NG gemeente Harare

Gerard Moerdijk het feitlik dieselfde kerk vir Salisbury sowel as Louis Trichardt ontwerp. Salisbury se kerkgebou is in Oktober 1930 ingewy. Queenstown se NG kerk, ontwerp deur Moerdijk se vennoot Wynand Louw is ook op dié ontwerp gegrond.

Leraars van talle ander kerkgenootskappe en selfs 'n Suid-Rhodesiese minister het toesprake gelewer tydens die hoeksteenlegging van die kerkgebou op 26 April 1930.

Ds. Daniel du Plessis Steyn, leraar van 1907 tot 1908. Hy was voor én ná die tyd leraar van Glen Lynden in die Oos-Kaap.

Ds. Christiaan Rudolph Kotzé, leraar van die gemeente van 1910 tot 1916.

Ds. Philip Pieter van der Merwe, leraar van die 1923 tot 1925.

Ds. H.J.C. Snijders, leraar van 1934 tot 1937, later leraar van onder meer Johannesburg-Oos.

Dr. Hendrik Christoffel de Wet, leraar van 1937 tot 1944.

Ds. H.C. de Wet, leraar van 1950 tot 1954.

Ds. WT Badehorst, leraar van Salisbury-Suid van 1960 tot 1970.

Die NG gemeente Harare (vroeër Salisbury) is 'n gemeente van die Nederduitse Gereformeerde Kerk in Zimbabwe wat na die ontbinding van die Sinode van Midde-Afrika as deel van die Ring van Midde-Afrika onder die Noordelike Sinode ressorteer. Dit is amptelik op 28 Mei 1901 van die NG gemeente Bulawayo afgestig. Die kerkgebou van die gemeente is in deur die gevierde Suid-Afrikaanse argitek Gerard Moerdijk ontwerp. Ds. J.A. Pienaar het die hoeksteen op 26 April 1930 gelê onder blyke van groot belangstelling. Van die sprekers tydens die geleentheid was onder meer eerw. James Andrews van die plaaslike Presbiteriaanse kerk en Suid-Rhodesië se minister van myne en openbare werke, John Wallace Downie. Volgens laasgenoemde moes die kerkgebou 'n "monument word aan die Voortrekkersendingwerk in Suid-Rodesië". Volgens 'n ander spreker sou die gebou 'n "sieraad vir Salisbury" wees. Die kerk is in 1931 ingewy. Harare-Suid stig op 24 Maart 1954 van die moedergemeente af.

Enkele leraars: Harare

• Daniel du Plessis Steyn, 1907 - 1908 (voor en ná die tyd leraar van Glen Lynden)
• Christiaan Rudolph Kotzé, 1910 tot 1916
• B.J. Kloppers, 1916 - 1921
• A.J. Olivier, 1921 - 1922
• Philip Petrus van der Merwe, 1923 - 1925
• J.A. Pienaar, 1925 - 1932
• Hendrik Johannes Christoffel Snijders, 1934 - 1937
• Andries Petrus du Preez, 1935 - 1937
• Dr. Hendrik Christoffel de Wet, 1937 - 1944
• Dr. F.J. Minnaar, 1944 - 1946
• Hendrik Christoffel de Wet, 1950 - 1954
• Christoffel Hieronymus Delport, 1953 - 1954
• Casper Barend Zietsman, 1956 - 1961.
• Louis Fourie van Niekerk, 1961 - 1964
• Alric Theodore Kemp, 1965 - 1974
• Frederik Swanepoel, 1966 - 1970
• Daniël Johannes Francois du Plessis, 1971 - 1975
• Hercules Philippus Malan, 1975 - 1980
• Clifford Frank Weinmann, 1976 - 1982
• Zacharias Petrus le Roux, 1980 tot 1984
• Phillipus Lodevicus Louw, 1982 - 1985
• Michael Carl Swart, 1985 - 1988
• Dr. Johannes Petrus Roux, 1985 - 1990
• Albertus Johannes Viljoen, 1991 - 1995
• Willem Adriaan Pieters, 1997 - 2003 (in kombinasie met Chivhu en van 1999 met opdrag Eaglesvale Skole, die eertydse Bothashof)
• Pieter Frederik van Vuuren, 1997 - hede (van 2006 ook Marondera-Rusape)

Ligging

Die kerkgebou is in die middestad van Harare geleë by Samora Machellaan 35.

Enkele leraars: Harare-Suid

• Christoffel Hieronymus Delport, 1954 - 1958 (eerste leraar)
• Abraham Faure Louw, 1956 - 1982 (direkteur van Bothashof tot 1976, ook leraar van Salisbury English Congregation van 1978)
• Willem Thomas Badenhorst, 1960 - 1970
• Jan Grey, 1975 - 1978
• Willem Adriaan Pieters, 1982 - 1991

Sien ook

• Sinode van Midde-Afrika