Interregeringspaneel oor klimaatverandering

in Wikipedia, die vrye ensiklopedie
Spring na: navigasie, soek

Die Interregeringspaneel oor klimaatverandering (Engels: Intergovernmental Panel on Climate Change, IPCC) is in 1988 deur die Verenigde Nasies se omgewingsprogram (United Nations Environmental Program, UNEP) en die Wêreld Meteorologiese Organisasie (WMO) in die lewe geroep.

Die paneel maak deel uit van die Verenigde Nasies se Klimaatverdrag (UNFCCC) en evalueer die gevare, wat die klimaatverandering inhou, om teenmaatreëls saam te stel. Die setel van die IPCC se sekretariaat is in Genève (Switserland).

Oorsig[wysig]

Die IPCC doen self geen navorsing oor klimaatverandering nie, maar versamel die uitkomste en gevolgtrekkings van die verskillende wetenskaplike dissiplines soos byvoorbeeld die klimatologie.

Die IPCC se verslae, die IPCC Assessment Reports, is samehangende aanbiedings van die navorsers se resultate. Hierdie verslae word in werkgroepe saamgestel en deur die IPCC se volle vergadering goedgekeur. Hulle vorm tans die hoofsaaklike basis vir die politieke en wetenskaplike debatte oor klimaatverandering.

In die eerste deel van sy vierde verslag, wat op 2 Februarie 2007 in Parys vrygestel is, maak die IPCC dramatiese voorspellings oor die toekomstige globale klimaatverandering. Meer hoofstukke sal in die loop van die jaar vrygestel word.

Eksterne skakels[wysig]