Openbare vakansiedae in Bhoetan

in Wikipedia, die vrye ensiklopedie
Die Paro-tsechu.
Die Paro-tsechu.

Openbare vakansiedae in Bhoetan bestaan uit beide nasionale vakansiedae en plaaslike feeste bekend as tshechu's. Nasionale vakansiedae word oor die hele Bhoetan gevier, maar tsechu's net in spesifieke gebiede.[1] Die land gebruik sy eie kalender,[2] ’n weergawe van die Tibettaanse kalender. Omdat dit ’n maansonkalender is, wissel die datums van sommige nasionale vakansiedae en die meeste tshechu's van jaar tot jaar. Nuwejaar, Losar, word byvoorbeeld gewoonlik tussen Februarie en Maart gevier.

Nasionale vakansiedae[wysig | wysig bron]

Bhoetan het 16 openbare vakansiedae.[1] Bhoetanese vakansiedae is gewortel in die Drukpa-linie van Kagyu-Boeddhisme, die Huis van Wangchuck en die Tibettaanse kalender. Selfs sekulêre vakansiedae het ’n mate van godsdienstige ondertone, omdat godsdienschoreografie en seëninge deel daarvan uitmaak.[3]

Wintersonstilstand[wysig | wysig bron]

Nyinlong of Nyilong (Dzongkha: ཉིན་ལོང་, Wylie: nyin long; "terugkeer van die son"),[4] die viering van die wintersonstilstand, val elke jaar op 2 Januarie.[1][5] Nyinlog word beskou as die gunstigste dag van die jaar.[4] Dit word soos Nuwejaar gevier deur sommige Wes-Bhoetanese, maar nog meer in die sentrale en oostelike streke, waar die kortste dag van die jaar herdenk word met boogskiet en feesvierings.[5]

Tradisionele Offerandedag[wysig | wysig bron]

Tradisionele Offerandedag[1] (Dzongkha: buelwa phuewi nyim) val gewoonlik in Januarie of Februarie, op die eerste dag van die 12de maand van die kalender.[6] Die hoofdoel van die vakansiedag is om dank te betuig teenoor shabdrung Ngawang Namgyal, die stiger van Bhoetan.[7] Dit fokus ook op welsyn, veral om aan ander kos te gee, en vermaak.[8] Die dag word gevier met feesviering en tradisionele sport, insluitende boogskiet en veerpyltjies.[6] Dié vakansiedag het moontlik begin as ’n Bhoetanese nuwejaarsviering.[9]

Losar[wysig | wysig bron]

Losar (Dzongkha: ལོ་གསར་, Wylie: lo gsar), Nuwejaar, word tussen Februarie en Maart gevier: amptelik op die eerste dag van die 12de maand van die kalender.[1] Feeste duur 15 dae en die dae vooraf word grootliks bestee aan die voorbereiding van die kos en alkohol en die weggooi van ou of ongebruikte voorwerpe.[10][11] In Bhoetan vier verskillende gemeenskappe die dag op effens verskillende tye en word daarna verwys volgens ’n spesifieke plaaslike naam.[9] Die algemene groet op Losar is "tashi delek".

Verjaarsdag van Koning Jigme Khesar Namgyel Wangchuck[wysig | wysig bron]

21 tot 23 Februarie is vakansiedae waarop die verjaarsdag van koning Jigme Khesar Namgyel Wangchuck, die vyfde en huidige Druk Gyalpo, gevier word.[1]

Shabdrung Kurchoe[wysig | wysig bron]

Shabdrung Kurchoe[1] gedenk die heengaan van shabdrung Ngawang Namgyal in 1651 by Punakha-dzong. Dit is gewoonlik in April of Mei (die 10de dag van die vierde maand). Dit is ’n landwye roudag.[12]

Verjaarsdag van Koning Jigme Dorji Wangchuck[wysig | wysig bron]

2 Mei is die verjaarsdagviering van koning Jigme Dorji Wangchuck (gebore 1928, Trongsa), die derde Druk Gyalpo, wat Bhoetan se eerste treë na modernisering gegee het.[1][12]

Kroning van Koning Jigme Singye Wangchuck[wysig | wysig bron]

2 Junie is die viering van die kroning van koning Jigme Singye Wangchuck, die vierde Druk Gyalpo (1974).[1] Dit is ook Sosiale Bosboudag, wanneer kinders bome plant.[12]

Parinirvana van die Boeddha[wysig | wysig bron]

15 Junie is Parinirvana-dag,[1] waarop die nirwana van Gautama Boeddha gevier word.

Verjaarsdag van Ghoeroe Rinpoche[wysig | wysig bron]

10 Julie is die verjaarsdagviering van ghoeroe Rinpoche (ook bekend as Padmasambhava),[1] die heilige wat Boeddhisme in die 8ste eeu aan Bhoetan bekend gestel het.

Eerste Preek van die Boeddha[wysig | wysig bron]

3 Augustus is die herdenking van die eerste preek van Gautama Boeddha by Sarnath.[1]

Geseënde Reëndag[wysig | wysig bron]

Geseënde Reëndag[1] (Dzongkha: thruebab) val gewoonlik in September en word op ’n gunstige dag tydens die moesonseisoen gehou. Dit is onlangs heringestel nadat dit ’n tyd nie gevier is nie.[13] Daar word feesgevier, alkohol gedrink, sport beoefen en gereinig deur te was.

Dashain[wysig | wysig bron]

Dashain, die belangrikste Nepalese en Hindoefees, val op 6 Oktober.[1][14] Huise word skoongemaak en opgeknap, geskenke uitgedeel en familiebyeenkomste gehou.[8][15]

Kroning van Koning Jigme Khesar Namgyel Wangchuck[wysig | wysig bron]

1 November is die kroningsdag van die huidige koning.[8]

Verjaarsdag van Koning Jigme Singye Wangchuck[wysig | wysig bron]

11 November is die verjaarsdagviering van koning Jigme Singye Wangchuck, die vierde Druk Gyalpo (gebore 1955, Dechencholing-paleis, Thimphu).[8] Dit word ook Grondwetdag genoem; onder dié koning is die land se grondwet opgestel.

Lhabab Duchen[wysig | wysig bron]

Lhabab Duchen[1] val gewoonlik in November (op die 22ste dag van die negende maand). Dit vier Gautama Boeddha se terugkeer na die aarde nadat hy nirwana verkry het. In die oostelike streke van Bhoetan is dit die tyd vir Lhasoel, godsdienstige offerandes in die vorm van ’n tradisionele wyn, seëninge en smeekbedes.[16]

Nasionale Dag[wysig | wysig bron]

Bhoetan se Nasionale Dag is op 17 Desember. Dit was die dag waarop Ugyen Wangchuck as die moderne Bhoetan se eerste Druk Gyalpo (koning) gekroon is.[17] Feesvierings word by die Changlimithang-stadion gehou en sluit ’n toespraak deur die Druk Gyalpo in, asook ’n optog met onder meer ’n standbeeld van Ugyen Wangchuck.[18][19][20]

Tsechu's[wysig | wysig bron]

Opening van die tweede feesdag, Paro.
Dans van die Meester van die Dood, Paro.
Gemaskerde dansers, Wangdue Phodrang-tsechu.
Die Thimphu-tsechu.
Dans met swaarde, Paro-tsechu.

Talle tsechu's, of plaaslike feeste, vind vir tot vyf dae plaas op verskillende plekke in Bhoetan. Dit sluit gewoonlik grootskaalse vertoon en kostuums in, asook allegoriese danse, boogskiet en musiek.[3] Hierdie feeste is eeue oue tradisies wat nie net ’n skakel met die verlede vorm nie, maar ook talle toeriste lok.[21]

Hier onder is ’n lys van groot tsechu's in Bhoetan, saam met hul datums in 2011. Datums in ander jare sal wissel.

Tsechu-datums (2011)[22]
Datum Tsechu Plek
2-4 Januarie Trongsa-tsechu Trongsa
2-4 Januarie Lhuntse-tsechu Lhuntse
2-4 Januarie Pemagatshel-tsechu Pemagatshel
9 Januarie Shingkhar Metochodpa Bumthang
9-13 Januarie Nabji Lhakhang Drup Trongsa
10-15 Februarie Punakha Dromache &-tsechu Punakha
17-21 Februarie Tangsibi Mani Bumthang
18 Februarie Chorten Kora Trashiyangtse
18 Februarie Tharpaling Thongdrol Bumthang
19-21 Februarie Buli Mani Chumey Bumthang
Februarie–Maart
(7de dag, 1ste maand)		 Trashiyangtse-tsechu Trashiyangtse
4 Maart Chorten Kora (2de) Trashiyangtse
13-15 Maart Gomkora Trashigang
13-15 Maart Talo-tsechu Talo, Punakha
13-16 Maart Zhemgang-tsechu Zhemgang
15-19 Maart Paro-tsechu Paro
17-19 Maart Chhukha-tsechu Chukha
1-3 April Gaden Chodpa Ura, Bumthang
12-14 Mei Domkhar-fees Chhume, Bumthang
14-18 Mei Ura Yakchoe Ura, Bumthang
19-21 Junie Padsel–Ling Kuchod Bumthang
Junie Laya Bumkhosa-fees (Bongkor) Laya
8-10 Julie Nimalung-tsechu Bumthang
9-10 Julie Alpe Ha, Haa
10 Julie Kurjey-tsechu Bumthang
29 Julie Gangte Kurim Gangte, Wangdue Phodrang
1-5 Oktober Thimphu Drupchen Thimphu
4-6 Oktober Wangdue-tsechu Wangdue Phodrang
4-6 Oktober Gangte Drubchen & Tsechu Gangte, Wangdue Phodrang
6-8 Oktober Tamshingphala Choepa Bumthang
6-8 Oktober Gasa-tsechu Gasa
6-8 Oktober Thimphu-tsechu Thimphu
10-12 Oktober Thangbi Mani Bumthang
1-5 November Shingkhar Rabney Ura, Bumthang
3-6 November Jakar-tsechu Jakar, Bumthang
10-14 November Jambay Lakhang Drup Bumthang
11-13 November Prakhar Duchoed Bumthang
12 November Swartnekkraanvoëlfees Gangte, Wangdue Phodrang
22-25 November Sumdrang Kangsol Ura, Bumthang
2-5 Desember Trashigang-tsechu Trashigang
2-5 Desember Mongar-tsechu Mongar
3-4 Desember Tang Namkha Rabney Tang Bumthang
10 Desember Singye Cham, Jambay Lhakhang Bumthang
10-12 Desember Nalakhar-tsechu Bumthang
10-13 Desember Chojam Rabney Tang Bumthang

Verwysings[wysig | wysig bron]

  1. ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 "Public Holidays for the year 2011" (in Engels). Royal Civil Service Commission, Government of Bhutan. 26 April 2011. Geargiveer vanaf die oorspronklike op 4 Februarie 2014. Besoek op 26 Julie 2011.
  2. ↑ Henning, E. (5 Februarie 2010). "Bhutanese Calendar" (in Engels). Kalacakra online. Geargiveer vanaf die oorspronklike op 1 November 2019. Besoek op 28 Julie 2011.
  3. ↑ 3,0 3,1 Bhutan Foreign Policy and Government Guide. World Foreign Policy and Government Library. Vol. 20. International Business Publications. 2000. pp. 46–47. ISBN 0-7397-3719-8. Besoek op 27 Julie 2011.[dooie skakel]
  4. ↑ 4,0 4,1 Wangchuk, Rinzin (27 Desember 2007). "Observing Ngenpa Guzom" (in Engels). Kuensel aanlyn. Geargiveer vanaf die oorspronklike op 19 Augustus 2011. Besoek op 27 Julie 2011.
  5. ↑ 5,0 5,1 "Winter Solstice Holiday Resource". MarktheDay.com. Besoek op 27 Julie 2011.
  6. ↑ 6,0 6,1 "Traditional Day of Offering" (in Engels). Kuensel aanlyn. 29 Januarie 2006. Geargiveer vanaf die oorspronklike op 19 Augustus 2011. Besoek op 27 Julie 2011.
  7. ↑ "Traditional Day of Offering" (in Japannees). Bhutan Journals aanlyn. Geargiveer vanaf die oorspronklike op 21 April 2017. Besoek op 27 Julie 2011.
  8. ↑ 8,0 8,1 8,2 8,3 "Holidays of Bhutan Fall/Winter". Far Flung Places & Bhutan Tourism Corporation. 3 Julie 2011. Geargiveer vanaf die oorspronklike op 10 Augustus 2018. Besoek op 26 Julie 2011.
  9. ↑ 9,0 9,1 Namgyel, Tenzin (17 Januarie 2010). "The Real Losar?" (in Engels). Kuensel aanlyn. Geargiveer vanaf die oorspronklike op 19 Augustus 2011. Besoek op 27 Julie 2011.
  10. ↑ Tshering, Dechen (6 Januarie 2011). "The Cooking Up" (in Engels). Kuensel aanlyn. Geargiveer vanaf die oorspronklike op 2 April 2012. Besoek op 27 Julie 2011.
  11. ↑ Dahal, Rabi C (12 Februarie 2010). "Our Cousins in Losar Celebrations". Bhutan Observer aanlyn. Geargiveer vanaf die oorspronklike op 26 Julie 2011. Besoek op 27 Julie 2011.
  12. ↑ 12,0 12,1 12,2 "Holidays of Bhutan Spring/Summer". Far Flung Places & Bhutan Tourism Corporation. 3 Julie 2011. Geargiveer vanaf die oorspronklike op 21 Desember 2019. Besoek op 26 Julie 2011.
  13. ↑ Palden, Karma (24 Oktober 2010). "Thrubab Brings Fields Alive". Bhutan Observer aanlyn. Geargiveer vanaf die oorspronklike op 3 April 2012. Besoek op 27 Julie 2011.
  14. ↑ Bhandari, Achyut (23 Oktober 2010). "The Significance of Dashain Festival". Bhutan Observer aanlyn. Geargiveer vanaf die oorspronklike op 7 Oktober 2011. Besoek op 27 Julie 2011.
  15. ↑ "Bhutan Festivals" (in Engels). RAOnline. 17 Junie 2011. Geargiveer vanaf die oorspronklike op 4 Maart 2016. Besoek op 27 Julie 2011.
  16. ↑ Namgyal, Gyembo (19 Januarie 2010). "It is Lhasoel Time in the East". Bhutan Observer aanlyn. Geargiveer vanaf die oorspronklike op 20 Januarie 2011. Besoek op 27 Julie 2011.
  17. ↑ "The Constitution of the Kingdom of Bhutan (Art. 1)" (PDF). Government of Bhutan. 18 Julie 2008. Geargiveer vanaf die oorspronklike (PDF) op 6 Julie 2011. Besoek op 8 Oktober 2010.
  18. ↑ "National Day Celebrations". Bhutan Broadcasting Service. 17 Desember 2010. Besoek op 27 Julie 2011.
  19. ↑ Tenzin, Ugyen (19 Desember 2009). "December 17, the Essence". Bhutan Observer aanlyn. Geargiveer vanaf die oorspronklike op 26 Julie 2011. Besoek op 27 Julie 2011.
  20. ↑ "National Day of Bhutan". Manila Bulletin Publishing Corporation aanlyn. 16 Desember 2010. Geargiveer vanaf die oorspronklike op 15 September 2012. Besoek op 27 Julie 2011.
  21. ↑ Lorie, Jonathan; Sohanpaul, Amy, reds. (2006). The Traveler's Handbook: The Insider's Guide to World Travel. Traveler's Handbook Series (9 uitg.). Globe Pequot. p. 206. ISBN 0-7627-4090-6. Besoek op 27 Julie 2011.
  22. ↑ "Festival Dates" (in Engels). Windhorse Tours, Treks & Expeditions aanlyn. Geargiveer vanaf die oorspronklike op 27 April 2014. Besoek op 26 Julie 2011.

Eksterne skakels[wysig | wysig bron]

Ontsluit van "https://af.wikipedia.org/w/index.php?title=Openbare_vakansiedae_in_Bhoetan&oldid=2619807"