Louis Luyt
Dr. Louis Luyt (gebore 18 Junie 1932) is 'n Suid-Afrikaanse besigheidsman en voormalige politikus en rugbyadministrateur. Luyt het vir homself naam gemaak as 'n jong rugbyster; het daarna die maatskappye Triomf Kunsmis en Luyt Brouerye gestig; en het beheer oor die Ellispark-stadion in Johannesburg oorgeneem. Luyt het veral bekendheid verwerf deur sy betrokkenheid by die Inligtingskandaal van 1978 en sy beweerde finansiering van die oprigting van The Citizen.
Inhoud |
[wysig] Biografie
Oswald Louis Petrus Poley Luyt is op 18 Junie 1932 in Britstown, Kaapstad, Suid-Afrika gebore.
[wysig] Loopbaan as rugbyadministrateur
Dr. Luyt was president van die Suid-Afrikaanse Rugbyunie toe die Springbokke die Rugby Wêreldbeker 1995 gewen het. Tydens die amptelike funksie wat vir die Springbokke en Nieu-Seeland na die eindwedstryd gereël was, verklaar hy dat as Suid-Afrika in die vorige twee Wêreldbekers deelgeneem het, hulle ook sou gewen het - insluitend die 1987-toernooi wat deur die All Blacks gewen is. Die All Blacks het die funksie daarna uit protes verlaat[1][2].
Dr. Luyt het die springbok-handelsmerk in 1996 vir S.A. Rugby geregistreer[3].
[wysig] Loopbaan as politikus
In 1998 bedank Luyt as rugbyunie president nadat hy van rassisme en finansiële wanbestuur beskuldig is, en stig daarna 'n politieke party[4]. Hy was vanaf 1999 lid van die Parlement van Suid-Afrika as leier van die Federale Alliansie. Dr. Luyt het later die party by die Vryheidsfront geassosieer.
[wysig] Bibliografie
- DU PREEZ, MAX, Louis Luyt Unauthorised, Zebra uitgewers, 2001.
[wysig] Verwysings
- ^ "World Cup Moments: A drop kick in the guts." New Zealand Herald, 24 Junie 1995.
- ^ "Mighty Boks: South African Rugby." Deur Sean Davies. BBC Sport, Donderdag, 28 September 2006.
- ^ Luyt aan Stofile-hulle: ‘Dis nie jul embleem nie, Beeld, 21 Oktober 2008
- ^ "Former South African rugby head forms political party." BBC News, Woensdag, 30 September, 1998.
 |
Hierdie artikel omtrent ’n Suid-Afrikaanse politikus is slegs ’n saadjie en bied tans nog nie ensiklopediese dekking van die betrokke onderwerp nie. Jy kan Wikipedia help deur dit uit te brei. |
