Keep It Straight and Simple Party

in Wikipedia, die vrye ensiklopedie
Spring na: navigasie, soek
KISS-logo.gif

Die Keep it Straight and Simple party was een van die vele klein partye wat aan die Suid-Afrikaanse algemene verkiesing van 1994 en in 2004 deelgeneem het. Dit is gestig deur Claire Emary van Heidelberg, Gauteng.

Die party is gegrond op "Klassieke Liberalisme" en het radikale belastinginkorting voorgestaan asook die drastiese vermindering van die rol van die staat in die samelewing. Die party het ook 'n drastiese vermindering in belasting voorgestaan aangesien belasting as diefstal beskou kan word (die afneem van eiendom deur geweld).

Die rol van die staat volgens die party behoort beperk te word tot buitelandse verhoudinge, die regstelsel (howe), die weermag en polisie. Alle ander funksies behoort sover moontlik geprivatiseer te word en plaaslike regering en direkte demokrasie deur referendums hoort aangemoedig te word.

Ander persone wat 'n rol in die party gespeel het was Trevor Watkins en Charl Heydenrych asook Oliver Oyrer en Lyndall Masterson.

Die party het slegs 5 916 stemme op hom kon vestig in die verkiesing. Die party het ook in 2004 aan die Nasionale verkiesing deelgeneem met soortgelyke teleurstellende resultate. Die party het beleidstandpunte wat deur die derde grootste party in die VSA (Libertarian Party) gedeel word en deur sowat 5% van die Amerikaanse bevolking in verkiesing ondersteun word.

Die filosofiese grondslag van die party kan gevind word in die werke van Adam Smith, John Locke, Ayn Rand, Murray Rothbard, von Mises, Milton Friedman en ander vryemark-ekonome en libertynse (klassieke liberale) skrywers.

Hierdie party is sedertdien opgevolg deur ander partye in Suid-Afrika wat geskoei is op klassieke liberale beginsels - die belangrikste hiervan is die "Libertarian Party of South Africa" wat gedurende Oktober 2013 op die been gebring is. Trevor Watkins het ook hier 'n leidende rol gespeel. Die leier van hierdie party is 'n ene Barry de Harde. Daar word betwyfel of die party genoegsame fondse en steun sal kan verwerf om aan die verkiesing van 7 Oktober 2014 te kan deelneem.Proplib (kontak) 12:14, 11 Februarie 2014 (UTC)

Verkiesingsresultate[wysig]

Verkiesing Stemme % Setels
1994 5,916 0.03 -
2004 6,514 0.04 -
2009 5,440 0.03 -

Sien ook[wysig]

Eksterne skakels[wysig]