidentsverkiesing
• 1987 – Govan Mbeki word vrygelaat nadat hy 24 jaar op Robbeneiland-gevangenis deurgebring het. Hy is voorheen lewenslange tronkstraf opgelê vir hoogverraad
• 1990 – Rabbi Meir Kahane, stigter van die verregse Kach-beweging word doodgeskiet na ’n toespraak in 'n hotel in New York stad
• 1996 – Bill Clinton verslaan sy teenstander, Bob Dole, in die Amerikaanse presidentsverkiesing vir sy tweede ampstermyn
• 2006 – Die voormalige Irakese diktator, Saddam Hussein, word ter dood veroordeel om gehang te word, ná hy skuldig bevind is aan misdade teen die mensdom

Geboortes

• 1742 – Richard Cosway, Britse skilder († 1821)
• 1855 – Léon Teisserenc de Bort, Franse meteoroloog († 1913)
• 1857 – Ida Tarbell, Amerikaanse joernalis († 1944)
• 1863 – James Packard, Amerikaanse motorvervaardiger († 1928)
• 1885 – Will Durant, Amerikaanse historikus († 1981)
• 1892 – J. B. S. Haldane, Brits-Indiese genetikus († 1964)
• 1895 – Charles MacArthur, Amerikaanse skrywer († 1956)
• 1905 – Joel McCrea, Amerikaanse akteur († 1990)
• 1911 – Roy Rogers, Amerikaanse sanger, kitaarspeler en akteur (Sons of the Pioneers) († 1998)
• 1913 – Vivien Leigh, Britse aktrise († 1967)
• 1916 – Cornelius Pama, Suid-Afrikaanse heraldikus en genealoog († 1994).
• 1921 – Fawzia van Egipte, keiserin van Iran
• 1931 – Ike Turner, Amerikaanse sanger, liedjieskrywer, kitaarspeler en vervaardiger (Kings of Rhythm en Ike & Tina Turner) († 2007)
• 1941 – Art Garfunkel, Amerikaanse sanger, liedjieskrywer, kitaarspeler en akteur (Simon & Garfunkel)
• 1941 – Elke Sommer, Duitse aktrise
• 1943 – Sam Shepard, Amerikaanse akteur en dramaturg
• 1946 – Herman Brood, Nederlandse sanger, akteur en skilder († 2001)
• 1946 – Gram Parsons, Amerikaanse sanger, liedjieskrywer en kitaarspeler (The Byrds, The Flying Burrito Brothers en International Submarine Band) († 1973)
• 1947 – Peter Noone, Britse sanger, liedjieskrywer, kitaarspeler en akteur (Herman’s Hermits)
• 1949 – Armin Shimerman, Amerikaanse akteur
• 1954 – André le Roux du Toit, Afrikaanse skrywer, digter en musikant
• 1959 – Bryan Adams, Kanadese sanger, liedjieskrywer, kitaarspeler, vervaardiger en akteur
• 1963 – Tatum O’Neal, Amerikaanse aktrise en skryfster
• 1972 – Rassie Erasmus, Suid-Afrika se sewe-en-veertigste Springbokkaptein
• 1974 – Ryan Adams, Amerikaanse sanger, liedjieskrywer en kitaarspeler (Whiskeytown, The Finger en Ryan Adams and the Cardinals)

Sterftes

• 1836 – Karel Hynek Mácha, Tsjeggiese digter (* 1810)
• 1933 – Texas Guinan, Amerikaanse aktrise en sakevrou (* 1884)
• 1951 – Reggie Walker, Suid-Afrikaanse atleet (* 1889)
• 1977 – Guy Lombardo, Kanadees-Amerikaanse violis en dirigent (* 1902)
• 1979 – Al Capp, Amerikaanse spotprenttekenaar (* 1909)
• 1989 – Vladimir Horowitz, Russiese pianis (* 1903)
• 1990 – Meir Kahane, Amerikaans-Israeliese skrywer en politiuks (* 1932)
• 1994 – Johan Heyns, teoloog en moderator van die algemene sinode van die Nederduitse Gereformeerde Kerk (* 1928)

Vakansie-, vierings- en waarnemingsdae

• Guy Fawkes-nag – Verenigde Koninkryk, Nieu-Seeland en die Kanadese provinsie Newfoundland en Labrador