Grootrietreier

in Wikipedia, die vrye ensiklopedie

Grootrietreier
Wetenskaplike klassifikasie
Domein:
Koninkryk:
Filum:
Klas:
Orde:
Familie:
Genus:
Spesie:
B. stellaris
Binomiale naam
Botaurus stellaris
(Linnaeus, 1758)

Die Grootrietreier of roerdomp is 'n seldsame standvoël in die familie Ardeidae in suider-Afrika. 'n Tweede subspesie kom egter wydverspreid in Eurasië voor.

Identifikasie[wysig | wysig bron]

Dit lyk na 'n onvolwasse gewone nagreier, maar is heelwat groter en bonkiger, duideliker gestreep en het 'n swart mus en geel of rooibruin oë. Die vlerkspan is heelwat groter as die Gewone nagreier s'n, 100–130 cm, en in vlug steek die pote heeltemal by die stert verby. Die liggaamslengte is 64–81 cm.

Habitat[wysig | wysig bron]

Botaurus stellaris

Dit is 'n uiters skugter alleenloper in tydelike vloedvlaktes, standhoudende moerasse en rivierlope in grasveld, waar dit skuil in rietplate of soortgelyke digte plantegroei. Op die grond hou hulle gewoonlik in riete op soek na amfibiese diere, en vis. As hierdie reier skrik, staan hy doodstil met sy snawel boontoe gerig en word dan nie maklik raakgesien nie. Die voël word ook nie maklik opgejaag nie. Hulle is gewoonlik die aktiefste gedurende sonsopkoms en -ondergang.

Verspreiding[wysig | wysig bron]

Die spesie kom voor in die Okavangodelta en die sentrale deel van Mosambiek, asook sporadies in Suid-Afrika op 'n paar geïsoleerde plekke in Noordwes, Limpopo en Mpumalanga.

Hulle getalle is aan die afneem in die gematigde streke van Europa en Asië. Daar kom hulle voor in die meer gematigde westelike en suidelike streke, maar migreer vir die winter na vriesvrye gebiede in die suide.

Geluid[wysig | wysig bron]

In die nesmaaktyd (somer) is die mannetjie se lae dreunende geroep bedags en snags hoorbaar. Die geluid kan die beste vergelyk word met iemand wat op 'n hol boomstomp slaan. Om wyfies te lok, maak die mannetjie ook 'n hoë, skerp geluid. Soos etlike ander reiersoorte laat hoor dit 'n "skwark" geluid wanneer dit opvlieg.

Ander name[wysig | wysig bron]

  • Engelse naam: Bittern of Great bittern
  • Duitse naam: Rohrdommel
  • Wetenskaplike naam: Botaurus stellaris

Sien ook[wysig | wysig bron]

Bron[wysig | wysig bron]