2 Januarie

2 Januarie is die tweede dag van die jaar in die Gregoriaanse kalender. Daar volg nog 363 dae in die res van die jaar (364 in skrikkeljare).

Gebeure

• 366 – Die Allemanne kruis die bevrore Rynrivier in groot getalle om die Romeinse Ryk in te val.
• 533 – Mercurius word Pous Johannes II, die eerste pous wat ’n nuwe naam aanneem ná sy inwyding.
• 1492 – Rodrigo Borgia (later Pous Alexander VI) vier die verowering van Grenada met ’n stiergeveg in Rome.
• 1666 – Daar word begin met die bou van die Kasteel van Goeie Hoop.
• 1757 – Die Verenigde Koninkryk neem Kalkutta, in Indië in.
• 1793 – Rusland en Pruise skei Pole in twee.
• 1870 – Konstruksie van die Brooklyn-brug in New York begin.
• 1871 – Amadeus I word die koning van Spanje.
• 1921 – Die eerste radio-uitsending van godsdienstige aard vind plaas vanuit Pittsburgh, Pensilvanië.
• 1929 – Kanada en die Verenigde State beraam saam ’n plan om die Niagara-watervalle te bewaar.
• 1935 – Die hofsaak van Bruno Hauptmann, aangekla van die moord op Charles Lindbergh Junior, die babaseun van die vlieënier Charles Lindbergh, begin.
• 1942 – Tweede Wêreldoorlog: Manila word deur Japanese magte ingeneem.
• 1949 – Luis Muñoz Marín word die eerste demokraties-verkose goewerneur van Puerto Rico.
• 1955 – Die president van Panama, Jose Antonio Remon sterf in ’n sluipmoordaanval.
• 1981 – Peter Sutcliffe, die Yorkshire Ripper, word arresteer.
• 1991 – Sharon Pratt Dixon word ingesweer as die burgemeester van Washington, DC, en word daardeur die eerste swart vrou om ’n stad van soortgelyke grootte en belang te lei.
• 1998 – Rusland begin om nuwe roebels te versprei, om inflasie teë te werk en sakevertroue te herstel.

Geboortes

• 1822 – Rudolf Clausius, Duitse fisikus en wiskundige († 1888)
• 1885 – Boy Morkel, Suid-Afrika se veertiende Springbokkaptein († 1955).
• 1886 – Florence Lawrence, Kanadese aktrise († 1938)
• 1920 – Isaac Asimov, Amerikaanse skrywer en professor in biochemie († 1992)
• 1938 – Hans Herbjørnsrud, Noorweegse skrywer
• 1939 – Jim Bakker, Amerikaanse televangelis
• 1967 – Francois Pienaar, Suid-Afrika se twee-en-veertigste Springbokkaptein
• 1968 – Cuba Gooding Jr., Amerikaanse akteur
• 1969 – Christy Turlington, Amerikaanse model

Sterftes

• 1995 – Siad Barre, Somaliese politikus en staatsman, president van Somalië (* 1919)

Vakansie-, vierings- en waarnemingsdae

• Die negende dag van Kersfees, gevier in sommige Westerse Christelike lande.
• Skotland - Die tweede dag van die Hogmanay-vakansiedag.
• Feesdag van Pous Silvester I in die Ortodokse Kerk ( 31 Desember in die Rooms-Katolieke Kerk.)